ରାମାୟଣ ଥ୍ରୀଡି ଚଳଚ୍ଚିତ୍ର: ଶ୍ରୀରାମଙ୍କ ଭୂମିକାରେ ରିତିକ୍ ରୋଶନ ଓ ସୀତା ଭୂମିକାରେ ଦୀପିକା ପାଦୁକୋନ କରିବେ ଅଭିନୟ !

ନୂଆଦିଲ୍ଳୀ ୨୪|୮: ପୌରାଣିକ ଗ୍ରନ୍ଥ ‘ରାମାୟଣ’ ଉପରେ ଏକ ଫିଲ୍ମ ନିର୍ମାଣ କରାଯିବା ନେଇ ଚାଲିଛି ଯୋଜନା। ଯାହାର ନିର୍ଦ୍ଦେଶନା ଦେବେ ନିତେଶ ତିଓ୍ବାରୀ। କୁହାଯାଉଛି କି ଏହାକୁ  3D ସୁଟରେ କରାଯିବ। ବଡ଼ ଘୋଷଣା ପରେ  ଏହି ପୌରାଣିକ ଫିଲ୍ମରେ କେଉଁ କେଉଁ ଷ୍ଟାରଙ୍କୁ ଦେଖିବାକୁ ମିଳିବ ଏନେଇ ଦର୍ଶକଙ୍କ ଭିତରେ ଉତ୍କଣ୍ଠା ବଢ଼ି ଚାଲିଛି।

ସୂଚନା ଅନୁସାରେ, ରିତିକ୍ ରୋଶନଙ୍କୁ ଭଗବାନ ରାମ ଭୂମିକାରେ ଓ ଦୀପିକା ପାଦୁକୋନଙ୍କୁ ସୀତା ଭୂମିକାରେ ଦର୍ଶକେ ଦେଖିବାକୁ ପାଇବେ। ରାମ ଚରିତ୍ର​‌ରେ ରିତିକ୍ ଅଭିନୟ କରିବେ ବୋଲି ଆନୁଷ୍ଠାନିକ ଭାବେ ସେ ସ୍ପଷ୍ଟକରି ନାହାଁନ୍ତି। ହେଲେ ରାମ ଭୂମିକାରେ ରିତିକ୍ ଅଭିନୟ କରିବେ ବୋଲି ନିତେଶ ତିଓ୍ବାରୀ କହିଛନ୍ତି।

ଏକ ସାକ୍ଷାତକାର ସମୟରେ ନିତେଶ ତିଓ୍ବାରି କହିଛନ୍ତି ଯେ, ବର୍ତ୍ତମାନ ଏହି ଫିଲ୍ମର କାଷ୍ଟିଂ କଥା ସେ ଭାବି ନାହାଁନ୍ତି। ଏହି ଫିଲ୍ମ ପାଇଁ ସେ ପ୍ରସ୍ତୁତ ହୋଇ ନାହାଁନ୍ତି। ତେବେ ଏହି ଫିଲ୍ମରେ ରିତିକ୍ ଓ ଦୀପିକା ଲିଡ୍ ଚରିତ୍ରରେ ନଜର ଆସିବେ ବୋଲି ନିତେଶ କହିଛନ୍ତି।

ସବୁକାମ ଶେଷ ହେବା ପରେ ରାମାୟଣ 3D ଫିଲ୍ମ ସୁଟିଂ କରିବେ ବୋଲି ସେ କହିଛନ୍ତି।ଏହି ପୌରାଣିକ ଫିଲ୍ମ ପାଇଁ ପାଖାପାଖି ୫୦୦ କୋଟି ଖର୍ଚ୍ଚ ହେବ।ସବୁଠାରୁ ବଡ କଥା ଏହି ଫିଲ୍ମଟି 3D ରେ ରିଲିଜ ହେବ।

ରିତିକ୍ଙ୍କ ନୂଆ ଫିଲ୍ମ ଓ୍ବାର ରିଲିଜ ହେବାର ଅଛି। ଏହି ଫିଲ୍ମର ମୁଖ୍ୟ ଭୂମିକାରେ ନଜର ଆସିବେ ଟାଇଗର ସରାଫ୍‌। ଏହି ଫିଲ୍ମର ଟ୍ରେଲର ରିଲିଜ ହୋଇ ସାରିଥିବା ବେଳେ ଫିଲ୍ମ ରିଲିଜକୁ ଦର୍ଶକେ ଅଫେକ୍ଷା କରିଛନ୍ତି। ସେହିପରି ଛପାକ ଫିଲ୍ମ ସୁଟିଂରେ ବ୍ୟସ୍ଥ ଅଛନ୍ତି ଦୀପିକା ।

ଗୋଟେ ସତ୍ୟ ଘଟଣା ଉପରେ ‘ଛପାକ’ ଫିଲ୍ମଟି ଆଧାରିତ। ଏସିଡ୍‌ରେ ମୁହଁ ଜଳି ଯାଇଥିବା ଝିଅ ଚରିତ୍ରରେ ‘ଛପାକ’ ଫିଲ୍ମରେ ନଜର ଆସିବେ ଦୀପିକା।ଦୀପିକା ପୁଣି ‘୮୩’ ଫିଲ୍ମରେ ରଣବୀର ସିଂହଙ୍କ ସହ ନଜର ଆସିବେ।ଭାରତୀୟ କ୍ରିକେଟ ଟିମର ପୂର୍ବତନ ଅଧିନାୟକ କପିଲ ଦେବଙ୍କ ପତ୍ନୀଙ୍କ ଚରିତ୍ରରେ ଦୀପିକା ‘୮୩’ ଫିଲ୍ମରେ ନଜର ଆସିବେ।

   ସମ୍ବନ୍ଧିତ ଖବର


ଭାରତର ପ୍ରଥମ ସୁପରହିରୋ ‘ଶକ୍ତିମାନ’ ଉପରେ ତିଆରି ହେବ ଫିଲ୍ମ, ୩ଟି ପାର୍ଟରେ ହୋଇପାରେ ରିଲିଜ୍

ଜୁହିଙ୍କ ଫିଲ୍ମକୁ ନାପସନ୍ଦ କରୁଥିଲେ ତାଙ୍କ ପିଲା

ସୁଶାନ୍ତଙ୍କ ମୃତ୍ୟୁ ସମୟ ନେଇ ପ୍ରଶ୍ନ ଉଠାଇଲା AIIMS, କହିଲା ଏଭଳି କଥା

କ୍ରିକେଟ ପରେ ଏବେ ଫିଲ୍ମ ଦୁନିଆକୁ ଆସିବେ ଧୋନି, ସାଥ୍ ଦେବେ ପତ୍ନୀ ସାକ୍ଷୀ

ପ୍ରତିଯୋଗୀଙ୍କ ସହ ଅନିଲ କପୁରଙ୍କ ଜବରଦସ୍ତ ଡ୍ୟାନ୍ସ – ଭିଡ଼ିଓ ଭାଇରାଲ

ବଲିଉଡରେ ଡ୍ରଗ୍ସ ମାମଲା: ଅଭିନେତ୍ରୀଙ୍କ ପରେ ଏବେ ଏନସିବି ରାଡାରରେ ୩ ବଡ଼ ଅଭିନେତା, S-R-A ରୁ ଆରମ୍ଭ ହୁଏ ନାଁ