PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ : ବକ୍ସିଂ ପ୍ରି-କ୍ୱାର୍ଟରରେ ହାରିଲେ ମେରିକମ୍
  • ||
  • କନ୍ଧମାଳ ଗସ୍ତରେ ପଞାୟତିରାଜ, ନଗର ଉନ୍ନୟନ ଓ ଆଇନ ମନ୍ତ୍ରୀ ପ୍ରତାପ ଜେନା । ଜଗାକୁ ଭେଟିଲେ, ବିଭିନ୍ନ ସରକାରୀ ଯୋଜନାର ସମୀକ୍ଷା କଲେ ।
  • ||
  • ମାଲକାନଗିରି ଜିଲ୍ଲା ଖଇରପୁଟ ରାସ୍ତାରେ ବଲେରୋ ଗାଡ଼ି ସହ ୭କ୍ୱିଣ୍ଟାଲ ଗଞ୍ଜେଇ ଜବତ- ଜଣେଗିରଫ
  • ||
  • ନାକଟିଦେଉଳ: ବରଗଛରୁ ଝୁଲନ୍ତା ଅବସ୍ଥାରେ ଯୁବକର ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକେ
  • ||
  • ଭୁବନେଶ୍ୱର: ବରିଷ୍ଠ ଆଇଏଏସ୍ ସ୍ତରରେ ଅଦଳବଦଳ, IAS ଅଶୋକ ମୀନା ହେଲେ ପଞ୍ଚାୟତିରାଜ ଓ ପାନୀୟ ଜଳ ବିଭାଗର ପ୍ରମୁଖ ସଚିବ
  • ||
  • ନୀଳଗିରି: ଆଇନଜୀବୀଙ୍କୁ ମାଡ଼ ପ୍ରତିବାଦରେ ନୀଳଗିରି କୋର୍ଟ ବନ୍ଦ କଲେ ଓକିଲ ସଙ୍ଘ
  • ||
  • କଟକ: ଆସନ୍ତାକାଲି ଅଫ୍‌ଲାଇନ୍ ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଟୋକିଓ ଟକ୍କର: ପଦକ ପାଇବା ଦିଗରେ ଆଉ ପାଦେ ବଢିଲେ ସିନ୍ଧୁ, କ୍ୱାର୍ଟର ଫାଇନାଲରେ ପହଁଚିଲେ
  • ||
  • ବକ୍ସିଂ କ୍ବାର୍ଟରରେ ପହଞ୍ଚିଲେ ଭାରତର ସତୀଶ କୁମାର
  • ||
  • ଭୁବନେଶ୍ୱର: ମାଷ୍ଟରକ୍ୟାଣ୍ଟିନ୍ ଉଦ୍ଧାର ହେଲା ଅଜଣା ଯୁବକଙ୍କ ମୃତଦେହ, ଜବତ କଲା ପୁଲିସ
  • ||
  • ଭୁବନେଶ୍ୱର: ଥାମୁନି କରୋନ ମୃତ୍ୟୁ,ରାଜ୍ୟରୁ ଆଉ ୬୫ ଜଣଙ୍କ ଜୀବନ ନେଲା କରୋନା
  • ||
  • ଭୁବନେଶ୍ୱର: ଓଡ଼ିଶାରେ କମୁଛି ସଂକ୍ରମଣ, ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୧୬୧୫ଜଣ କୋଭିଡ୍ ପଜିଟିଭ
  • ||
  • କେନ୍ଦୁଝର: ଘାତକ ସାଜିଲା ଫ୍ରି-ଫାୟାର୍ ଗେମ୍, ଚାଲିଗଲା ଦଶମ ଶ୍ରେଣୀ ଛାତ୍ରଙ୍କ ଜୀବନ
  • ||
  • ଭୁବନେଶ୍ୱର: ଆଜି ୨ ଜିଲ୍ଲାରେ ହେବନି ଟିକାଦାନ
  • ||
  • ସମ୍ବଲପୁର: ହୀରାକୁଦ ଜଳଭଣ୍ଡାରର ବନ୍ଦ ହେଲା ୨ଟି ସୁଇଜ ଗେଟ୍, ୧୨ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||

ଓଡ଼ିଶା ଆସିବ ହଳଦିଆ ପେଟ୍ରୋକେମ୍‌

ଭୁବନେଶ୍ୱର,୫ା୩(ବ୍ୟୁରୋ): ହଳଦିଆ ପେଟ୍ରୋକେମିକାଲ୍‌ସ ଲିମିଟେଡ୍‌ (ଏଚ୍‌ପିଏଲ୍‌) ଓଡ଼ିଶାରେ ଏକ ସମନ୍ୱିତ ରିଫାଇନରି ଓ ଆରୋମେଟିକ୍ସ କମ୍ପେ୍ଲକ୍ସ ସ୍ଥାପନ କରିବ । ବାଲେଶ୍ୱର ଜିଲ୍ଲା ବାଲିଆପାଳରେ ପ୍ରସ୍ତାବିତ ଏହି ରିଫାଇନରି କମ୍ପେ୍ଲକ୍ସରୁ ପାରାଜାଇଲିନ୍‌ ଓ ପ୍ୟୁରିଫାଏଡ୍‌ ଟେରିଫ୍‌ଥାଲିକ୍‌ ଏସିଡ୍‌ (ପିଟିଏ) ଉତ୍ପାଦନ ହେବ । ଏଥିପାଇଁ କମ୍ପାନି ପ୍ରଥମ ପର୍ଯ୍ୟାୟରେ ୨୮,୭୦୦ କୋଟି ଟଙ୍କା (୪୦୫ କୋଟି ଡଲାର) ନିବେଶ କରିବ ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଚ୍ଚସ୍ତରୀୟ ମଞ୍ଜୁରି କର୍ତ୍ତୃପକ୍ଷ (ଏଚ୍‌ଏଲ୍‌ସିଏ) ମଙ୍ଗଳବାର ହଳଦିଆ ପେଟ୍ରୋକେମିକାଲ୍‌ସ ଦ୍ୱାରା ଦାଖଲ ଏହି ପ୍ରସ୍ତାବରେ ମୋହର ଲଗାଇଛି । ୨୦୧୮ ନଭେମ୍ବରରେ ଅନୁଷ୍ଠିତ ଦ୍ୱିତୀୟ ସଂସ୍କରଣ ମେକ୍‌ ଇନ୍‌ ଓଡ଼ିଶା କନ୍‌କ୍ଲେଭ୍‌ରେ ସର୍ବବୃହତ ନିବେଶକ ଭାବେ ରାଜ୍ୟରେ ୭୦,୦୦୦ କୋଟି ଟଙ୍କା ପୁଞ୍ଜିନିବେଶ ପାଇଁ ହଳଦିଆ ପେଟ୍ରୋକେମିକାଲ୍‌ସ ଆଗ୍ରହ ପ୍ରକାଶ କରିଥିଲା । ଏଚ୍‌ପିଏଲ୍‌ର ପ୍ରସ୍ତାବକୁ ଏଚ୍‌ଏଲ୍‌ସିଏ ଅନୁମୋଦନ ପରେ ଓଡ଼ିଶା ଭାରତର ସର୍ବବୃହତ ଘରୋଇ ପୁଞ୍ଜିନିବେଶ ଆକୃଷ୍ଟ କରିବାରେ ସମର୍ଥ ହୋଇଛି ।
ଏଚ୍‌ଏଲ୍‌ସିଏ ବୈଠକରୁ ମିଳିଥିବା ସୂଚନା ଅନୁସାରେ, ବାଲେଶ୍ୱରରେ ରିଫାଇନରି ଓ ଆରୋମେଟିକ୍ସ କମ୍ପେ୍ଲକ୍ସ ସ୍ଥାପନ ପାଇଁ ଚଳିତ ମାସ ୧ ତାରିଖରେ ପଶ୍ଚିମବଙ୍ଗଭିତ୍ତିକ ହଳଦିଆ ପେଟ୍ରୋକେମିକାଲ୍‌ସ ରାଜ୍ୟ ସରକାରଙ୍କୁ ପ୍ରସ୍ତାବ ଦାଖଲ କରିଥିଲା । ପ୍ରକଳ୍ପ ପାଇଁ କମ୍ପାନି ୨,୦୦୦ ଏକର ଜମି ମାଗିଛି । ବାଲିଆପାଳରେ ପ୍ରସ୍ତାବିତ ସୁବର୍ଣ୍ଣରେଖା ନଦୀ ବନ୍ଦର ନିକଟରେ ଏହି ଜମି ଚିହ୍ନଟ ହୋଇଛି । ତେବେ ଓଡ଼ିଶା ଶିଳ୍ପାଞ୍ଚଳ ପ୍ରୋତ୍ସାହନ ଓ ପୁଞ୍ଜିନିବେଶ ନିଗମ (ଇପିକଲ୍‌)ର ଆକଳନ ପରେ କମ୍ପାନିକୁ ଏ ଜମି ଯୋଗାଇ ଦିଆଯିବ । ଜମି ମିଳିବାର ୫ ବର୍ଷ ମଧ୍ୟରେ ହଳଦିଆ ପେଟ୍ରୋକେମିକାଲ୍‌ସର ପ୍ରଥମ ପର୍ଯ୍ୟାୟ କାମ ସମ୍ପୂର୍ଣ୍ଣ ହେବ । ଏଥିପାଇଁ କମ୍ପାନି ୨୮,୭୦୦ କୋଟି ଟଙ୍କା ପୁଞ୍ଜି ଖଟାଇବ ।
ହଳଦିଆ ପେଟ୍ରୋକେମିକାଲ୍‌ସର ଓଡ଼ିଶା ପ୍ରକଳ୍ପରୁ ଉତ୍ପାଦନ ହେବାକୁ ଥିବା ପିଟିଏ, ପଲିଷ୍ଟର ଫାଇବର ଓ ପଲିଥିନ ଟେରେଫ୍‌ଥାଲେଟ୍‌ (ପେଟ୍‌) ଡାଉନ୍‌ଷ୍ଟ୍ରିମ୍‌ ଶିଳ୍ପ ପାଇଁ କଞ୍ଚାମାଲ ହେବ । ଏହି ପଲିଷ୍ଟର ଫାଇବର ଓ ପେଟ୍‌ ରାଜ୍ୟରେ କ୍ଷୁଦ୍ର ଓ ମଧ୍ୟମ ଧରଣର ପୋଷାକ ୟୁନିଟ୍‌, ଫୁଡ୍‌ ପ୍ୟାକେଜିଂ ୟୁନିଟ୍‌ରେ ବ୍ୟବହାର ହେବ । ଏଣୁ ହଳଦିଆ ପେଟ୍ରୋକେମିକାଲ୍‌ସର ପ୍ରସ୍ତାବିତ କମ୍ପେ୍ଲକ୍ସ ଓଡ଼ିଶାରେ ପ୍ରାୟ ୧ ଲକ୍ଷ ଲୋକଙ୍କ ପାଇଁ ପ୍ରତ୍ୟକ୍ଷ ଓ ପରୋକ୍ଷ କର୍ମନିଯୁକ୍ତି ଯୋଗାଇବ ।
ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏଚ୍‌ଏଲ୍‌ସିଏ ଆଜି ଭଦ୍ରକ ଜିଲ୍ଲାରେ ଆସିବାକୁ ଥିବା ବୟନ ପାର୍କରେ ଇଣ୍ଡିଆନ ଅଏଲ୍‌ କର୍ପୋରେସନ (ଆଇଓସିଏଲ୍‌) ଦ୍ୱାରା ପ୍ରସ୍ତାବିତ ପଲିଷ୍ଟର ମାନୁଫାକ୍‌ଚରିଂ ୟୁନିଟ୍‌କୁ ମଧ୍ୟ ଅନୁମୋଦନ କରିଛି । ୩୦୦ କେଟିପିଏ କ୍ଷମତାର ଏହି ପଲିଷ୍ଟର ମାନୁଫାକ୍‌ଚରିଂ ୟୁନିଟ୍‌ ସ୍ଥାପନ ପାଇଁ ଇଣ୍ଡିଆନ ଅଏଲ ୧,୯୭୦.୫୨ କୋଟି ଟଙ୍କା ନିବେଶ କରିବ । ଜମି ଆବଣ୍ଟନର ୪ ବର୍ଷ ମଧ୍ୟରେ ଚାଲୁ ହେବାକୁ ଥିବା ଏହି ପ୍ରକଳ୍ପ ୨୦୯ ଜଣ ଲୋକଙ୍କ ପାଇଁ ନିଯୁକ୍ତି ସୃଷ୍ଟି କରିବ ।
ଏହାଛଡ଼ା ଏଚ୍‌ଏଲ୍‌ସିଏ ରୁଙ୍ଗ୍‌ଟା ମାଇନ୍ସର ୨ଟି ପ୍ରସ୍ତାବରେ ମୋହର ଲଗାଇଛି । ପ୍ରଥମ ପ୍ରସ୍ତାବଟି କେନ୍ଦୁଝର ଜିଲ୍ଲା କାରାକୋହ୍ଲାଠାରେ ଥିବା ୫ଙ୍ଘ୧୦୦ ଟିପିଡିର ସ୍ପଞ୍ଜ ଆଇରନ୍‌ ପ୍ଲାଣ୍ଟକୁ ୦.୫୩ ନିୟୁତ ଟନ୍‌ କ୍ଷମତାର ଏକ ସମନ୍ୱିତ ଇସ୍ପାତ ପ୍ଲାଣ୍ଟରେ ସମ୍ପ୍ରସାରଣ ପାଇଁ ଥିଲା । ଏହି ପ୍ରକଳ୍ପ ପାଇଁ ରୁଙ୍ଗ୍‌ଟା ମାଇନ୍ସ ୧,୬୭୭.୯୮ କୋଟି ଟଙ୍କା ପୁଞ୍ଜି ଖଟାଇବାକୁ ଥିବା ବେଳେ ଏହା ୧,୧୦୦ ଲୋକଙ୍କ ପାଇଁ ନିଯୁକ୍ତି ସୁଯୋଗ ଆଣିବ । ଅନୁମୋଦନ ହୋଇଥିବା ଦ୍ୱିତୀୟ ପ୍ରସ୍ତାବ ମୁତାବକ, କମ୍ପାନି ୧,୮୮୪.୬୯ କୋଟି ଟଙ୍କା ବିନିଯୋଗରେ କେନ୍ଦୁଝର ଜିଲ୍ଲା କାରାଖେନ୍ଦ୍ରାରେ ୦.୫୩ ନିୟୁତ ଟନ୍‌ କ୍ଷମତାର ଏକ ସମନ୍ୱିତ ଇସ୍ପାତ ପ୍ଲାଣ୍ଟ ସ୍ଥାପନ କରିବ । ଏହି ପ୍ଲାଣ୍ଟ କାର୍ଯ୍ୟକ୍ଷମ ହେଲେ ୯୪୩ ଜଣକୁ ନିଯୁକ୍ତି ମିଳିବ ।