PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର: ଜୟପୁର ସବ୍ ଜେଲରେ ରେଡ୍, ଏସ୍‌ପି ଓ ଉପ ଜିଲ୍ଲାପାଳ ସାମିଲ
  • ||
  • ଆଇପିଏଲ-୧୪: ଆଜି ଖେଳାଯିବ ଦୁଇଟି ମ୍ୟାଚ୍, କୋହଲି-ମୋର୍ଗାନ ଓ ରାହୁଲ-ପନ୍ଥ ମଧ୍ୟରେ ଲଢେ଼ଇ
  • ||
  • ଭୁବନେଶ୍ୱର : ବଦଳିଲା ମୋ ବସ୍‌ ଚଳାଚଳ ସମୟ। ଏଣିକି ସକାଳ ୭ଟାରୁ ସନ୍ଧ୍ୟା ୭ଟା ପର୍ଯ୍ୟନ୍ତ ଚଳାଚଳ କରିବ ମୋ ବସ୍
  • ||
  • ଭୁବନେଶ୍ୱର: ରମାଦେବୀ ଛାତ୍ରୀନିବାସରୁ ୪ ଛାତ୍ରୀ କରୋନା ପଜିଟିଭ୍, ୧୯ ତାରଖ ପୂର୍ବରୁ ହଷ୍ଟେଲ ଛାଡ଼ିବାକୁ ନିର୍ଦ୍ଦେଶ ‌
  • ||
  • ରାଜ୍ୟକୁ ପୁଣି ଫେରିବ ତାତି, ସପ୍ତାହେ ପର୍ଯ୍ୟନ୍ତ ଛଟପଟ କରିବ ଗ୍ରୀଷ୍ମ ପ୍ରକୋପ
  • ||

Opinion Poll: ପଶ୍ଚିମବଙ୍ଗରେ କିଏ ଗଢ଼ିବ ସରକାର? କାହାକୁ ମିଳିବ କେତେ ସିଟ୍‌, ଜାଣନ୍ତୁ ପୂରା ରିପୋର୍ଟ

ABP Live

ନୂଆଦିଲ୍ଲୀ, ୨୭/ ୦୨: ଦେଶର ୪ ରାଜ୍ୟ ଓ ୧ କେନ୍ଦ୍ର ଶାସିତ ଅଞ୍ଚଳରେ ବାଜିଲା ନିର୍ବାଚନୀ ବିଗୁଲ। ଗତକାଲି ମୁଖ୍ୟ ନିର୍ବାଚନ କମିଶନର ନିର୍ବାଚନୀ ତାରିଖ ଘୋଷଣା କରିଛନ୍ତି। ନିର୍ବାଚନ ବିଗୁଲ ବାଜିବା ପରେ ଏବେ ଓପିନିୟନ୍‌ ପୋଲ ଫଳାଫଳ ସାମ୍ନାକୁ ଆସିଛି।

ମୁଖ୍ୟତଃ ୨୦୨୪ ସାଧାରଣ ନିର୍ବାଚନ ପୂର୍ବରୁ ଦେଶରେ ୫ଟି ସ୍ଥାନରେ ହେବାକୁ ଯାଉଥିବା ବିଧାନସଭା ନିର୍ବାଚନକୁ ସେମି ଫାଇନାଲ ମ୍ୟାଚ୍‌ କହିଲେ ଅତ୍ୟୁକ୍ତି ହେବ ନାହିଁ। ତେବେ ସମସ୍ତଙ୍କ ନଜର ଏବେ ପଶ୍ଚିମବଙ୍ଗ ଉପରେ ରହିଛି। ଦିଦିଙ୍କ ଗଡ଼ରେ ମୋଦି-ଶାହ-ନଡ୍ଡା ପଦ୍ମ ଫୁଟାଇ ପାରିବେ ନା ନାଇଁ। ଦିଦି ତାଙ୍କ ଗଡ଼ ସମ୍ଭାଳି ପାରିବେ ନା ଚଳିତ ବିଧାନସଭା ନିର୍ବାଚନରେ ଆଉ କିଛି ମ୍ୟାଜିକ୍‌ ହେବ। ଏସବୁକୁ ନଜରରେ ରଖି ଭୋଟରଙ୍କ ମୁଡକୁ ପରଖିଛି ଏବିପି ସି-ଭୋଟର। ନିର୍ବାଚନ ତାରିଖ ଘୋଷଣା ପରେ ଏବିପି ସି-ଭୋଟର ଜାରି କରିଛି ଓପିନିଅନ୍‌ ପୋଲ।

ଏବିପି ସି-ଭୋଟର ଓପିନିୟନ୍‌ ପୋଲ୍‌ ଆକଳନ ଅନୁଯାୟୀ, ପଶ୍ଚିମବଙ୍ଗରେ ଦିଦିଙ୍କ ଟିଏମସିକୁ ୪୩ ପ୍ରତିଶତ ଭୋଟ୍‌ ମିଳିବ। ଅପରପକ୍ଷେ ବିଜେପିକୁ ୩୮ ପ୍ରତିଶତ ଭୋଟ ମିଳିବ ବୋଲି ସର୍ଭେରେ ଆକଳନ କରାଯାଇଛି। ଅନ୍ୟପଟେ ବାମପନ୍ଥୀ-କଂଗ୍ରେସ ମେଣ୍ଟକୁ ୧୩ ପ୍ରତିଶତ ଭୋଟ ମିଳିବାକୁ ଥିବାବେଳେ ଅନ୍ୟମାନଙ୍କୁ ୬ ପ୍ରତିଶତ ଭୋଟ୍‌ ମିଳିବ ବୋଲି ସର୍ଭେରେ ଆକଳନ କରାଯାଇଛି।

ସର୍ଭେ ରିପୋେର୍ଟ ଅନୁଯାୟୀ, ମମତାଙ୍କ ଟିଏମସିକୁ ୧୪୮ରୁ ୧୬୪ ସିଟ୍‌ ମିଳିପାରେ। ଅପରପକ୍ଷେ ଭାରତୀୟ ଜନତା ପାର୍ଟିକୁ ୧୦୦ରୁ ଅଧିକ ଅର୍ଥାତ୍‌ ୯୮-୧୦୮ ସିଟ୍‌ ମିଳିପାରେ ବୋଲି ଆକଳନ କରାଯାିଛି। ତିନି ଦଶନ୍ଧିରୁ ଅଧିକ ସମୟ ପଶ୍ଚିମବଙ୍ଗରେ ସରକାର କରିଥିବା ବାମ ଦଳକୁ ଜୋରଦାର ଝଟକା ଲାଗିପାରେ। ସେହିପରି କଂଗ୍ରେସକୁ କମ୍‌ ପ୍ରତିଶତ ଭୋଟ ମିଳିବ ବୋଲି ଆକଳନ ହୋଇଛି। ବାମ-କଂଗ୍ରେସ ମେଣ୍ଟ ୩୧ରୁ ୩୯ ସିଟରେ ବିଜୟୀ ହୋଇ ପାରନ୍ତି ବୋଲି ସର୍ଭେ ରିପୋର୍ଟରେ ପ୍ରକାଶ ପାଇଛି।

ତେବେ ଦିଦି ତାଙ୍କ ଗଡ଼ ସୁରକ୍ଷିତ ରଖି ପାରୁଛନ୍ତି ନା ବିଜେପି ବଙ୍ଗରେ ପଦ୍ମ ଫୁଟାଇବ ତାହା ମେ’୨ ତାରିଖରେ ଜଣାପଡ଼ିବ।