ଡିଜିଟାଲ୍ ପେମେଣ୍ଟ କରି ବିୟର କିଣିଲେ ଯୁବତୀ, ଆକାଉଣ୍ଟରୁ ଉଡିଗଲା ୮୭ ହଜାର ଟଙ୍କା

ମୁମ୍ବାଇ ୩୦/୮: ମୁମ୍ବାଇରେ UPI  ୟୁଜ୍ କରି ବିୟର କିଣିବା ସମୟରେ ଜଣେ ମହିଳାଙ୍କ ବ୍ୟାଙ୍କ ଆକାଉଣ୍ଟରୁ ୮୭ ହଜାର ଟଙ୍କା ଚାଲିଯାଇଛି । ଏହି ମହିଳା ମୁମ୍ବାଇର ପୋୱାଇ ଅଞ୍ଚଳରେ ଷ୍ଟାର ୱାଇନ୍ ସପ୍ ପାଇଁ ଲିଷ୍ଟେଡ୍ ନମ୍ବରରେ କଲ୍ କଲେ । ଦୋକାନୀ ତାଙ୍କୁ ଫୋନରେ ଗୁଗଲର ପେ ଜରିଆରେ ୪୨୦ ଟଙ୍କା ପେମେଣ୍ଟ କରିବା ପାଇଁ କହିଲା ଏବଂ ନିଜ UPI ID ସେୟାର କରିବା ପାଇଁ କହିଲା । ମହିଳା ଏହି ନମ୍ବର ଗୁଗଲ ସର୍ଚ୍ଚରେ ବାହାର କରିଥିଲେ ।

ଆଇଡି ସେୟାର କରିବା ପରେ ମହିଳାଙ୍କୁ ପେମେଣ୍ଟ ରିକ୍ୱେଷ୍ଟ ମିଳିଲା ଏବଂ ଯେମିତ ସେ ରିକ୍ୱେଷ୍ଟକୁ ଆକସେପ୍ଟ କଲେ ତାଙ୍କ ଆକାଉଣ୍ଟରୁ ୨୯,୦୦୧ ଟଙ୍କା ଡେବିଟ୍ ହୋଇଗଲା । ଏହା ପରେ ମହିଳା ୱାଇନ୍ ସପରେ ୨ୟ ଥର କଲ୍ କରି ପଚାରିବା ପରେ ଦୋକାନୀ କ୍ଷମା ମାଗି କହିଲା ଯେ ଭୁଲରେ ହୋଇଯାଇଛି ।

ଏହା ପରେ ଯେମିତି କଲ୍ ଡିସକନେକ୍ଟ ହେଲା ସାଙ୍ଗେସାଙ୍ଗେ ୫୮ ହଜାର ଟଙ୍କା ମହିଳାଙ୍କ ଆକାଉଣ୍ଟରୁ ପୁଣି ଡେବିଟ୍ ହୋଇଗଲା । ପୋଲିସ  ସୂଚନା ଦେଇଛି ଯେ ଯେତେବେଳେ ଘଟଣାର ଯାଞ୍ଚ କରିବା ପାଇଁ ମହିଳା ଦୋକାନରେ ପହଞ୍ଚିଲେ ଦୋକାନୀ କହିଲା ଯେ ଯେଉଁ ନମ୍ବରକୁ ସେ କଲ୍ କରିଥିଲେ ସେ ନମ୍ବରଟି ସେହି ଷ୍ଟୋରର ନୁହେଁ ।

ପୋଲିସ ମାମଲା ରୁଜୁ କରିଛି । ଏହିଭଳି ମୁମ୍ବାଇର ସାକିନାକାରେ ରହୁଥିବା ଜଣେ ବ୍ୟକ୍ତି ୨୩ ବର୍ଷୀୟ ଅନିଲ୍ ପଦମ ସିଂହଙ୍କ ସହିତ ହୋଇଛି । ସେ ମୋବାଇଲର ଇଏମଆଇ ସମ୍ବନ୍ଧରେ ଯେତେବେଳେ ଆଇନାନ୍ସ ଫର୍ମକୁ ଫୋନ କଲେ ସେତେବେଳେ ତାଙ୍କ ଆକାଉଣ୍ଟରୁ ମଧ୍ଯ ଏକ ଲକ୍ଷ ଟଙ୍କା ସଫା ହୋଇଯାଇଥିଲା ।

କହିରଖୁଛୁ ଗୁଗଲ ନିଜ ଟ୍ରାଞ୍ଜାକ୍ସନକୁ ଏକ୍ସଟ୍ରା ସିକ୍ୟୋର କରିବା ପାଇଁ ଆପରେ ନୋଟିଫିକେସନ୍ ଓ ଏସଏମଏସ ପଠାଇଥାଏ । କିନ୍ତୁ ଯଦି ରିକ୍ୱେଷ୍ଟକୁ ସ୍ୱୀକାର କରାଯାଏ ତେବେ ବ୍ୟାଙ୍କ ଆକାଉଣ୍ଟରୁ ପଇସା ଡେବିଟ୍ ହୋଇଯାଏ । ବଢୁଥିବା ଠକାମୀକୁ ଦୃଷ୍ଟିରେ ରଖି ଏହା ବହୁତ ଜରୁରୀ ହୋଇଯାଇଛି ଯେ ଅନଲାଇନ୍ ଟ୍ରାଞ୍ଜାକ୍ସନରେ ବହୁତ ସାବଧାନତା ଅବଲମ୍ବନ କରାଯିବା ଉଚିତ୍ ।

   ସମ୍ବନ୍ଧିତ ଖବର


ଦିଲ୍ଲୀପ ରାୟଙ୍କୁ ମିଳିଲା ଜାମିନ୍, ସିବିଆଇ କୋର୍ଟ ଦେଇଥିଲେ ୩ ବର୍ଷର ଜେଲ ଦଣ୍ଡାଦେଶ

ଦୋହା ବିମାନ ବନ୍ଦରରେ ହଙ୍ଗାମା: ମହିଳାଙ୍କ କପଡା ଖୋଲି ଯାଞ୍ଚ କଲେ ଅଧିକାରୀ, ଜାଣନ୍ତୁ କ’ଣ ଥିଲା ପୁରା ଘଟଣା

ଶୁଙ୍ଘିକି କରୋନା ଭାଇରସକୁ ଚିହ୍ନଟ କରିବ କୁକୁର!ବିଶ୍ବର ଏହି ସବୁ ଦେଶ ଦେଉଛନ୍ତି ଟ୍ରେନିଂ

ପାକିସ୍ତାନର ମୁଖା ଖୋଲିଲେ ନଓ୍ବାଜ ସରିଫ୍, କହିଲେ-କାର୍ଗିଲ ଯୁଦ୍ଧ ବେଳେ ସେନା ପାଖରେ ଖାଦ୍ୟ ଓ ଅସ୍ତ୍ରଶସ୍ତ୍ର ନଥିଲା

ପୁରୁଣା ମାନଚିତ୍ର ସେୟାର କରି ଦଶହରାର ଶୁଭେଚ୍ଛା ଜଣାଇଲେ ପିଏମ୍‌ ଓଲି, ନେପାଳବାସୀ କହିଲେ..

୬୫ ବର୍ଷ ବୟସରେ ଦ୍ବିତୀୟ ବିବାହ କରିବେ ଜଣାଶୁଣା ଓକିଲ ହରିଶ ସାଲଭେ, କାହାକୁ ବାହା ହେବେ ଜାଣନ୍ତୁ