PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କ୍ରୁଜ୍ ଡ୍ରଗ୍ସ ପାର୍ଟି ମାମଲା –ଅକ୍ଟୋବର ୩୦ ତାରିଖ ଯାଏ ଜେଲରେ ରହିବେ ଆର୍ୟନ ଖାନ୍ , ଆର୍ୟନଙ୍କ ହାଜତ ମିଆଦ ବୃଦ୍ଧ କଲେ ସ୍ୱତନ୍ତ୍ର ଏନ୍ସିବି କୋର୍ଟ
  • ||
  • ନଵମ ଓ ଦଶମ ଶ୍ରେଣୀ ପରୀକ୍ଷା ପଦ୍ଧତିରେ ପରିଵର୍ତ୍ତନ : ଵର୍ଷକୁ ୪ଟି ଫରମେଟିଭ୍ ଆସେସମେଣ୍ଟ ହେଵ
  • ||
  • କଳାହାଣ୍ଡି ମମିତା ମେହେର ହତ୍ୟା ମାମଲା – କେ ଗାଁ ଥାନା ଆଇଆଇସି ଡମୁ ପରଜା ନିଲମ୍ୱିତ , କର୍ତ୍ତବ୍ୟରେ ଅବହେଳା ପାଇଁ କାର୍ଯ୍ୟାନୁଷ୍ଠାନ ନେଲେ କଳାହାଣ୍ଡି ଏସ୍‌ପି
  • ||
  • ୩ ପ୍ରତିଶତ ବଢ଼ିଲା କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା, ବୃଦ୍ଧି ପ୍ରସ୍ତାବକୁ କ୍ୟାବିନେଟର ମଞ୍ଜୁରୀ
  • ||
  • ପାଡ଼ୁଆ: ଜଙ୍ଗଲରୁ ପାଡ଼ୁଆ: ୮୦ ଲକ୍ଷ ଟଙ୍କାର ଗଞ୍ଜେଇ ଜବତ କଲା ପାଡୁଆ ଥାନା ପୋଲିସ, ଗଞ୍ଜେଇ ମାଫିଆଙ୍କୁ ଧରିବା ପାଇଁ ତଦନ୍ତ ଜାରି
  • ||
  • ବଲାଙ୍ଗୀର: ମମିତା ମେହେର ମର୍ଡର ମିଷ୍ଟ୍ରି, ଅଟକ ଜେସିବି ଡ୍ରାଇଭର ଗିରଫ କରିପାରେ ପୋଲିସ
  • ||
  • ରାୟଗଡ଼​‌: ଗୁଣି ଗାରେଡି ସନ୍ଦେହରେ ଟ୍ରିପଲ ମର୍ଡର ଘଟଣା, ୯ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କଲେ ଜିଲ୍ଲା ଓ ଦୌରା ଜଜ ଅଦାଲତ
  • ||
  • ଭବାନୀପାଟଣା: ମମିତା ମେହର ହତ୍ୟା ଘଟଣାରେ ସିବିଆଇ ତଦନ୍ତ କରାଯାଉ : ସ୍ମୃତିରାଣୀ ପଟ୍ଟନାୟକ
  • ||
  • ଭୁବନେଶ୍ୱର: ଆଜିଠୁ ଯୁକ୍ତ ଦୁଇ ପ୍ରଥମ ବର୍ଷ ଛାତ୍ରଛାତ୍ରୀଙ୍କ କ୍ଲାସରୁମ ପାଠପଢ଼ା, ନଭେମ୍ୱର ପହିଲାରୁ ୟୁନିଫର୍ମ ବାଧ୍ୟତାମୂଳକ
  • ||
  • ପୁରୀ: ଆଜିଠୁ ସେବାୟତଙ୍କ ଡ୍ରେସ୍‌କୋଡ୍, ଶ୍ରୀମନ୍ଦିରରେ ପାରମ୍ପରିକ ବସ୍ତ୍ର ପରିଧାନ କରି ପ୍ରବେଶ କରିବେ ସେବକ
  • ||
  • ବଲାଙ୍ଗୀର: ଆଜି ବିଜେପି ପକ୍ଷରୁ ବଲାଙ୍ଗୀର ବନ୍ଦ ପାଳନ, ସକାଳ ୬ରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଯାତାୟତ ଠପ୍
  • ||
  • ଭୁବନେଶ୍ୱର: ଆଜି ଯୁକ୍ତ ୩ ସ୍ପଟ୍‌ ନାମଲେଖା ଆବେଦନ କପି ଦାଖଲ ଶେଷ, ୨୭ରୁ ନାମଲେଖା
  • ||
  • ଭୁବନେଶ୍ୱର: ଆଜିଠୁ ଶୁଖିଲା ପାଗ, ୨୩ ସୁଦ୍ଧା ସମ୍ପୂର୍ଣ୍ଣ ରୂପେ ଫେରିଯିବ ମୌସୁମୀ ବାୟୁ
  • ||

ଅଭିନନ୍ଦନଙ୍କୁ ଅଭିନନ୍ଦନ; ଶତ୍ରୁ ଘରେ ୫୬ ଘଣ୍ଟା ଲଢ଼େଇ ପରେ ସିଂହ ଠାଣିରେ ଫେରିଲେ ୱିଙ୍ଗ କମାଣ୍ଡର, ରାତି ୯ଟା ୨୦ରେ ୱାଘା-ଅଟ୍ଟାରୀ ସୀମା ଦେଇ ସ୍ୱଦେଶ ଫେରିଲେ, ହସ୍ତାନ୍ତର ପ୍ରକ୍ରିୟାରେ ଜାଣିଶୁଣି ବିଳମ୍ବ କରିଥିଲା ପାକିସ୍ତାନ

source:www.thenewsminute.com

ନୂଆଦିଲ୍ଲୀ,୧ ।୩(ଏଜେନ୍ସି): ପାକିସ୍ତାନ ମାଟିରେ ପ୍ରାୟ ୫୬ ଘଣ୍ଟା ରହିବା ପରେ ଆଜି ରାତିରେ ଭାରତ ଫେରିଛନ୍ତି ବାୟୁସେନା ପାଇଲଟ ୱିଙ୍ଗ କମାଣ୍ଡର ଅଭିନନ୍ଦନ ବର୍ଦ୍ଧମାନ । ପାକିସ୍ତାନୀ ରେଞ୍ଜର୍ସ ତାଙ୍କୁ ୱାଘା-ଅଟ୍ଟାରୀ ସୀମାନ୍ତ ଗେଟରେ ରାତି ୯ଟା ୨୦ରେ ଭାରତୀୟ କର୍ତ୍ତୃପକ୍ଷଙ୍କୁ ହସ୍ତାନ୍ତର କରିଛନ୍ତି । ହସ୍ତାନ୍ତର ପ୍ରକ୍ରିୟା ବେଳେ ପାକିସ୍ତାନ ସ୍ଥିତ ଭାରତୀୟ ହାଇକମିଶନ ସହ ସଂଶ୍ଳୀଷ୍ଟ ପ୍ରତିରକ୍ଷା ଅଧିକାରୀ ତଥା ବାୟୁସେନା ଗ୍ରୁପ କ୍ୟାପଟେନ ଜୟ ଥୋମାସ କୁରିଏନ୍‌ ଉପସ୍ଥିତ ଥିଲେ ।
ତେବେ ତାଙ୍କୁ ହସ୍ତାନ୍ତର କରିବାରେ ପାକିସ୍ତାନ କର୍ତ୍ତୃପକ୍ଷ ଜାଣିଶୁଣି ବିଳମ୍ବ କରିଥିଲେ । ଅପରାହ୍ନ ୨ଟାରେ ତାଙ୍କୁ ମୁକ୍ତ କରାଯିବ ବୋଲି ପାକିସ୍ତାନ ବୈଦେଶିକ ମନ୍ତ୍ରୀ ଶାହ ମେହମୁଦ କ୍ୟୁରେସି କହିଥିଲେ । ପରେ ୫ରୁ ୬ଟା ଭିତରେ ଛଡାଯିବ ବୋଲି କୁହାଯାଇଥିଲା । କିନ୍ତୁ କାଗଜପତ୍ର କାମ ଯୋଗୁ ତାଙ୍କର ଫେରିବା ବିଳମ୍ବ ହୋଇଥିଲା । ମଧ୍ୟାହ୍ନ ପ୍ରାୟ ୧୨ଟା ୩୦ରେ ତାଙ୍କୁ ଇସ୍‌ଲାମାବାଦରୁ ଲାହୋର ନିଆଯାଇଥିଲା । ସେଠାରେ ତାଙ୍କର ସ୍ୱାସ୍ଥ୍ୟ ପରୀକ୍ଷା କରାଯିବା ସହ ହସ୍ତାନ୍ତର ସମ୍ପର୍କିତ ସମସ୍ତ ପ୍ରକ୍ରିୟା ଶେଷ କରାଯାଇଥିଲା । ତା ପରେ ସେଠାରୁ ୨୫ କି.ମି ଦୂର ୱାଘା-ଅଟ୍ଟାରୀ ସୀମାକୁ ଅଣାଯାଇଥିଲା । ପାକିସ୍ତାନୀ ରେଞ୍ଜର୍ସମାନେ ତାଙ୍କୁ ବିଏସ୍‌ଏଫକୁ ହସ୍ତାନ୍ତର କରିଥିଲେ । ୱାଘା ଗେଟ୍‌ ଅତିକ୍ରମ କରି ସେ ଅଟ୍ଟାରୀ ଗେଟ୍‌ରେ ପ୍ରବେଶ କରିବା ସହ ଭାରତ ମାଟିରେ ପାଦ ଦେଇଥିଲେ ।
ବାୟୁସେନାର ବରିଷ୍ଠ ଅଧିକାରୀ ଓ ସାଧାରଣ ଜନତା ତାଙ୍କୁ ଭବ୍ୟ ସ୍ୱାଗତ କରିଥିଲେ । ପରେ ତାଙ୍କୁ ଅମୃତସର ନିଆଯାଇଥିଲା ଓ ସେଠାରୁ ସ୍ୱତନ୍ତ୍ର ବିମାନରେ ।ଦିଲ୍ଲୀ ଅଣାଯାଇଛି । ସେଠାରେ ତାଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଛି । ନୂଆଦିଲ୍ଲୀରେ ତାଙ୍କ ପିତାମାତା ମଧ୍ୟ ଅପେକ୍ଷା କରି ରହିଥିଲେ । ସେମାନେ ତାଙ୍କୁ ଭେଟିଛନ୍ତି । ଅଭିନନ୍ଦନଙ୍କ ମୁକ୍ତି ପରେ ସମଗ୍ର ଦେଶରେ ଖୁସିର ଲହରି ଖେଳିଯାଇଛି । ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସ୍ୱରାଷ୍ଟ୍ରମନ୍ତ୍ରୀ ରାଜନାଥ ସିଂହ, ପ୍ରତିରକ୍ଷାମନ୍ତ୍ରୀ ନିର୍ମଳା ସୀତାରମଣ, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ, କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ସମେତ ବିଭିନ୍ନ ଦଳର ନେତା ତାଙ୍କୁ ସ୍ୱାଗତ କରିଛନ୍ତି ।
ଭାରତର ସାମରିକ ପ୍ରତିଷ୍ଠାନ ଉପରେ ଆକ୍ରମଣ କରିବାକୁ ଆସିଥିବା ପାକିସ୍ତାନର ଏକ ଯୁଦ୍ଧବିମାନ ଏଫ-୧୬କୁ ଅଭିନନ୍ଦନ ବୁଧବାର ମିସାଇଲ ମାଡ଼ କରି ଖସାଇ ଦେଇଥିଲେ । ମାତ୍ର ପରେ ଯାନ୍ତ୍ରିକ ତ୍ରୁଟି ଯୋଗୁ ତାଙ୍କ ମିଗ-୨୧ ବାଇସନ ବିମାନ ଦୁର୍ଘଟଣାଗ୍ରସ୍ତ ହୋଇ ପିଓକେରେ ଖସିପଡିଥିଲା । ସେଠାରୁ ତାଙ୍କୁ ପାକିସ୍ତାନୀ ସେନା ଧରିନେଇଥିଲେ । ତାଙ୍କୁ ଶାରୀରିକ ନିର୍ଯାତନା ମଧ୍ୟ ଦେଇଥିଲେ । ମାତ୍ର ଭାରତର କଡା ଚେତାବନୀ ଓ କୂଟନୈତିକ ଚାପରେ ମୁଣ୍ଡ ନୁଆଁଇ ପାକିସ୍ତାନ ତାଙ୍କୁ ଛାଡିବାକୁ ବାଧ୍ୟ ହୋଇଛି ।
ପାକିସ୍ତାନକୁ ବାୟୁସେନା ସ୍ୱତନ୍ତ୍ର ବିମାନ ପଠାଇ ତାଙ୍କୁ ଆଣିବାକୁ ଚାହିଁଥିଲା । ଏଥିପାଇଁ ଗତକାଲି ବିଳମ୍ବିତ ରାତିରେ ପାକ୍‌ କର୍ତ୍ତୃପକ୍ଷଙ୍କ ସହ ଭାରତ କଥାବାର୍ତ୍ତା କରିଥିଲା । ମାତ୍ର ଏହାକୁ ପାକିସ୍ତାନ ଅଗ୍ରାହ୍ୟ କରିଦେଇଥିଲା । ବିମାନରେ ନୁହେଁ ଗାଡିରେ ଆଣି ଅଭିନନ୍ଦନଙ୍କୁ ୱାଘା-ଅଟ୍ଟାରୀ ସୀମାରେ ହସ୍ତାନ୍ତର କରିବ ବୋଲି କହିଥିଲା । ଏଭଳି କରିବା ପଛରେ ପାକିସ୍ତାନ ଉଦ୍ଦେଶ୍ୟ କିନ୍ତୁ ଭିନ୍ନ ଥିଲା । ଏସମସ୍ତ ଘଟଣାର ଖବର ଟେଲିଭିଜନ ଚ୍ୟାନେଲରେ ପ୍ରସାରଣ କରି ପାକିସ୍ତାନ ବଡକାମ କରିଛି ବୋଲି ବିଶ୍ୱବାସୀଙ୍କୁ ଜଣାଇବାକୁ ଚାହୁଁଥିଲା ।
ସେହିଭଳି ୱାଘା-ଅଟ୍ଟାରୀ ସୀମାର ଚେକପୋଷ୍ଟ ନିକଟରେ ପ୍ରତିଦିନ ହେଉଥିବା ବିଟିଂ ଦି ରିଟ୍ରିଟ ଉତ୍ସବକୁ ଆଜି ବିଏସ୍‌ଏଫ ବନ୍ଦ କରିଦେଇଥିଲା । ପାକିସ୍ତାନୀ ରେଞ୍ଜର୍ସଙ୍କୁ ମଧ୍ୟ ବନ୍ଦ କରିବା ଲାଗି ଭାରତ ଅନୁରୋଧ କରିଥିଲେ ମଧ୍ୟ ତାକୁ ପାକିସ୍ତାନ ଅଗ୍ରାହ୍ୟ କରିଦେଇଥିଲା । ଫଳରେ ପାକିସ୍ତାନ ତାହାର ବିଟିଂ ଦି ରିଟ୍ରିଟ ଉତ୍ସବ ପୂର୍ବଭଳି କରିଥିଲା ।
ୱ୍‌ିଙ୍ଗ କମାଣ୍ଡର ଅଭିନନ୍ଦନଙ୍କୁ ସ୍ୱାଗତ କରିବା ଓ ତାଙ୍କ ସାନ୍ନିଧ୍ୟ ପାଇବା ଲାଗି ଆଜି ସକାଳୁ ୱାଘା-ଅଟ୍ଟାରୀ ସୀମାରେ ହଜାର ହଜାର ଭାରତୀୟଙ୍କ ସମାଗମ ହୋଇଥିଲା । ଲୋକମାନେ ହାତରେ ଜାତୀୟ ପତାକା ଧରିବା ସହ ଡ୍ରମ ବଜାଇ ଦେଶାତ୍ମବୋଧ ଗୀତ ଗାଇଥିଲେ । ବନ୍ଦେ ମାତରମ ଓ ଭାରତ ମାତା କୀ ଜୟ ନାରାବାଜି କରିଥିଲେ । ଅଭିନନ୍ଦନଙ୍କ ଫେରିବା ସମୟ ଯେତିକି ବିଳମ୍ବ ହେଉଥିଲା ଲୋକଙ୍କ ଭିଡ ସେହି ପରିମାଣରେ ବଢ଼ୁଥିଲା ଓ ସେମାନଙ୍କ ମଧ୍ୟରେ ଉତ୍ସୁକତା ବି ବଢ଼ି ଚାଲିଥିଲା । ସନ୍ଧ୍ୟାରେ ହାଲ୍‌କା ବର୍ଷା ହୋଇଥିବା ସତ୍ତେ୍ୱ ଲୋକଙ୍କ ଭିଡ କମି ନଥିଲା । ଗେଟ ନିକଟରେ ଏଭଳି ପରିସ୍ଥିତି ସୃଷ୍ଟି ହୋଇଥିଲା ଯେ ପୁଲିସ ବାଧ୍ୟହୋଇ ସେଠାରୁ ଲୋକଙ୍କୁ କିଛି ଦୂରକୁ ତଡି ଦେଇଥିଲା । ତଥାପି ଲୋକମାନେ କିଛି ଦୂରରେ ଅଭିନନ୍ଦନଙ୍କୁ ସ୍ୱାଗତ କରିବା ଲାଗି ଅପେକ୍ଷା କରି ରହିଥିଲେ ।
ଅପରପକ୍ଷରେ ଅଭିନନ୍ଦନଙ୍କୁ ନ ଛାଡିବା ପାଇଁ ପାକିସ୍ତାନରେ ପ୍ରୟାସ ମଧ୍ୟ ହୋଇଥିଲା । ମାତ୍ର ତାହା ଫଳପ୍ରଦ ହୋଇନଥିଲା । ପାକିସ୍ତାନର ଜଣେ ନାଗରିକ ଅଭିନନ୍ଦନଙ୍କ ମୁକ୍ତି ବିରୋଧରେ ଇସ୍‌ଲାମାବାଦ ହାଇକୋର୍ଟରେ ଏକ ପିଟିସନ ଦାଖଲ କରିଥିଲେ । ସେଥିରେ ସେ ଦର୍ଶାଇଥିଲେ ଭାରତୀୟ ପାଇଲଟ ଜଣକ ପାକିସ୍ତାନ ବିରୋଧୀ କାର୍ଯ୍ୟକଳାପରେ ଲିପ୍ତ ଅଛନ୍ତି । ତାଙ୍କ ବିଚାର ଏଠାରେ କରାଯିବା ଉଚିତ । ତେଣୁ ସରକାର ନେଇଥିବା ନିଷ୍ପତ୍ତି ଉପରେ ରୋକ ଲଗାଯାଉ । ମାତ୍ର ହାଇକୋର୍ଟ ଏହି ଆବେଦନକୁ ଖାରଜ

ସମ୍ବନ୍ଧିତ ଖବର