PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋକସରା: ପଛୁଆ ବର୍ଗ ପକ୍ଷରୁ କୋକସରାରେ ସଂରକ୍ଷଣ ଦାବିରେ ରାସ୍ତା ଅବରୋଧ, ଯାତାୟତ ଠପ୍
  • ||
  • କଳାହାଣ୍ଡି: ଅଙ୍ଗନୱାଡି କର୍ମୀ ଚୟନ ପାଇଁ ରାମପୁର ଆଇସିଡିଏସ୍ ସିଡିପିଓ ଲକ୍ଷେ ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ ଟିମ୍
  • ||
  • କଟକ: ଦୀପାବଳିରେ ବାଣ ଫୁଟାଇବାକୁ ନେଇ ମାମଲା, ପିଟିସନ୍ ଖାରଜ; ସାନି ପିଟିସନ୍ ଦାଖଲ ଲାଗି ହାଇକୋର୍ଟଙ୍କ ନିର୍ଦେଶ
  • ||
  • ଭୁବନେଶ୍ୱର: କାର୍‌ଗିଲ୍‌ ବସ୍ତିରୁ ୨୫୪ ଗ୍ରାମ୍‌ ବ୍ରାଉନ୍‌ସୁଗାର ଜବତ, ଜଣେ ଗିରଫ
  • ||
  • ନୀଳଗିରି: ଯୁବତୀଙ୍କୁ ଦୁର୍ବ୍ୟବହାର କରିବା ଯୁବକଙ୍କୁ ପଡିଲା ମହଙ୍ଗା, ଧରାପଡି ନିର୍ଧୁମ ମାଡ଼ ଖାଇଲେ
  • ||
  • ସୀମାନ୍ତରେ ମାଓବାଦୀ ଯବାନ ଗୁଳିବିନିମୟ ୩ ମାଓବାଦୀ ନିହତ, ବନ୍ଧୁକ ଗୋଳାବାରୁଦ ଜବତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୩୧୨କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୨୫ କୋଭିଡ୍ ପଜିଟିଭ୍
  • ||
  • ଆଠଗଡ଼: ପବିତ୍ର କାର୍ତ୍ତିକ ମାସର ପ୍ରଥମ ସୋମବାର, ଖାଁ ଖାଁ ଧବଳେଶ୍ଵରଙ୍କ ପୀଠ
  • ||
  • ମୟୂରଭଞ୍ଜ: ଆଜି ୧୨ ଘଣ୍ଟିଆ ମୟୂରଭଞ୍ଜ ବନ୍ଦ, ୧୬ ଦଫା ଦାବିରେ ନେଇ ରାସ୍ତାକୁ ଓହ୍ଲାଇଛି ବିଜେପି
  • ||
  • ଭୁବନେଶ୍ୱର: ରାଜ୍ୟରେ ୫ ଦିନ ଯାଏ ବଢ଼ିବନି ଶୀତ, ୨୮ରୁ ୩୦ ଯାଏ କାଁ ଭାଁ ବର୍ଷା ସମ୍ଭାବନା
  • ||
  • ଭୁବନେଶ୍ୱର: ଆଜିଠୁ ଆରମ୍ଭ ହେବ ଅଷ୍ଟମ ଶ୍ରେଣୀ କ୍ଲାସ୍ ରୁମ୍ ପାଠପଢ଼ା, ପ୍ରଥମ ଦୁଇଦିନ ହସଖୁସି ପିଲାଙ୍କ ଶିକ୍ଷଣସ୍ତର ମପାଯିବ
  • ||
  • ରାୟଗଡ଼ା: ବସ୍ତି ଉଚ୍ଛେଦ ପ୍ରତିବାଦରେ ବିଜେପି ପକ୍ଷରୁ ୧୨ ଘଣ୍ଟିଆ ରାସ୍ତାରୋକ। ରାସ୍ତା ଅବରୋଧ ଆରମ୍ଭ ହେବାର ମାତ୍ର ୧ ଘଣ୍ଟା ପରେ ସମସ୍ତଙ୍କୁ ଉଠେଇ ନେଲା ପୁଲିସ।
  • ||
  • ଜଗତସିଂହପୁର: ୩୦୦ ଗ୍ରାମ ବ୍ରାଉନସୁଗର ସହ ନଗଦ ଟଙ୍କା ଜବତ କଲା ଜଗତସିଂହପୁର ପୋଲିସ, ଜଣେ ମହିଳା ଅଟକ
  • ||

ବର୍ଷା ଅଭାବ ଭରିଲା ଲଘୁଚାପ: ୯ରେ ପୁଣି ଲଘୁଚାପ ବର୍ଷା, ୩ରୁ ୪ ଦିନ ପ୍ରବଳ ବର୍ଷା ସମ୍ଭାବନା

ଭୁବନେଶ୍ୱର,୭/୦୮: ସପ୍ତାହେ ତଳେ ଜଳଜଳ ଦିଶୁଥିଲା ଗଜା ମରୁଡ଼ି ସ୍ଥିତି ମାଡ଼ି ଆସୁଛି । ବର୍ଷା ଅଭାବରୁ ଉପକୂଳ ଓଡ଼ିଶା ସ୍ଥିତି ପୂରା ବିଗିଡ଼ିଯାଇଥିଲା । ଆଉ କିଛି ଦିନ ବିଳମ୍ବ ହୋଇଥିଲେ ଚାଷୀ ବି ଆଶା ଛାଡ଼ି ଦେଇଥାନ୍ତେ । ଏମିତିରେ ବଞ୍ଚାଇଦେଲା ଲଘୁଚାପ । ବର୍ଷାର ଅଭାବକୁ ଭରଣା କରିଛି ଏଇ ଲଘୁଚାପ । ପୁଣି ଆଉ ଏକ ଲଘୁଚାପ ଆସୁଛି ୯ ତାରିଖକୁ । ଯାହାକି ଚାଷ କାମ ଆଗେଇବାକୁ ବାଟ ଫିଟାଇବା ସହ ଚାଷୀ ମନରେ ସକରାତ୍ମକ ଆଶା ଭରିଛି । ଅଗଷ୍ଟ ପହିଲାରୁ ଆଜି ସୁଦ୍ଧା ରାଜ୍ୟରେ ପ୍ରାୟତଃ ଭଲ ବର୍ଷା ହୋଇଛି । ୧୦ଟି ଜିଲ୍ଲାରେ ଅତ୍ୟଧିକ ବର୍ଷା ରେକର୍ଡ ହୋଇଛି । ଯେଉଁ ପୁରୀ ଜିଲ୍ଲାରେ ଅଗଷ୍ଟ ୩ ତାରିଖ ସୁଦ୍ଧା ୪୮% କମ୍‌ ବର୍ଷା ହୋଇଥିଲା, ସେଠାରେ ଅଗଷ୍ଟର ୬ ଦିନ ଭିତରେ ୧୮୯.୪ ମିଲିମିଟର ବର୍ଷା ରେକର୍ଡ ହୋଇଛି ।

ଅଗଷ୍ଟ ପହିଲାରୁ ଆଜି ଭିତରେ ପୁରୀରେ ଯେତିକି ବର୍ଷା ହେବା କଥା, ତା’ଠାରୁ ୧୮୯.୪ ମିଲିମିଟର ଅଧିକ ବର୍ଷା ହୋଇଛି । ପୁରୀ ସମେତ ୧୦ ଜିଲ୍ଲାରେ ସ୍ୱାଭାବିକଠାରୁ ୬୦%ରୁ ଅଧିକ ବର୍ଷା ହୋଇଛି ଏଇ ୬ ଦିନ ଭିତରେ । ଆଉ ୬ଟି ଜିଲ୍ଲାରେ ସ୍ୱାଭାବିକଠାରୁ ୨୦%ରୁ ୫୯% ପର୍ଯ୍ୟନ୍ତ ଅଧିକ ବର୍ଷା ରେକର୍ଡ ହୋଇଛି । ଅଗଷ୍ଟ ପହିଲାରୁ ଆଜି ସୁଦ୍ଧା ଭଦ୍ରକରେ ୧୨୬% ଅଧିକ ବର୍ଷା ହୋଇଛି । ସେହିପରି ଅନୁଗୁଳରେ ୧୧୯%, ସୁନ୍ଦରଗଡ଼ରେ ୯୩%, ଖୋର୍ଦ୍ଧାରେ ୮୭%, କେନ୍ଦୁଝରରେ ୬୬%, ଦେବଗଡ଼ରେ ୮୧%, ଢେଙ୍କାନାଳରେ ୮୦%, କଟକରେ ୬୫% ଅଧିକ ବର୍ଷା ହୋଇଛି ।

ଏହି ସମୟ ଭିତରେ କେନ୍ଦ୍ରାପଡ଼ାରେ ୪୧%, ଜଗତସିଂହପୁରରେ ୩୮% ସମ୍ବଲପୁରରେ ୪୫%, ବରଗଡ଼ରେ ୩୮%, ସୋନପୁରରେ ୪୯%, ବୌଦ୍ଧରେ ୩୯%, ଝାରସୁଗୁଡ଼ାରେ ୨୮% ଅଧିକ ବର୍ଷା ହୋଇଛି । ଏହାବାଦ୍‌ ମୟୂରଭଞ୍ଜ, ବାଲେଶ୍ୱର, ଯାଜପୁର, ଗଞ୍ଜାମ, କନ୍ଧମାଳ, ବଲାଙ୍ଗିର, କୋରାପୁଟ, ମାଲକାନଗିରିରେ ସ୍ୱାଭାବିକ ବର୍ଷା ହୋଇଛି । ଅଗଷ୍ଟ ପ୍ରଥମ ସପ୍ତାହର ୬ ଦିନରେ ୬ଟି ଜିଲ୍ଲାରେ ବର୍ଷା ପରିମାଣ କମ୍‌ ରହିଛି । ନୂଆପଡ଼ାରେ ୭୧% ଓ କଳାହାଣ୍ଡିରେ ୬୩% କମ୍‌ ବର୍ଷିଛି ମୌସୁମୀ । ଏହାବାଦ୍‌ ନବରଙ୍ଗପୁର, ରାୟଗଡ଼ା, ଗଜପତି, ନୟାଗଡ଼ରେ ବର୍ଷା କମ୍‌ ରହିଛି । ଜୁନ୍‌ ପହିଲାରୁ ଅଗଷ୍ଟ ୩ ସୁଦ୍ଧା ଓଡ଼ିଶାରେ ୧୭% କମ୍‌ ବର୍ଷିଥିଲା ମୌସୁମୀ । ଏବେ ଏହି ସ୍ଥିତିରେ ସୁଧାର ଆସିଛି । ୬% ବର୍ଷା ଅଭାବକୁ ପୂରଣ କରିଛି ଲଘୁଚାପ ବର୍ଷା । ଏବେ ରାଜ୍ୟରେ ୧୧% କମ୍‌ ରହିଛି ମୋଟ ବର୍ଷା ପରିମାଣ ।

ଜୁନ୍‌ ପହିଲାରୁ ଏବେ ସୁଦ୍ଧା ୧୦ ଜିଲ୍ଲାରେ ବର୍ଷା କମ୍‌ ରହିଛି । ତେବେ ପୂର୍ବାପେକ୍ଷା ସେ ସବୁ ଜିଲ୍ଲାରେ ସ୍ଥିତି ସୁଧୁରିଛି । ୩ ତାରିଖ ସୁଦ୍ଧା ପୁରୀରେ ୪୭% କମ୍‌ ବର୍ଷା ଥିବାବେଳେ ଏବେ ମାତ୍ର ୨୦% କମ୍‌ ରହିଛି । ସେହିପରି ଜୁନ୍‌ ପହିଲାରୁ ଆଜି ସୁଦ୍ଧା କେନ୍ଦ୍ରାପଡ଼ାରେ ୩୧%, ଯାଜପୁରରେ ୩୮%, ବାଲେଶ୍ୱରରେ ୩୪%, ଖୋର୍ଦ୍ଧାରେ ୩୦%, ସୋନପୁରରେ ୨୫%, ନୟାଗଡ଼ରେ ୨୫%, ଜଗତସିଂହପୁରରେ ୨୩%, ମୟୂରଭଞ୍ଜରେ ୨୨%, କଟକରେ ୨୬% କମ୍‌ ବର୍ଷା ହେଇଛି ।

ପାଣିପାଗ ବିଭାଗ କହିଛି, ଆସନ୍ତା ୯ ତାରିଖବେଳକୁ ଏକ ଲଘୁଚାପ ସମ୍ଭାବନା ଅଛି । ଏହା ପ୍ରଭାବରେ ୮ରୁ କ୍ରମଶଃ ବର୍ଷା ବଢ଼ିବ । ୯-୧୦ରୁ ପ୍ରବଳ ବର୍ଷା ହୋଇପାରେ । ୩-୪ ଦିନ ଧରି ଅଧିକ ବର୍ଷା ହେବ । କୃଷି ବିଶେଷଜ୍ଞଙ୍କ କହିବାନୁଯାୟୀ ବର୍ତ୍ତମାନ ବର୍ଷା ବଢ଼ିଥିବାରୁ ତଳି ରୁଆ କାମ ଆଗେଇପାରିବ । ସିଧା ବୁଣା ଧାନ ବେଉଷଣ ମଧ୍ୟ ହୋଇପାରିବ । ଆଉ ବିଳମ୍ବ ନ କରି ଚାଷୀ ଏବେ ଚାଷ କାମ ଆଗେଇବା କଥା ।