PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ଅଗଷ୍ଟରେ ବି ନିଅଣ୍ଟିଆ ବର୍ଷା, ପୁଣି ଘନେଇଲା ମରୁଡ଼ି ଆଶଙ୍କା, ୧୫ ଦିନରେ ଉପକୂଳ ଜିଲ୍ଲାରେ ଉଭେଇ ଯିବ ବର୍ଷା
  • ||
  • ପଟ୍ଟାଙ୍ଗି : ବାଇକ୍‌ର କିସ୍ତି ଟଙ୍କା ବାନ୍ଧି ଘରକୁ ଫେରୁଥିଲେ ଧକ୍କା ଦେଲା ୧୦ ଚକିଆ ଟ୍ରକ୍, ଆଖି ବୁଜିଲେ ମାମୁଁ-ଭଣଜା
  • ||
  • ରାଉରକେଲା : ରାଉରକେଲା ପ୍ଲାଣ୍ଟସାଇଡ୍ ଥାନା ଗୋପବନ୍ଧୁ ପଲ୍ଲୀ ଅଞ୍ଚଳରେ ୧୩ ବର୍ଷର ଝିଅକୁ ବିକ୍ରି କରୁଥିଲା ଜନ୍ମକଲା ମାଆ, ବାପାଙ୍କ ଅଭିଯୋଗ ପରେ ଉଦ୍ଧାର ହେଲା ନାବାଳିକା
  • ||
  • ପଦ୍ମପୁର : ଗାଇସିଲେଟ ବ୍ଲକ ଅଧୀନ ଚାରିଛକଠାରୁ ମଲମଣ୍ଡା ବୌଦ୍ଧବିହାର ଗନିଆଁପାଲି ରାସ୍ତା ମରାମତି ପାଇଁ ଶୁଣିଲାନି ପ୍ରଶାସନ, ଧାନ ରୋଇ ପ୍ରତିବାଦ କଲେ ଗ୍ରାମବାସୀ
  • ||
  • କୋରାପୁଟ : ଆଜିଠୁ ଖୋଲିବ ଶାବର ଶ୍ରୀକ୍ଷେତ୍ର, ବାହାର ଭୋଗ ମନା, କଟକଣାରେ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର : ଓଡ଼ିଶାରେ ସାମାନ୍ୟ ବଢ଼ିଲା କରୋନା ଗ୍ରାଫ୍, ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୧୨୯ ଜଣ କୋଭିଡ ପଜିଟିଭ୍
  • ||
  • ବ୍ରହ୍ମପୁର : ଦୀର୍ଘ ଦିନ ପରେ ଖୋଲିଲା ବ୍ରହ୍ମପୁରର ସବୁ ମନ୍ଦିର, ଦିଅଁଙ୍କ ନିକଟରେ ଭୋଗ କରିପାରିବେନି ଭକ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୬୧୦୨କୁ ବୃଦ୍ଧି
  • ||

କିଲର୍‌ ମାଛ ଆଲର୍ଟ-ଛୋଟ ବିଷାକ୍ତ ଓ୍ୱିଭର୍‌ ମାଛ ଯୋଗୁଁ ହୋଇ ପାରେ ହାର୍ଟ ଆଟାକ୍‌, ସମୁଦ୍ରରେ ଗାଧୋଇବା ବେଳେ କରିଥାଏ ଆକ୍ରମଣ

ଲଣ୍ଡନ- ଛୋଟ ମାଛ ହେଲେ ଅତି ଭୟଙ୍କର । ଏହାର ଆକ୍ରମଣରେ ମଣିଷର ମୃତ୍ୟୁ ମଧ୍ୟ ହୋଇପାରେ । ଏହି ଛୋଟ ବିଷାକ୍ତ ମାଛର ନାଁ ଓ୍ୱିଭର ଫିସ୍‌ । ଏହା ସମୁଦ୍ରର ବେଳାଭୂମି ନିକଟରେ ଲୁଚିକରିଥାଏ । ସମୁଦ୍ର ସ୍ନାନ ସମୟରେ ଲୋକଙ୍କୁ ଆକ୍ରମଣ କରିଥାଏ । ଏହି ମାଛର ମୁଣ୍ଡ ଶରୀର ତୁଳନାରେ ବଡ । ଏହି ମାଛର ଉପରି ଭାଗରେ ବଡ ବଡ କଣ୍ଟା ରହିଛି । ବେଳାଭୂମି ନିକଟରେ ଥିବା ବାଲି ପାଣି ମିଶା ସ୍ଥାନରେ ଲୁଚି କରିଥାଏ । ଏହା ଆକ୍ରମଣ କଲେ କଣ୍ଟାରେ ମଣିଷର ଶରୀର ଚିରି ହୋଇଯାଇଥାଏ । ଏଥିଯୋଗୁଁ ପ୍ରବଳ କଷ୍ଟ ହୋଇଥାଏ । ଏହାର ବିଷକ୍ରିୟା ଯୋଗୁଁ ମଣିଷର ହାର୍ଟ ଆଟାକ ହୋଇପାରେ ।

ଏହି ମାଛ ଦେଖିବା ପାଇଁ ବାଲି ରଙ୍ଗର । ସହଜରେ ଏହାର ରଙ୍ଗ ଜଣା ପଡେ ନାହିଁ । ବାଲି ଭିତରେ ବୁଡି ରହି ନିଜ ଶିକାରର ଅପେକ୍ଷାରେ ରହିଥାଏ । ଶିକାର ମିଳିବା ମାତ୍ରେ ତା ଉପରେ ଆକ୍ରମଣ କରିଥାଏ । ଶିକାରର ଶରୀରରେ ଏହା ଏକ ପ୍ରକାରର ବିଷ ପ୍ରୟୋଗ କରିଥାଏ । ଏହି ବିଷ ଓ୍ୱିଭର ମାଛର କଣ୍ଟାରେ ଥାଏ । ଏହି ବିଷ କ୍ରିୟା ଯୋଗୁଁ ଭୟଙ୍କର ଯନ୍ତ୍ରଣା ହୋଇଥାଏ ।

ଲୋକମାନେ ସମୁଦ୍ର ସ୍ନାନର ମଜା ନେଉଥିବା ବେଳେ ଏହା ସାଧାରଣତଃ ପାଦକୁ ଆକ୍ରମଣ କରିଥାଏ । ଏବେ ୟୁକେ ଗ୍ରୀଷ୍ମ ଋତୁ ଶେଷ ହେବା ପାଇଁଯାଉଛି ଏହଚି ସମୟରେ ବହୁ ଲୋକ ସମୁଦ୍ର ସ୍ନାନର ମଜା ନେଇଥାଆନ୍ତି । ମାତ୍ର କିଛି ଦିନ ଧରି ୟୁକେରେ ହାର୍ଟ ଆଟାକ୍‌ର ଘଟଣା ବୃଦ୍ଧି ପାଇବାରେ ଲାଗିଥିଲା । କାରଣ ଖୋଜୁ ଖୋଜୁ ସମୁଦ୍ର ସ୍ନାନ ବେଳେ ଓ୍ୱିଭିର ଫିସ୍‌ ଆଟାକ୍‌ର ଶିକାର ହୋଇଥିବା ବ୍ୟକ୍ତିମାନେ ହାର୍ଟ ଆଟାକ୍‌ର ଶିକାର ହୋଇଥିବା ସ୍ପଷ୍ଟହୋଇଛି । ଏହା ଫଳରେ ପ୍ରବଳ ଯନ୍ତ୍ରଣା ହେବା ସହ ହୃଦ କ୍ରିୟା ଉପରେ ପ୍ରଭାବ ପକାଉଥିବା ସୂଚନା ମିଳିଥିଲା ।

ଏବେ ଲୋକମାନଙ୍କୁ ଓ୍ୱାଟର ପ୍ରୁଫ୍‌ ଜୋତା ପିନ୍ଧି ସମୁଦ୍ର ସ୍ନାନ କରିବା ପାଇଁ ପରାମର୍ଶ ଦିଆଯାଇଛି । ଯଦି ଏହି ମାଛ ଆକ୍ରମଣ କରିଛି ବୋଲି ଭାବୁଛନ୍ତି ତେବେ ସେହି ସ୍ଥାନକୁ ସମୁଦ୍ରପାଣିରେ ତୁରନ୍ତ ଧୋଇ ଦେବା ପାଇଁ ପରାମର୍ଶ ଦିଆଯାଇଛି । ଯଦି କଣ୍ଟା ଗଳିଥିବ ତେବେ ତୁରନ୍ତ ତାହାକୁ କାଢି ଦେବାକୁ କୁହାଯାଇଛି । ତେବେ ଖାଲି ହାତରେ ଏହାକୁ ନ ଧରିବା ପାଇଁ ପରାମର୍ଶ ଦିଆଯାଇଛି ।

ଉଷୁମ ପାଣିରେ ଖଣ୍ଡିଆ ହୋଇଥିବା ସ୍ଥାନକୁ ୩୦ ମିନିଟ୍‌ ବୁଡାଇ ରଖିବା ପାଇଁ ପରାମର୍ଶ ଦିଆଯାଇଛି । ନହେଲେ ଉଷୁମ ଓଦା ଟାଓ୍ୱେଲ୍‌ ଗୁଡାଇ ରଖିବା ପାଇଁ ପରାମର୍ଶ ଦିଆଯାଇଛି । ମାତ୍ର କେତକ ଲୋକ ପରିଶ୍ରା, ଭିନିଗାର ଆଦି ଏହା ଉପରେ ବ୍ୟବହାର କରୁଥିବାରୁ ଏପରି ନକରିବା ପାଇଁ ପରାମର୍ଶ ଦିଆଯାଇଛି ।