PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

ଭାରତ ଫେରିବା ପରେ ଅଭିନନ୍ଦନଙ୍କୁ କ’ଣ କରିବାକୁ ପଡିବ, ଜାଣନ୍ତୁ…

source:www.bbc.com

ନୁଆଦିଲ୍ଲୀ ୧/୩: ୱିଙ୍ଗ କମାଣ୍ଡର ଅଭିନନ୍ଦନ ଆଜି(ଶୁକ୍ରବାର) ଭାରତ ଫେରିବେ । ମିଗ୍-୨୧ ଫାଇଟର ଜେଟ୍ କ୍ରାଶ୍ ହେବାପରେ ପାକିସ୍ତାନରେ ରହିଯାଇଥିଲେ ଅଭିନନ୍ଦନ । ସମସ୍ତେ ତାଙ୍କ ମୁକ୍ତି କାମନା କରୁଥିଲେ । ଏବଂ ଆଜି ସେ ନିଜ ଦେଶକୁ ଫେରିଆସିବେ । ତେବେ ଭାରତ ଫେରିବା ପରେ ଅଭିନନ୍ଦନଙ୍କୁ କଣ କଣ କରିବାକୁ ପଡିବ ଆସନ୍ତୁ ଜାଣିବା ।

ୱିଙ୍ଗ କମାଣ୍ଡର ଅଭିନନ୍ଦନ ୱାଘା ବର୍ଡର ମଧ୍ଯ ଦେଇ ଭାରତ ଆସିବେ । ଅଭିନନ୍ଦନଙ୍କ ପିତା-ମାତା ତାଙ୍କୁ ଘରକୁ ପାଛୋଟି ନେବା ପାଇଁ ୱାଘା ବର୍ଡରରେ ପହଞ୍ଚିସାରିଛନ୍ତି । ଇଣ୍ଡିଆ ଟୁଡେ ରିପୋର୍ଟ ଅନୁସାରେ ଭାରତ ଫେରିବା ପରେ ତାଙ୍କୁ ବିମାନ ମାଧ୍ଯମରେ ଦିଲ୍ଲୀରୁ ପାଲମ ଟେକ୍ନିକାଲ ଏରିଆକୁ ଅଣାଯିବ । ୱିଙ୍ଗ କମାଣ୍ଡର ଅଭିନନ୍ଦନ ପ୍ରଥମ ଭାରତୀୟ ବାୟୁସେନା ଅଫିସର୍ସଙ୍କ ସହିତ ସାକ୍ଷାତ କରିବେ । ଏହାପରେ ପାକିସ୍ତାନ ସୀମାରେ ପହଞ୍ଚିବାନେଇ ତାଙ୍କ ସହିତ ଆଲୋଚନା କରାଯିବ ।

ଅଭିନନ୍ଦନଙ୍କ ସ୍ୱାଗତ ପାଇଁ ଭିଡ ଲଗାଇଛନ୍ତି ଭାରତୀୟ

ପ୍ରଥମେ ହେବ ମେଡିକାଲ ଯାଞ୍ଚ
ଭାରତ ଆସିବା ପରେ ଅଭିନନ୍ଦନ କେଉଁ ପରିସ୍ଥିତି ବା ପ୍ରଣାଳୀ ଦେଇ ଗତିକରିବେ ଏବଂ ତାଙ୍କ କାର୍ଯ୍ଯସୂଚୀ କଣ ରହିବ ଏନେଇ ବିବିସି ମେଜର ଜେନେରାଲ ରାଜ୍ ମେହେତାଙ୍କ ସହିତ ଆଲୋଚନା କରିଛି । ଏହି ଆଲୋଚନା ମାଧ୍ଯମରେ, ରେଡ୍ କ୍ରସ୍ ସୋସାଇଟି ଅଭିନନ୍ଦନଙ୍କ ସମ୍ପୂର୍ଣ୍ଣ ମେଡିକାଲ ଯାଞ୍ଚ କରିବ । ଏହା ଏଥିପାଇଁ କାରଣ ସେ ଠିକ୍ ଅଛନ୍ତି କି ନାହିଁ ତାହା ଦେଖାଯିବ । କୌଣସି ଅସୁବିଧା ହୋଇନି ତ କିମ୍ବା ତାଙ୍କୁ ଡ୍ରଗ୍ସ ଦିଆଯାଇନି ତ..। ଯଦି ଏମିତି କିଛି ହୋଇଥିବ ତେବେ ଜେନେଭା ଚୁକ୍ତିର ନିୟମାନୁସାରେ ପାକିସ୍ତାନ ସହିତ ଆଲୋଚନା କରାଯିବ । ମେଡିକାଲ ପ୍ରୋସେସ୍ ପରେ ଅଭିନନ୍ଦନଙ୍କୁ ପଚରାଯିବ ଯେ ପାକିସ୍ତାନର ବ୍ଯବହାର ତାଙ୍କ ପ୍ରତି କେମିତି ଥିଲା ? ସେ କଣ ପଚାରିଲେ ? ସବୁ ଶେଷ ହେବା ପରେ ଏକ ରିପୋର୍ଟ ପ୍ରସ୍ତୁତ କରାଯିବ ଏବଂ ଭାରତ ସରକାରଙ୍କୁ ପଠାଯିବ । ଯଦି ଭାରତ ସରକାର ଅନୁଭବ କରିବେ ଯେ ୱିଙ୍ଗ କମାଣ୍ଡରଙ୍କ ସହିତ ରିଛି ଭୁଲ୍ ହୋଇଛି ତେବେ ଆନ୍ତର୍ଜାତୀୟ ସ୍ତରରେ ରଖାଯିବ ।

ଅମୃତସରରେ ଭାରତର ଡେପୁଟି କମିଶନର ଶିବ ସିଂହ ଢିଲ୍ଲୋ କହିଛନ୍ତି ଯେ, ୱିଙ୍ଗ କମାଣ୍ଡର ଅଭିନନ୍ଦନ ଆଜି ଭାରତ ଆସିବେ କିନ୍ତୁ ପରଫେକ୍ଟ ଟାଇମ୍ କହିହେବନି କାରଣ ଅନେକ ଫର୍ମାଲିଟିଜ୍ ପୂରା କରିବାକୁ ପଡିବ । ଏୟାରଫୋର୍ସର ଜଣେ ସିନିୟର ଟିମ୍ ଦିଲ୍ଲୀରୁ  ଆସିଛନ୍ତି, ସେ ଅଭିନନ୍ଦନଙ୍କୁ ରିସିଭ୍ କରିବେ ।

ପାକିସ୍ତାନ ମାନବୀୟ ଆଧାରରେ ଭାରତୀୟ ପାଇଲଟଙ୍କୁ ବିନା ସର୍ତ୍ତରେ ଛାଡି ଦେଉଛି । କିନ୍ତୁ ଭାରତ ଏହା ସଫା କହିଦେଇଛି ଯେ ପାଇଲଟଙ୍କ ମୁକ୍ତିର ଅର୍ଥ ନୁହେଁ ଯେ ଆତଙ୍କବାଦ ବିରୁଦ୍ଧରେ କାର୍ଯାନୁଷ୍ଠାନ ନିଆଯିବନି । ପାକିସ୍ତାନକୁ ନିଜ ମାଟିରୁ ସମ୍ପୂର୍ଣ୍ଣ ରୂପେ ଆତଙ୍କବାଦ ସଫା କରିବାକୁ ପଡିବ । ଭାରତର ଏହି ପଦକ୍ଷେପରୁ ବିଶ୍ୱର ଅନେକ ଦେଶ ସମର୍ଥନ କରିଛନ୍ତି ।