PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓମିକ୍ରନ୍ ଭୟ : ତାମିଲନାଡୁର ଏକ ସ୍କୁଲ୍‌ରେ କରୋନା ଆତଙ୍କ , ୨୫ ପିଲାଙ୍କୁ କୋଭିଡ୍‌ ପଜିଟିଭ୍
  • ||
  • ୨୯ ଦେଶକୁ ମାଡ଼ି ଗଲାଣି ଓମିକ୍ରନ୍ – ପ୍ରେସମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ଭାରତରେ ଓମିକ୍ରନ ,କର୍ଣ୍ଣାଟକରୁ ଚିହ୍ନଟ ହେଲେ ୨ ଓମିକ୍ରନ ଆକ୍ରାନ୍ତ , ପ୍ରେସ୍‌ମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ତେଲେଙ୍ଗାନାରେ ଚିହ୍ନଟ ହୋଇନି ଓମିକ୍ରନ , ଏ ନେଇ ଖବରକୁ ଖଣ୍ଡନ କଲା ତେଲେଙ୍ଗାନା ସ୍ୱାସ୍ଥ୍ୟ ବିଭାଗ । ବ୍ରିଟେନ୍‌ ଫେରନ୍ତା ମହିଳା କୋଭିଡ୍‌ ପଜିଟିଭ ଚିହ୍ନଟ
  • ||
  • ଭାରତରେ ପ୍ରଥମ ଓମିକ୍ରନ ଭାରିଆଣ୍ଟ ଚିହ୍ନଟ , ତେଲେଙ୍ଗାନାରୁ ଓମିକ୍ରନ୍‌ ଭାରିଆଣ୍ଟ ଆକ୍ରାନ୍ତ ଚିହ୍ନଟ , ଆକ୍ରାନ୍ତ ମହିଳାଙ୍କର ବୟସ ୩୫ ବର୍ଷ , ଇଂଲଣ୍ଡରୁ ଫେରିଥିଲେ ସଂପୃକ୍ତ ମହିଳା
  • ||
  • କଟକ: ଗାଡ଼ି ଟଣା ବେଳେ ଫାଇନାନ୍ସ କମ୍ପାନି କର୍ମଚାରୀ ଉପରକୁ ବ୍ଲାଙ୍କ ଫାଇରିଙ୍ଗ୍ ଘଟଣା, ଦୁଇ ଅଭିଯୁକ୍ତକୁ ଧରିବା ପାଇଁ କଟକ ପୋଲିସ ଟିମ୍ ଗଞ୍ଜାମରେ
  • ||
  • ଅମ୍ବାଦଳା: ୮ ଲକ୍ଷରୁ ଉର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ, ବାଇକ ସହ ୩ ଗିରଫ
  • ||
  • ବ୍ରହ୍ମପୁର: ବିଶିଷ୍ଟ ସିପିଏମ୍ ନେତା ବସନ୍ତ ନନ୍ଦଙ୍କ ହୃଦଘାତରେ ବିୟୋଗ
  • ||
  • ରାୟଗଡା: ୩ ବର୍ଷ ଅଙ୍ଗନବାଡି ଚାକିରି କରିବା ପରେ ଚାକିରିରୁ ବାହାର କରାଯାଇଥିବା ଅଭିଯୋଗ
  • ||
  • କାଶୀପୁର: ହାତଗୁଞ୍ଜା ବିନା ଘୁଞ୍ଚୁନି ଫାଇଲ, ପ୍ରାପ୍ୟ ପାଇବାରେ ହଇରାଣ ଅବସର ଶିକ୍ଷକ
  • ||
  • ପାପଡାହାଣ୍ଡି: ମହୁ ମାଛି ଆକ୍ରମଣରେ ବୃଦ୍ଧ ଗୁରୁତର!
  • ||
  • ସୁନ୍ଦରଗଡ଼: କୋଇଡାରେ ଥମୁନି ହାତୀ ଉପଦ୍ରବ, ଘରେ ଶୋଇଥିବା ବେଳେ ଟାଣି ଦଳି ଦେଲା ଦନ୍ତା, ଘଟଣା ସ୍ଥଳରେ ବୃଦ୍ଧଙ୍କ ଉଡିଗଲା ପ୍ରାଣ ବାୟୁ
  • ||
  • ଭୁବନେଶ୍ୱର: ବିଧାନସଭାର ଶୀତକାଳୀନ ଅଧିବେଶର ଦ୍ବିତୀୟ ଦିନ, ଆରମ୍ଭରୁ ବିରୋଧୀଙ୍କ ହୋହଲ୍ଲା ଓ ହଟ୍ଟଗୋଳ, ୪ ଯାଏଁ ଗୃହ ମୁଲତବୀ
  • ||
  • ଭୁବନେଶ୍ୱର: ୧୨ ଘଣ୍ଟାରେ ଅବପାତ, ୨୪ ଘଣ୍ଟା ମଧ୍ୟରେ ବାତ୍ୟା ରପୂ ନେବ ସମ୍ଭାବନା
  • ||
  • ଭୁବନେଶ୍ୱର: ରାଜ୍ୟରେ ଆଉ ୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୧୫କୁ ବୃଦ୍ଧି
  • ||
  • ଭୁବନେଶ୍ଵର: ୨୪ ଘଣ୍ଟାରେ ୨୫୨ କୋଭିଡ୍ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦୪୯୫୯୭ ଜଣକୁ ବୃଦ୍ଧି
  • ||
  • ନୂଆଦିଲ୍ଲୀ:୨୩ ରାଷ୍ଟ୍ରକୁ ବ୍ୟାପିଲା ଓମ୍ରିକନ୍, ଆନ୍ତର୍ଜାତିକ ବିମାନ ଉଡାଣ ସ୍ଥଗିତ
  • ||
  • ସୋର: ମନ୍ଦିରରୁ ଲକ୍ଷାଧିକ ଟଙ୍କାର ସୁନା ଓ ରୂପା ଗହଣା ଚୋରି
  • ||
  • କୋକସରା: ବିଦ୍ୟୁତ ସଂଯୋଗ ପାଇଁ ରାସ୍ତା ଅବରୋଧ କଲେ ଗ୍ରାମବାସୀ
  • ||
  • କନ୍ଧମାଳ: ପେଟ୍ରୋଲ ପମ୍ପକୁ ତେଲ ପକାଇବା ଆସିଥିବା ଗାଡ଼ିରୁ ମୋବାଇଲ ଚୋରି
  • ||

ସାଫ୍‌ ମହିଳା ଚାମ୍ପିଅନସିପ୍‌: ଆଜି ମାଳଦ୍ୱୀପକୁ ଭେଟିବ ଭାରତ

ନୂଆଦିଲ୍ଲୀ, ୧୨ ।୩ (ଏଜେନ୍ସି): ଆଜିଠୁ ଆରମ୍ଭ ହୋଇଛି ସାଫ୍‌ ମହିଳା ଚାମ୍ପିଅନସିପ୍‌ । ଆଜି ଉଦ୍‌ଘାଟନୀ ମ୍ୟାଚ୍‌ରେ ଆୟୋଜକ ନେପାଳ ୩-୦ ଗୋଲ୍‌ରେ ଭୁଟାନକୁ ପରାଜିତ କରିଛି । ନେପାଳ ଖେଳର ୧୩, ୧୬ ଓ ୫୪ତମ ମିନିଟ୍‌ରେ ୩ଟି ଗୋଲ୍‌ ସ୍କୋର କରି ଏକତରଫା ଭାବେ ବିଜୟୀ ହୋଇଥିଲା ।
ଆସନ୍ତାକାଲି ଭାରତ ଓ ମାଳଦ୍ୱୀପ ମଧ୍ୟରେ ମ୍ୟାଚ୍‌ ଖେଳାଯିବ । ଭାରତୀୟ ଦଳ ଏଥିପାଇଁ ପ୍ରସ୍ତୁତି ଶେଷ କରିଛନ୍ତି । ସାଫ୍‌ ମହିଳା ଚାମ୍ପିଅନସିପ୍‌ର ଏହା ପଞ୍ଚମ ସଂସ୍କରଣ । ପୂର୍ବରୁ ଆୟୋଜିତ ୪ଟି ଯାକ ସଂସ୍କରଣରେ ଭାରତ ଚାମ୍ପିଅନ ହୋଇଛି । ନେପାଳ ୩ ଥର ଓ ବାଂଲାଦେଶ ଥରୁଟିଏ ରନର୍ସଅପ୍‌ ହେବାର ସୌଭାଗ୍ୟ ଲାଭ କରିଛି ।
ଏଥର ପ୍ରତିଯୋଗିତା ଅଧିକ ସଂଘର୍ଷପୂର୍ଣ୍ଣ ହେବ ବୋଲି ମନେ କରାଯାଉଛି । ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ଆୟୋଜିତ ମହିଳା ଗୋଲ୍ଡକପ୍‌ରେ ନେପାଳ ଦଳ ବେଶ ଚମତ୍କାର ପ୍ରଦର୍ଶନ କରି ଫାଇନାଲ୍‌ ଖେଳିଥିଲା । ଯେଉଁଥିପାଇଁ ଭାରତ ଘରୋଇ ମାଟିରେ ଫାଇନାଲ୍‌ ଖେଳିବାରୁ ବଞ୍ଚିତ ହୋଇଥିଲା । ଯଦିଓ ନେପାଳ ଫାଇନାଲରେ ପରାଜିତ ହୋଇଥିଲା, ତଥାପି ଦଳ ଭାରତଠୁ ଉନ୍ନତ ପ୍ରଦର୍ଶନ କରିଥିଲା । ତେଣୁ ଏଥର ଟାଇଟଲ୍‌ ପାଇଁ ଭାରତ ଓ ନେପାଳ ମଧ୍ୟରେ କଡ଼ା ଟକ୍କର ହେବ ।
ଭାରତ ଆସନ୍ତାକାଲି ମାଳଦ୍ୱୀପ ବିପକ୍ଷରେ ଭଲ ପ୍ରଦର୍ଶନ କରିବା ନେଇ ଦୃଢ଼ ଆଶାବାଦୀ ରହିଛି । ଭାରତୀୟ ମହିଳା ଦଳର କୋଚ୍‌ ମେମୋଲ ରକି କହିଛନ୍ତି, ପୂର୍ବ ସଂସ୍କରଣ ଗୁଡ଼ିକରେ ଭାରତ ଏହି ଚାମ୍ପିଅନସିପ୍‌ରେ ଭଲ ପ୍ରଦର୍ଶନ କରି ଆସିଛି, ଏଥର ମଧ୍ୟ ଭଲ ପ୍ରଦର୍ଶନ କରି ସ୍ୱଦେଶ ବାହୁଡ଼ିବୁ । ଆମେ ଚଳିତ ବର୍ଷ ଏ ପର୍ଯ୍ୟନ୍ତ ୧୧ଟି ମ୍ୟାଚ୍‌ ଖେଳି ସାରିଲୁଣି । ଯାହା ଆମକୁ ଚଳିତ ଚାମ୍ପିଅନସିପ୍‌ରେ ଟାଇଟଲ ଜିତିବାରେ ସହାୟକ ହେବ । ଅଲିମ୍ପିକ୍ସ ଯୋଗ୍ୟତା ପର୍ଯ୍ୟାୟର ଦ୍ୱିତୀୟ ରାଉଣ୍ଡ ପାଇଁ ଦଳର ପ୍ରସ୍ତୁତି ଗତ ଡିସେମ୍ବରରୁ ଆରମ୍ଭ ହୋଇଛି । ହଂକଂ, ଇଣ୍ଡୋନେସିଆ, ଗୋଲ୍ଡକପ୍‌ ଓ କୁର୍ତୀସ କପ୍‌ରେ ଆମେ ଖେଳି ବହୁ ଅଭିଜ୍ଞତା ହାସଲ କରିଛୁ ।’
ସାଫ୍‌ ଚାମ୍ପିଅନସିପ୍‌ର ଦୁଇଟି ଗ୍ରୁପ୍‌ରେ ମୋଟ୍‌ ୬ଟି ଦଳ ଅଂଶ ଗ୍ରହଣ କରିଛନ୍ତି । ଗ୍ରୁପ୍‌ ଏ’ରେ ନେପାଳ, ବାଂଲାଦେଶ ଓ ଭୁଟାନ ଏବଂ ଗ୍ରୁପ୍‌ ବି’ରେ ଭାରତ, ମାଳଦ୍ୱୀପ ଓ ଶ୍ରୀଲଙ୍କା ସାମିଲ ରହିଛନ୍ତି । ୨୦୧୦ରୁ ଆରମ୍ଭ ହୋଇଥିବା ଏହି ଚାମ୍ପିଅନସିପ୍‌ରେ ଏ ପର୍ଯ୍ୟନ୍ତ ଭାରତ ସବୁ ସଂସ୍କରଣରେ ବିଜୟୀ ହୋଇ ଆସିଛି । ନେପାଳ ୨୦୧୦, ୨୦୧୨ ଓ ୨୦୧୪ରେ ରନର୍ସଅପ୍‌ ହୋଇଥିବାବେଳେ ବାଂଲାଦେଶ ୨୦୧୬ରେ ଫାଇନାଲ୍‌ ଖେଳିଥିଲା ।

ସମ୍ବନ୍ଧିତ ଖବର