PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋଭିଡ୍ ନିୟମରେ ପରିବର୍ତ୍ତନ; କରୋନା ପଜିଟିଭ୍ ରିପୋର୍ଟ ନଥିଲେ ବି ଡାକ୍ତରଖାନାରେ ମିଳିବ ଆଡ୍‌ମିଶନ
  • ||
  • ବିହାର : JDU ନେତା ତଥା MLC ତନଭୀର ଅଖତରଙ୍କ ମୃତ୍ୟୁ , କରୋନାରେ ପୀଡ଼ିତ ଥିଲେ
  • ||
  • ଦାଦନ ଖଟିବାକୁ ଯାଇ ତେଲେଙ୍ଗାନାରେ ସାପ କାମୁଡ଼ାରେ ପ୍ରାଣହରାଇଲେ ଶ୍ରମିକ
  • ||
  • ଜଳେଶ୍ୱର: ଘରୋଇ କ୍ଲିନିକରେ ପୁଣି ପ୍ରସବ ପରେ ମହିଳାଙ୍କ ମୃତ୍ୟୁ
  • ||
  • ବିରମହାରାଜପୁର : ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ସହରର ସାମ୍ବାଦିକ ଭବନ ନିକଟରେ ଅଳିଆ ଗଦାରୁ ନିଆଁ ଲାଗି ପୋଡିଗଲା ସେଲୁନ
  • ||
  • ବ୍ରହ୍ମପୁର : ବ୍ରହ୍ମପୁରରେ ପୁଲିସ ଡିଜି, ସୁରକ୍ଷା ବ୍ୟବସ୍ଥା ସମୀକ୍ଷା କରିବା ପରେ ଗିରିସଲା ସୀମାକୁ ଯିବେ
  • ||
  • ପାରାଦୀପ : ଥାନାରେ ପଶି ଧମକ ଦେବା ଅଭିଯୋଗରେ ୨ ନକଲି ସାମ୍ବାଦିକ ଗିରଫ, ଡ୍ରାଇଭର ସମେତ ୩ ଦାମୀ କାର ଜବତ
  • ||
  • ନୂଆଦିଲ୍ଲୀ : ଗତ ୨୪ ଘଣ୍ଟାରେ ଦେଶରେ ୪ ଲକ୍ଷ ୧ ହଜାର ୭୮ ନୂଆ କରୋନା ଆକ୍ରାନ୍ତ ଚିହ୍ନଟ, ୪ ହଜାର ୧୮୭ ଜଣଙ୍କ ମୁଣ୍ଡ ନେଲା କରୋନା
  • ||
  • କଟକ: ଶୁକ୍ରବାର ରାତିରୁ ଏସସିବି କାଜୁଆଲଟିରେ ପଡି ରହିଛି କୋଭିଡ ସଂକ୍ରମିତଙ୍କ ମୃତଦେହ, ଏନେଇ ଅସନ୍ତୋଷ ବ୍ୟକ୍ତ କଲେ ଡାକ୍ତର ଓ କର୍ମଚାରୀ
  • ||
  • ଗାଙ୍ଗପୁର ଥାନା ଅନ୍ତର୍ଗତ ଷଢଙ୍ଗିପଲ୍ଲୀ ନିକଟରେ ଓଲଟିଲା ସ୍ପିରିଟ ବୋଝେଇ ଟ୍ରକ, ୨ ଆହାତ
  • ||
  • ସାଲେପୁର : ସାଲେପୁର ସବ୍-ଜେଲରୁ ଆଉ ୯ଜଣ କଏଦୀ କରୋନା ପଜିଟିଭ୍‌ ଚିହ୍ନଟ
  • ||
  • କୋରାପୁଟ:ହଳଦୀକୁଣ୍ଡ ପଞ୍ଚାୟତର ପୁରୁଣାପାଣି ଗାଁରେ ଘଟିଲା ଆଘଟଣ, ପୋଖରୀରେ ବୁଡି ଆଖିବୁଜିଲେ ମା’- ଝିଅ
  • ||
  • ଗଞ୍ଜାମ: ପୁଇଁତୋଳା ଛକରେ ଅଟୋ ପିଟିଲା ଟ୍ରକ, ଅଟୋ ଡ୍ରାଇଭର ମୃତ ,୩ ଆହତ
  • ||
  • ଭୁବନେଶ୍ଵର : ଆଇଗିଣିଆ ଛକରେ ମର୍ମନ୍ତୁଦ ଦୁର୍ଘଟଣା, କଣ୍ଟେନର ଖସି ଟ୍ରଲର ଡ୍ରାଇଭର ମୃତ, ହେଲପର ଗୁରୁତର
  • ||
  • ଭୁବନେଶ୍ୱର : ଓଡ଼ିଶାରେ କରୋନା ନେଲା ଆଉ ୨୧ ଜଣଙ୍କ ମୁଣ୍ଡ, ମୃତ୍ୟୁ ସଂଖ୍ୟା ୨୧୬୧କୁ ବୃଦ୍ଧି
  • ||
  • ରାଞ୍ଚି : ଝାରଖଣ୍ଡର ରାଞ୍ଚିର ସଦର ହସ୍ପିଟାଲରେ ଅକ୍ସିଜେନ୍ ସପ୍ଲାଇ ବନ୍ଦ ହେବା କାରଣରୁ ୫ ରୋଗୀ ମୃତ, ଯାଞ୍ଚ୍ ନିର୍ଦ୍ଦେଶ ଦେଲେ ସ୍ଵାସ୍ଥ୍ୟମନ୍ତ୍ରୀ
  • ||
  • ଭୁବନେଶ୍ଵର : ଓଡ଼ିଶାରେ କରୋନା ବିସ୍ଫୋରଣ, ଦିନକରେ ଚିହ୍ନଟ ହେଲେ ୧୧ ହଜାର ୮୦୭ ପଜିଟିଭ ଆକ୍ରାନ୍ତ
  • ||
  • ଭୁବନେଶ୍ଵର : ଆଜି ଅଧା ଓଡ଼ିଶାରେ କାଳବୈଶାଖୀ, ୩ ଜିଲ୍ଲାରେ କୁଆପଥର ବର୍ଷିବା ନେଇ ସତର୍କ ସୂଚନା ଜାରି କଲେ ସ୍ୱତନ୍ତ୍ର ରିଲିଫ୍‌ କମିଶନର, ୧୧ରୁ ବଢ଼ିବ ତାତି
  • ||

୨,୨୨୩ ଗାଁରେ ପହଞ୍ଚିବ ପାଇପ୍‌ ପାଣି

source:helloscience.io

ଭୁବନେଶ୍ୱର,୨୯ା୧(ବ୍ୟୁରୋ): ଗ୍ରାମାଞ୍ଚଳରେ ବାସ କରୁଥିବା ଜନସାଧାରଣଙ୍କୁ ବିଶୁଦ୍ଧ ପାନୀୟ ଜଳ ଯୋଗାଇ ଦେବା ପାଇଁ ରାଜ୍ୟ କ୍ୟାବିନେଟ୍‌ ଆଜି ୮ଟି ପ୍ରକଳ୍ପ ପାଇଁ ୩୧୮୦.୮୮ କୋଟି ଟଙ୍କାର ଟେଣ୍ଡର୍‌କୁ ମୋହର ମାରିଛି । ଏହାଦ୍ୱାରା ପ୍ରାୟ ୨,୨୨୩ଟି ଗାଁର ଲୋକେ ଉପକୃତ ହେବେ । ପ୍ରକଳ୍ପ ଗୁଡ଼ିକ ୨୪ ମାସରେ ଶେଷ କରିବାକୁ ନିଷ୍ପତ୍ତି ହୋଇଛି ।
ଏହି ପ୍ରକଳ୍ପ ମଧ୍ୟରେ ମୟୂରଭଞ୍ଜ ଜିଲ୍ଲାର ରାଇରଙ୍ଗପୁର ଓ ଯଶୀପୁର ବ୍ଲକ୍‌ ଅନ୍ତର୍ଗତ ୩୩୦ଟି ଗ୍ରାମରେ ଭୂତଳ ଜଳ ଖଣି ଦ୍ୱାରା ପ୍ରଭାବିତ ହୋଇଥିବା ଗ୍ରାମକୁ ଓଡ଼ିଶା ମିନେରାଲ୍‌ ବିୟରିଂ ଏରିଆ ଡେଭଲ୍ପ୍‌ମେଣ୍ଟ କର୍ପୋରେସନ୍‌ (ଓଏମ୍‌ବିଏଡିସି) ଜରିଆରେ ୨ଟି ପ୍ରକଳ୍ପ ପ୍ରତିଷ୍ଠା କରାଯିବ । ଏଥିରେ ୨୯ଟି ପଞ୍ଚାୟତର ୩୩୦ଟି ଗ୍ରାମରେ ବାସ କରୁଥିବା ୧ଲକ୍ଷ ୬୧ ହଜାର ୭୨୨ ଲୋକଙ୍କୁ ବିଶୁଦ୍ଧ ପାନୀୟ ଜଳ ଯୋଗାଇ ଦିଆଯିବ । ଏଥିପାଇଁ ଲାରସନ୍‌ ଆଣ୍ଡ୍‌ ଟୁବ୍ରୋ କମ୍ପାନୀର ସର୍ବନିମ୍ନ ୪୩୦ କୋଟି ଟଙ୍କାର ଟେଣ୍ଡରକୁ କ୍ୟାବିନେଟ ଅନୁମୋଦନ କରିଛି ।
ଖୋର୍ଦ୍ଧା ଜିଲ୍ଲାର ବୋଲଗଡ଼ ଓ ବେଗୁନିଆ ଏବଂ ଢ଼େଙ୍କାନାଳ ଜିଲ୍ଲା ସଦର ବ୍ଲକ୍‌ ଅନ୍ତର୍ଗତ ମୋଟ ୩୯୦ଟି ଗ୍ରାମର ୨ଲକ୍ଷ ୮୨ ହଜାର ୯୫୧ ଲୋକଙ୍କୁ ବିଶୁଦ୍ଧ ପାନୀୟ ଜଳ ଯୋଗାଇ ଦେବା ପାଇଁ ୨ଟି ପ୍ରକଳ୍ପ କାର୍ଯ୍ୟକାରୀ କରାଯିବ । ଏହି ପ୍ରକଳ୍ପ ଜେଏମ୍‌ସି ପ୍ରୋଜେକ୍ଟ ଆଣ୍ଡ ଜେଡବ୍ଲ୍ୟୁଆଇଏଲ୍‌ ସଂସ୍ଥାକୁ ୩୧୫ କୋଟି ୨୦ ଲକ୍ଷ ଟଙ୍କାର ସର୍ବନିମ୍ନ ଟେଣ୍ଡର୍‌ଧାରୀ ଭାବରେ ଅନୁମୋଦନ କରାଯାଇଛି ।
ଅନୁଗୁଳ ଜିଲ୍ଲାର ୩୮୮ଟି ଗ୍ରାମକୁ ଜିଲ୍ଲା ଖଣିଜ ସଂସ୍ଥାନ (ଡିଏମ୍‌ଏଫ୍‌) ଆର୍ଥିକ ସହାୟତାରେ ପାନୀୟ ଜଳ ଯୋଗାଇ ଦିଆଯିବ । ଏଥିପାଇଁ ଦୁଇଗୋଟି ପ୍ରକଳ୍ପକୁ ଗୋଟିଏ ପ୍ୟାକେଜ୍‌ରେ ଟେଣ୍ଡର୍‌ କରାଯାଇଛି । ହାଇଦ୍ରାବାଦ୍‌ର ଏନ୍‌ସିସି ଲିମିଟେଡ୍‌ ସଂସ୍ଥା ସର୍ବନିମ୍ନ ୭୦୧କୋଟି ୮୬ ଲକ୍ଷ ଟଙ୍କାର ଟେଣ୍ଡର୍‌କୁ କ୍ୟାବିନେଟ୍‌ ଆଜି ମଞ୍ଜୁରି ଦେଇଛି । ଏହାଦ୍ୱାରା ତାଳଚେର, ଛେଣ୍ଡିପଦା ଓ କଣିହାଁ ବ୍ଲକ୍‌ର ୩ଲକ୍ଷ ୪୦ହଜାର ୧୯୭ ଲୋକ ଉପକୃତ ହେବେ ।
କେନ୍ଦୁଝର ଜିଲ୍ଲା ଚମ୍ପୁଆ, ଝୁମ୍ପୁରା, କେନ୍ଦୁଝର ଓ ବାଂଶପାଳ ବ୍ଲକ୍‌ର ମୋଟ ୫୮୯ଟି ଗ୍ରାମର ୪ଲକ୍ଷ ୧୩ହଜାର ୯୧୯ ଲୋକଙ୍କୁ ଓଡ଼ିଶା ମିନେରାଲ୍‌ ବିୟରିଂ ଏରିଆ ଡେଭଲ୍ପ୍‌ମେଣ୍ଟ କର୍ପୋରେସନ୍‌ (ଓଏମ୍‌ବିଏଡିସି) ଓ ଜିଲ୍ଲା ଖଣିଜ ସଂସ୍ଥାନ (ଡିଏମ୍‌ଏଫ୍‌) ଆର୍ଥିକ ସହାୟତାରେ ଗୋଟିଏ ପାନୀୟ ଜଳ ପ୍ରକଳ୍ପ ପ୍ରତିଷ୍ଠା କରାଯିବ । ଏଥିପାଇଁ ଲାରସନ୍‌ ଆଣ୍ଡ୍‌ ଟୁବ୍ରୋ କମ୍ପାନୀର ସର୍ବନିମ୍ନ ୯୭୯ କୋଟି ୮୨ ଲକ୍ଷ ଟଙ୍କାର ଟେଣ୍ଡର୍‌କୁ କ୍ୟାବିନେଟ ଅନୁମୋଦନ କରିଛି ।
ଭଦ୍ରକ ଜିଲ୍ଲା ବାସୁଦେବପୁର, ତିହିଡ଼ି, ଚାନ୍ଦବାଲି ଓ ଧାମନଗର ବ୍ଲକ୍‌ର ୬ଲକ୍ଷ ୧୬ ହଜାର ୮୩୮ ଲୋକଙ୍କୁ ବିଶୁଦ୍ଧ ଜଳ ଯୋଗାଇ ଦେବା ପାଇଁ ରାଜ୍ୟ ସରକାରଙ୍କ ବସୁଧା (ଆର୍‌ଆଇଡିଏଫ୍‌) ଯୋଜନାରେ ଗୋଟିଏ ପାନୀୟ ଜଳ ପ୍ରକଳ୍ପ ପ୍ରତିଷ୍ଠା କରାଯିବ । ଏଥିପାଇଁ ହାଇଦ୍ରାବାଦ୍‌ର ମେଘା ଇଞ୍ଜିନିୟରିଂ ଇନ୍‌ଫ୍ରାଷ୍ଟ୍ରକ୍‌ଚର କମ୍ପାନୀର ସର୍ବନିମ୍ନ ୭୫୪ କୋଟି ଟଙ୍କାର ଟେଣ୍ଡର୍‌କୁ କ୍ୟାବିନେଟ୍‌ ମଞ୍ଜୁରୀ ଦେଇଛି । ସମସ୍ତ କାର୍ଯ୍ୟ ୨୪ ମାସ ମଧ୍ୟରେ ଶେଷ କରିବାକୁ ଟେଣ୍ଡର୍‌ରେ ସର୍ତ୍ତ ରହିଛି ।