ମୁମ୍ବାଇ,୧୧।୫: ଫ୍ୟାନ୍ସଙ୍କ ଅପେକ୍ଷାର ହେଲା ଅନ୍ତ । ସିଦ୍ଧାର୍ଥ ମଲହୋତ୍ରାଙ୍କ ଫିଲ୍ମ 'ଯୋଦ୍ଧା' ଓଟିଟିରେ ରିଲିଜ ହୋଇଛି। ଆକ୍ସନ ଥ୍ରିଲର୍ ଫିଲ୍ମକୁ ସାଗର ଅମ୍ବ୍ରେ ଓ ପୁଷ୍କର ଓଝା ନିର୍ଦ୍ଦେଶନା ଦେଇଥିବା ବେଳେ ପିଲ୍ମଟି ନିକଟରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା। ପିଲ୍ମରେ ସିଦ୍ଧାର୍ଥ ପୁଣିଥରେ ତାଙ୍କ ଅଭିନୟରେ ଦର୍ଶକଙ୍କ ହୃଦୟ ଜିତିଥିଲେ । ସେହିପରି କିଛି ଫ୍ୟାନ ଅନେକ ଦିନ ଧରି ଫିଲ୍ମକୁ ଓଟିଟିରେ ରିଲିଜ ହେବା ନେଇ ଅପେକ୍ଷା କରିଥିବା ବେଳେ ବର୍ତ୍ତମାନ ଫିଲ୍ମଟି ଓଟିଟିରେ ରିଲିଜ ହୋଇଛି। ତେବେ ଆସନ୍ତୁ ଜାଣିବା ଫିଲ୍ମକୁ କେବେ ଓ କେଉଁଠି ଦେଖିପାରିବେ।
ଚଳିତ ବର୍ଷ ମାର୍ଟ୍ଟ ୧୫ ତାରିଖରେ ସିଦ୍ଧାର୍ଥ ମଲହୋତ୍ରାଙ୍କ ଫିଲ୍ମ ଯୋଦ୍ଧା ପ୍ରେକ୍ଷାଳୟରେ ମୁକ୍ତିଲାଭ କରିଥିଲା । ଏହି ଫିଲ୍ମକୁ ନେଇ ଫ୍ୟାନ୍ସଙ୍କ ଭଲ ପ୍ରତିକ୍ରିୟା ମିଳିଥିଲା । ହେଲେ ଯେଉଁମାନେ ସିନେମା ହଲରେ ଫିଲ୍ମକୁ ଦେଖି ପାରିନଥିଲେ ସେମାନେ ଓଟିଟି ରିଲିଜର ଅପେକ୍ଷା କରିଥିଲେ । ତେବେ ଅନେକ ଦିନର ଅପେକ୍ଷା ପରେ ଫିଲ୍ମଟି ଆମାଜନ ପ୍ରାଇମରେ ରିଲିଜ ହୋଇଛି । ଏନେଇ ପ୍ଲାଟଫର୍ମ ନିଜ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଘୋଷଣା କରିଛି। ପୋଷ୍ଟ ସେୟାର କରି କ୍ୟାପସନରେ ଲେଖା ହୋଇଛି ଯେ, 'ଯେବେ ଖରାପ ସମୟ ଆସେ , ସେତେବେଳେ ସହାସ ଅଧିକ ଆସିଥାଏ, ଯୋଦ୍ଧା ଏବେ ପ୍ରାଇମରେ ,ଏବେ ଦେଖନ୍ତୁ।'
ଯୋଦ୍ଧାରେ ସିଦ୍ଧାର୍ଥ ମଲହୋତ୍ରାଙ୍କ ବ୍ୟତୀତ ଦିଶା ପଟାନୀ ଓ ରାଶି ଖନ୍ନାଙ୍କୁ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ରୋମାଞ୍ଚକ ଆକ୍ସନ- ଡ୍ରାମାର ନିର୍ଦ୍ଦେଶନା ସାଗର ଅମ୍ବ୍ରେ ଓ ପୁଷ୍କର ଓଝା ଦେଇଛନ୍ତି । ଯୋଦ୍ଧା' ଫିଲ୍ମର କାହାଣୀ ବିଷୟରେ କହିବାକୁ ଗଲେ, ଏହି ଚଳଚ୍ଚିତ୍ରରେ ଜଣେ ଏପରି ଯୋଦ୍ଧାଙ୍କର କାହାଣୀକୁ ଦର୍ଶାଯାଇଛି, ଯିଏ ବିମାନକୁ ହାଇଜାକ କରିଥିବା ଆତଙ୍କବାଦୀଙ୍କ ବିରୁଦ୍ଧରେ ଲଢି ବିମାନରେ ଉପସ୍ଥିତ ସମସ୍ତ ଯାତ୍ରୀଙ୍କୁ ସୁରକ୍ଷିତ ଉଦ୍ଧାର କରିଛନ୍ତି । ସିଦ୍ଧାର୍ଥ ମଲହୋତ୍ରା ଏହି ଯୋଦ୍ଧା ସେନା ଭୂମିକାରେ ନଜର ଆସିଛନ୍ତି । ଏହି ଚଳଚ୍ଚିତ୍ର ପୂର୍ବରୁ ସିଦ୍ଧାର୍ଥ 'ଶେରଶାହା'ରେ ମଧ୍ୟ ଜଣେ ସେନା ଭୂମିକାରେ ଅଭିନୟ କରିଥିଲେ ।