ନିଶା ଦେଇ ମହିଳାଙ୍କ ନଗ୍ନ ଭିଡିଓ ସୁଟ କଲେ ଦୁଇ ଭାଇ: ବ୍ଲାକ୍‌ମେଲ କରି ଲୁଟିନେଲେ ୨୦ ଲକ୍ଷ ଟଙ୍କା ଓ ସାମଗ୍ରୀ

ବାଣପୁର ୯/୯: ସମ୍ପର୍କ ସୃଷ୍ଟି କରି ମହିଳାଙ୍କ ମନରେ ବିଶ୍ୱାସ ଜନ୍ମାଇଲେ । ପରେ ନିଶା ଦେଇ ଆପତ୍ତିଜନକ ଫଟୋ ଓ ଭିଡିଓ ସୁଟ କରିଲେ । ଏହି ଫଟୋ ଓ ଭିଡିଓ ଭାଇରାଲ କରିଦେବା ବ୍ଲାକ୍‌ମେଲ କରି ମହିଳାଙ୍କଠାରୁ ଲୁଟିନେଲେ ୨୦ ଲକ୍ଷରୁ ଅଧିକ ଟଙ୍କା ଓ ସାମଗ୍ରୀ । ଏପରି ଏକ ଚାଞ୍ଚଲ୍ୟକର ଘଟଣାରେ ବାଣପୁର ପୁଲିସ ରବିବାର ସନ୍ଧ୍ୟାରେ ଦୁଇ ଭାଇଙ୍କୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ଅନ୍ୟ ଜଣେ ଭାଇ ଓ ସେମାନଙ୍କ ମା’ ଫେରାର ହୋଇଯାଇଛନ୍ତି ।

ଅଭିଯୋଗରୁ ପ୍ରକାଶ ଯେ ବାଣପୁର ଥାନା ନରେନ୍ଦ୍ରପୁର ପଞ୍ଚାୟତର ସୁନିତା (ଛଦ୍ମନାମ)ଙ୍କ ସ୍ୱାମୀ ବିଦେଶରେ କାମ କରୁଛନ୍ତିି । ଘରେ ସୁନିତା ଏକାକୀ ରହୁଥିଲେ । ଏହାର ସୁଯୋଗ ନେଇ ପ୍ରାୟ ୨ ବର୍ଷ ପୂର୍ବେ ନିକଟସ୍ଥ ଖଜୁରୀଆ ଗ୍ରାମର ଅର୍ଜୁନ ରାଉତରାୟଙ୍କ ପତ୍ନୀ କଳାବତୀ ତାଙ୍କ ଠାରୁ ୫୦ହଜାର ଟଙ୍କା ଧାର ନେଇଥିଲେ । ତେବେ ଧାର ଟଙ୍କା ସୁଝିବା ବଦଳରେ କଳାବତୀ ସୁନିତାଙ୍କୁ ଧରମ ଝିଅ କରି ତାଙ୍କ ସହ ସମ୍ପର୍କ ସୃଷ୍ଟି କରିଥିଲେ । ପରେ ତାଙ୍କ ଘରକୁ ଯା’ଆସ କରି ସୁନିତାଙ୍କ ମନରେ ବିଶ୍ୱାସ ଜନ୍ମାଇ ସମ୍ପର୍କ ନିବିଡ଼ କରିଥିଲେ । ତେବେ ସୁନିତାଙ୍କ ସ୍ୱାମୀ ବିଦେଶରୁ ପଠାଉଥିବା ଟଙ୍କା ଲୁଟ କରିବା ପାଇଁ ଚକ୍ରାନ୍ତ କରି କଳାବତୀ ତାଙ୍କୁ ଘରକୁ ଡାକି ନିଶା ଔଷଧ ମିଶା ପଣା ପିଇବାକୁ ଦେଇଥିଲେ । ପଣା ପିଇବା ପରେ ସୁନିତା ଚେତା ଶୂନ୍ୟ ହୋଇପଡ଼ିଥିଲେ । କଳାବତୀଙ୍କ ପୁଅ କାଳିଆ, ବିଶ୍ୱଜିତ ଓ ରାଜେନ୍ଦ୍ର ମୋବାଇଲରେ ସୁନିତାଙ୍କ ଆପତ୍ତିଜନକ ଫଟୋ ଉଠାଇଥିଲେ ।

ପରେ ଏହି ଫଟୋ ଭାଇରାଲ କରିଦେବା ଧମକ ଦେଇ ସେମାନେ ସୁନିତାଙ୍କ ଠାରୁ ନଗଦ ୨୦ ଲକ୍ଷ ଟଙ୍କା ସମେତ ସୁନାଚେନ, ଲ୍ୟାପଟପ୍‌, ସ୍କୁଟି ପରି ଦାମୀ ଜିନିଷମାନ ହାତେଇଥିଲେ । ଏପରିକି କାଳିଆ ସୁନିତାଙ୍କୁ ବିଭିନ୍ନ ସ୍ଥାନକୁ ନେଇ ଶାରିରୀକ ସମ୍ପର୍କ ସ୍ଥାପନ କରିବା ସହ ଏହାର ଭିଡିଓ ସୁଟ କରିଥିଲେ । ତିନି ଭାଇଙ୍କ ଦାବି ବଢିବାରୁ ସୁନିତା ସେମାନଙ୍କୁ ଟଙ୍କା ଦେବା ବନ୍ଦ କରିଦେଇଥିଲେ । ଏଥିରେ ଉତ୍‌କ୍ଷିପ୍ତ ହୋଇ କାଳିଆ ଫଟୋ ଓ ଭିଡିଓ ସୁନିତାଙ୍କ ସ୍ୱାମୀ ଓ ପିଲାଙ୍କୁ ପଠାଇବା ସହ ହ୍ୱାଟ୍‌ସଆପରେ ଭାଇରାଲ କରିଦେଇଥିଲେ । ସୁନିତା ଏହାର ପ୍ରତିବାଦ କରିବାରେ ଗ୍ରାମଛକରେ କାଳିଆ ତାଙ୍କୁ ବନ୍ଧୁକ ଦେଖାଇ ଭୟଭୀତ କରାଇବା ସହ ଅଶ୍ଳୀଳ ଗାଳିଗୁଲଜ କରିଥିଲେ । ଏନେଇ ଶନିବାର ରାତିରେ ସୁନିତା ଥାନାରେ ଅଭିଯୋଗ କରିବାରେ ପୁଲିସ ୨୫୧/୧୯ ନମ୍ବରରେ ମକଦ୍ଦମା ରୁଜୁ କରି ତାଙ୍କର ଡାକ୍ତରୀମାଇନା କରାଇ ତଦନ୍ତ ଚଳାଇଥିଲେ । ରବିବାର କାଳିଆ ଓ ବିଶ୍ୱଜିତ ଗମ୍ଭାରୀମୁଣ୍ଡାରେ ଥିବା ମୋବାଇଲ ଟ୍ରାକିଂରୁ ପୁଲିସ ଜାଣିବାକୁ ପାଇଥିଲା । ମଧ୍ୟାହ୍ନରେ ପୁଲିସ ସେମାନଙ୍କୁ ଗିରଫ କରି ଡାକ୍ତରମାଇନା କରାଇ ସନ୍ଧ୍ୟାରେ କୋର୍ଟ ଚାଲାଣ କରିଛି । ଅନ୍ୟମାନେ ଫେରାର ହୋଇଯାଇଛନ୍ତି । ଘଟଣାଟି ବାଣପୁରରେ ଚର୍ଚ୍ଚାର ବିଷୟ ପାଲଟିଛି ।

ଏନେଇ ଶନିବାର ରାତିରେ ସୁନିତା ଥାନାରେ ଅଭିଯୋଗ କରିବାରେ ପୁଲିସ ୨୫୧/୧୯ ନମ୍ବରରେ ମକଦ୍ଦମା ରୁଜୁ କରି ତାଙ୍କର ଡାକ୍ତରୀମାଇନା କରାଇ ତଦନ୍ତ ଚଳାଇଥିଲେ । ରବିବାର କାଳିଆ ଓ ବିଶ୍ୱଜିତ ଗମ୍ଭାରୀମୁଣ୍ଡାରେ ଥିବା ମୋବାଇଲ ଟ୍ରାକିଂରୁ ପୁଲିସ ଜାଣିବାକୁ ପାଇଥିଲା । ମଧ୍ୟାହ୍ନରେ ପୁଲିସ ସେମାନଙ୍କୁ ଗିରଫ କରି ଡାକ୍ତରମାଇନା କରାଇ ସନ୍ଧ୍ୟାରେ କୋର୍ଟ ଚାଲାଣ କରିଛି । ଅନ୍ୟମାନେ ଫେରାର ହୋଇଯାଇଛନ୍ତି । ଘଟଣାଟି ବାଣପୁରରେ ଚର୍ଚ୍ଚାର ବିଷୟ ପାଲଟିଛି ।

   ସମ୍ବନ୍ଧିତ ଖବର


ରାଜ୍ୟ ସରକାରଙ୍କ ଅନଲକ୍‌ ୬.୦‌ ଗାଇଡଲାଇନ୍ : କ’ଣ ରହିବ ବନ୍ଦ ଓ କ’ଣ ଖୋଲା, ପଢନ୍ତୁ…

ପୁଣି କରୋନା ନେଲା ୧୨ ମୁଣ୍ଡ: ମୃତ୍ୟୁସଂଖ୍ୟା ୧୩୨୦କୁ ଛୁଇଁଲା

ରାଜ୍ୟ ସରକାରଙ୍କ ଅନ୍‌ଲକ୍‌-୬ ଗାଇଡଲାଇନ୍‌ ଜାରି : ନଭେମ୍ବର ୧୬ ତାରିଖରୁ ଖୋଲିବ ସ୍କୁଲ

କୁମାର ପୁନେଇଁ ଜହ୍ନ ଗୋ… ଫୁଲ ବଉଳ ବେଣୀ: ଆଜି ସନ୍ଧ୍ୟାରେ କୁମାରୀ ପାଳିବେ କୁମାର ପୂର୍ଣ୍ଣମା

ପହିଲାରୁ କାର୍ତ୍ତିକ ବ୍ରତ ଆରମ୍ଭ: ଏଥର କରୋନା ପାଇଁ ହବିଷ୍ୟାଳିଙ୍କୁ ଧର୍ମଶାଳା ମନା, ମିଳିବନି ମନ୍ଦିର ହବିଷ ଡାଲମା

ଗାଡ଼ି ପାର୍କିଂରୁ ନେଇ ଚାଳକଙ୍କୁ ମାଡ଼ ମାରି ରକ୍ତାକ୍ତ କଲା ପୁଲିସ୍‌, ଅନ୍ୟ କାର୍‌ ଚାଳକ ଧାରଣାରେ ବସିବା ପରେ ଭୁଲ୍ ମାଗିଲେ ପୁଲିସ୍ ବାବୁ