କ୍ୟାବ୍ ଡ୍ରାଇଭର ବିରୋଧରେ ମହିଳା ଅଭିଯୋଗ କରିବା ପରେ ତାଙ୍କୁ କରିଦିଆଗଲା କଲଗର୍ଲ,ଜାଣନ୍ତୁ ପୁରା ଘଟଣା

ନୂଆଦିଲ୍ଲୀ,୭।୯:  ଓଲା କ୍ୟାବ୍ ଡ୍ରାଇଭର ଜଣେ ମହିଳା ଓ ତାଙ୍କର ଶିଶୁକୁ ମଲ୍ ବାହାରେ ତାଙ୍କ ଗାଡିରୁ ଓହ୍ଲାଇ ଦେବାପରେ ମହିଳା ଜଣକ ଏନେଇ ଏହାର ଅଭିଯୋଗ କ୍ୟାବର ଆପ୍ଲିକେସନରେ କରିଥିଲେ। ଯେଉଁଥିରେ ରାଗିଯାଇ ଡ୍ରାଇଭର ଜଣକ ମହିଳାଙ୍କ ଫୋନ୍ ନମ୍ବର ଏକ ହ୍ବାଟସଆପ୍ ଗ୍ରୁପରେ ଦେଇ ତାଙ୍କୁ କଲଗର୍ଲ ବୋଲି କହିଥିଲେ। ଯାହାଫଳରେ ମହିଳାଙ୍କ ନମ୍ବରକୁ ପ୍ରତିଦିନ ଅନେକ ଫୋନ କଲ୍ ଆସିଥିଲା, ଶେଷରେ ମହିଳା ଜଣକ ବାଧ୍ୟ ହୋଇ ନିଜର ମୋବାଇଲ ନମ୍ବରକୁ ବନ୍ଦ କରିଦେଇଥିଲେ।

ଉତ୍ତରପ୍ରଦେଶର ବରେଲି ସିଟି ଷ୍ଟେସନ ରୋଡ ପିଏନବି ବ୍ୟାଙ୍କ ପାଖରେ ରହୁଥିବା ମହିଳା ଜଣକ ଗତ ୧ ତାରିଖରେ ଓଲା କ୍ୟାବ୍ ବୁକ୍ କରିଥିଲେ। ମହିଳା ଜଣକ ନିଜର ଦୁଇଟି ଶିଶୁ ଓ ଏକ ବ୍ୟାଗ୍ ନେଇ କ୍ୟାବରେ ପ୍ରାୟ ୯ଟା ୩୦ ମିନିଟ ସମୟରେ ଫିନିକ୍ସ ମଲ ଯିବା ପାଇଁ ବସିଥିଲେ। ମଲ ବାହାରେ ପହଁଞ୍ଚିବା ମାତ୍ରେ ଡ୍ରାଇଭର ଫହିମ ଅଖତର ରଜା ମହିଳାଙ୍କୁ ବାହାରିବାକୁ କହିଥିଲେ।

ଏହାପରେ ମହିଳା ଜଣକ କହିଥିଲେ, ମଲ୍ ପାଖରେ ଛାଡିଦିଅ, ମୋ ପାଖରେ ଦୁଇଟି ଛୋଟ ପିଲା ଏବଂ ଗୋଟିଏ ବ୍ୟାଗ୍ ରହିଛି। ତେବେ ଅଭିଯୁକ୍ତ ଡ୍ରାଇଭର ଜଣକ ତାଙ୍କ କଥା ଶୁଣିନଥିଲା। ଅଭଦ୍ରାମୀ କରି ଗାଡି ଭିତରକୁ ତାଙ୍କୁ ବାହାର କରିଦେଇଥିଲା। ଯାହାଫଳରେ ମହିଳା ଜଣକ ରାଜି ଯାଇ ଏ ସମ୍ପର୍କରେ ଓଲା କ୍ୟାବ୍ ଆପରେ ଅଭିଯୋଗ କରିଥିଲେ। ଅଭିଯୋଗ କରିବା ପରେ ମହିଳାଙ୍କ ମୋବାଇଲ ନମ୍ବରକୁ ବାରମ୍ବାର ଅନେକ ଫୋନ୍ କଲ ଆସିବାରେ ଲାଗିଲା।

ଫୋନ୍ କରୁଥିବା ଲୋକମାନେ ମହିଳାଙ୍କୁ ତାଙ୍କର ନାଁ ପଚାରିବା ସହିତ ତାଙ୍କ ସହ ଖରାପ ଭାଷାରେ କଥା ହେଉଥିଲେ। ଏସଏସପିଙ୍କ ନିର୍ଦେଶରେ କୋତଓ୍ବାଲିରେ ଫହିମଙ୍କ ବିରୋଧରେ ଆଇଟି ଆକ୍ଟ ଅନୁସାରେ ମାମଲା ରୁଜୁ କରାଯାଇଥିଲା। ୨ ତାରିଖରେ ମହିଳାଙ୍କ ନମ୍ବରକୁ ଜଣେ ଯୁବକ ଫୋନ୍ କରି ତାଙ୍କୁ ଅଶ୍ଲୀଳ ଭାଷାରେ କଥା ହୋଇଥିଲା। ମହିଳା ଜଣକ ପୋଲିସ ନିକଟରେ ଅଭିଯୋଗ କରିବେ ବୋଲି ଧମକ ଦେବାପରେ ସେ କହିଥିଲା ତାଙ୍କର ମୋବାଇଲ ନମ୍ବରକୁ ହ୍ବାଟସଆପ୍ ଗ୍ରୁପରେ ମିଳିଲା। ଯେଉଁଥିରେ ଲେଖା ହୋଇଥିଲା ଏହା ଜଣେ କଲଗର୍ଲଙ୍କ ନମ୍ବର।