ବୌଦ୍ଧ, ୩୦।୪ : ବୌଦ୍ଧ ଜିଲ୍ଲା ମନମୁଣ୍ଡା ଇଲେକ୍ଟ୍ରି ଅଫିସ ଅଞ୍ଚଳରେ ଚାଞ୍ଚଲ୍ୟକର ଘଟଣା। ରୋଷେଇ ଘରେ ଭାଉଜ କୁ ଭୁଜାଲି ରେ ଅତି ନିର୍ମମ ଭାବେ ହାଣି ହତ୍ୟା କଲା ଦିଅର । ଭାଉଜ ଙ୍କୁ ହତ୍ୟା ପରେ ମନମୁଣ୍ଡା ଥାନାରେ ଦିଅର ଆତ୍ମସମର୍ପଣ କରିଛି । ମୃତକ ଜଣକ ହେଲେ ସୋଭାଗିନି ସାହୁ ।
ମନମୁଣ୍ଡା ଇଲେକ୍ଟ୍ରି ଅଫିସ ନିକଟରେ ଦୁଇ ଭାଇ ଧ୍ରୁବ ସାହୁ ଏବଂ ବଲ୍ଲଭ ସାହୁ ଗୋଟିଏ ଘରେ ରହୁଥିବା ବେଳେ ଉଭୟ ପରିବାର ମଧ୍ୟରେ ପାରିବାରିକ କଳହ ଲାଗି ରହିଥିଲା । ତେବେ ଏହି ପାରିବାରିକ କଳହ ଯୋଗୁଁ ଆଜି ବଲ୍ଲଭ ସାହୁ ତାଙ୍କ ଭାଉଜ ସୋଭଗିନି ସାହୁ ଙ୍କୁ ରୋଷେଇ ଘରେ ରୋଷେଇ କରୁଥିବା ସମୟରେ ଏକ ଭୁଜାଲି ରେ ଅତି ନିର୍ମମ ଭାବେ ହାଣି ହତ୍ୟା କରି ମନମୁଣ୍ଡା ଥାନା ରେ ଆତ୍ମସମର୍ପଣ କରିଛନ୍ତି । ତେବେ ମନମୁଣ୍ଡା ପୋଲିସ ଅଭିଯୁକ୍ତ ଙ୍କୁ ଗିରଫ କରି ଘଟଣା ସ୍ଥଳରେ ପହଞ୍ଚି ଘଟଣା ର ଅଧିକ ତଦନ୍ତ ଜାରି ରଖିଥିବା ବେଳେ ପ୍ରାଥମିକ ତଦନ୍ତ ରୁ ପାରିବାରିକ କଳହ ଯୋଗୁଁ ଏହି ହତ୍ୟାକାଣ୍ଡ ହୋଇଥିବା ସୂଚନା ମିଳିଛି।