ଚୌଦ୍ୱାର, ୧୭/୦୫ : ୧୬ ନଂ ଜାତୀୟ ରାଜପଥ ମଙ୍ଗୁଳି ଛକ ଟାଙ୍ଗୀ ଆଉଟପୋଷ୍ଟ ସମ୍ମୁଖରେ ମର୍ମନ୍ତୁଦ ଦୁର୍ଘଟଣା। ଟ୍ରେଲର ଧକ୍କାରେ ଯୁବକ ମୃତ। ମୃତ ଯୁବକ ଜଣଙ୍କ ହେଉଛନ୍ତି ଟାଙ୍ଗୀ ବ୍ରାହ୍ମଣ ଭୋଗ ଅଞ୍ଚଳର ଦିପୁ ବେହେରା (୩୫ ବର୍ଷ)। ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।

ସୂଚନାନୁଯାୟୀ, କଟକରୁ ଅନୁଗୁଳ ଅଭିମୁଖେ ଯାଉଥିବା ଏକ ଟ୍ରେଲର କଟକରୁ ଟାଙ୍ଗୀ ବ୍ରାହ୍ମାଣ ଭୋଗ ଫେରୁଥିବା ଦିପୁ ବେହେରାଙ୍କୁ ଧକ୍କା ଦେଇଥିଲା। ଫଳରେ ଦିପୁ ଟ୍ରେଲର ଚକା ତଳକୁ ଚାଲି ଯାଇଥିଲେ। ଯାହା ଫଳରେ ଯୁବକଙ୍କ ଉପରେ ଗାଡିଟି ଚଢ଼ି ଯାଇଥିଲା ଏବଂ ଯୁବକଙ୍କ ଘଟଣା ସ୍ଥଳରେ ମୃତ୍ୟୁ ଘଟିଥିଲା। ମଙ୍ଗୁଳି ଛକରେ ବେଆଇନ ପାର୍କିଂ ଯୋଗୁଁ ଏଭଳି ଦୁର୍ଘଟଣା ବାରମ୍ବାର ହେଉଥିବାର ସ୍ଥାନୀୟ ବ୍ୟକ୍ତି ଅଭିଯୋଗ କରିଛନ୍ତି।