PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେପିରେ ମିଶିଲେ ସୁନୀଲ ଜାଖଡ, କଂଗ୍ରେସ ସହ ୫୦ ବର୍ଷର ସମ୍ପର୍କରେ ପୂର୍ଣ୍ଣଛେଦ
  • ||
  • ୟାସିନ ମଲ୍ଲିକ ଦୋଷୀ ସାବ୍ୟସ୍ତ, ଆତଙ୍କବାଦୀଙ୍କୁ ପାଣ୍ଠି ଯୋଗାଣ ମାମଲାରେ ବାନ୍ଧିଥିଲା ଏନ୍‌ଆଇଏ
  • ||
  • ପୁରୀ : ଏଥର ଭକ୍ତ ଦେଖିବେ ସ୍ନାନଯାତ୍ରା, ହେଲେ ସ୍ନାନ ବେଦିରେ ଶ୍ରୀବିଗ୍ରହଙ୍କୁ କରିପାରିବେନି ସ୍ପର୍ଶ
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍,୨୪ ଘଣ୍ଟା ମଧ୍ୟରେ ବାହାରିଲେ ୧୨ ଜଣ କରୋନା ପଜିଟିଭ
  • ||
  • ଭୁବନେଶ୍ୱର : ଆଜି-କାଲି ବର୍ଷା ଆଶଙ୍କା, ତିନି ଦିନ ପରେ ପୁଣି ତାତି
  • ||
  • ପୁରୀ: ରଥଖଳା ହାଲ୍‌ଚାଲ୍‌… ଅଖ ଅନୁକୂଳ, ନାହାକା ଚକରେ ପଇତା ଓ ୧୫ ଚକ ପ୍ରସ୍ତୁତ
  • ||
  • ମୋହନା: ରାସ୍ତା କଡ଼ରୁ ଯୁବକଙ୍କ କ୍ଷତବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର
  • ||
  • କୁତ୍ରା: ୧୨ ବର୍ଷର ନାବାଳିକା ୭ ମାସର ଗର୍ଭବତୀ, ଥାନାରେ ଏତଲା ଦେଲେ ପରିବାରଲୋକ
  • ||
  • ବାରଙ୍ଗ: ପ୍ରେମ ସମ୍ପର୍କକୁ ନେଇ ଜଘନ୍ୟ ହତ୍ୟାକାଣ୍ଡ : ପ୍ରେମିକକୁ ହତ୍ୟା କଲେ ପ୍ରେମିକା ପରିବାର, ଇନ୍‌ଫୋସିଟି ଥାନା ନିକଟରୁ ଯୁବକଙ୍କ ମୃତଦେହ ଉଦ୍ଧାର
  • ||
  • ଭାରତ ସୀମାରେ ଅନୁପ୍ରବେଶ ଉଦ୍ୟମ କରୁଛନ୍ତି ୧୭୦ ଆତଙ୍କବାଦୀ, ତାଲିମ ଦେଉଛି ପାକିସ୍ତାନୀ ସେନା ଏବଂ ISI
  • ||

ଗୁଣିଗାରେଡ଼ି ସନ୍ଦେହରେ ଯୁବକଙ୍କୁ ହତ୍ୟା

କାଲିମେଳା/ଏମ୍ଭି-79, 13।1(ଆପ୍ର): ମାଲକାନଗିରି ଜିଲ୍ଲା ଏମ୍ଭି-79 ଅଞ୍ଚଳରେ ଘଟିଛି ଏକ ଅମାନବୀୟ କାଣ୍ଡ। ଗୁଣିଗାରେଡ଼ି ସନ୍ଦେହରେ ଜଣେ ଯୁବକଙ୍କୁ ନିର୍ମମ ଭାବେ ହତ୍ୟା କରାଯାଇଛି। ହତ୍ୟାକାଣ୍ଡର 6 ଦିନ ପରେ ପଦାକୁ ଆସିଛି ଏହି ଚାଞ୍ଚଲ୍ୟକର ଘଟଣା। ଭୁବନପାଲ୍ଲି ଗାଁର ବେଟୀ ରାମା(22)ଙ୍କୁ ଗାଁ ଦାଣ୍ଡରେ ପିଟି ପିଟି ହତ୍ୟା କରାଯାଇ ପୋଡି଼ ଦିଆଯାଇଥିବା ଘଟଣାରେ 4ଜଣଙ୍କୁ ଗିରଫ କରିଛି ପୁଲିସ୍। ଗିରଫ 4ଜଣ ହେଲେ ଭୁବନପାଲ୍ଲି ଗାଁର ମହେଶ୍ବର କୁଞ୍ଜ, ଦେବେନ୍ଦ୍ର କୁଞ୍ଜ, ଭୀମା କୁଞ୍ଜ ଓ ମହେନ୍ଦ୍ର ମାଡକାମୀ। ଏଥିରେ ସାମିଲ ଥିବା ଅନ୍ୟମାନଙ୍କୁ ଖୁବ୍ଶୀଘ୍ର ଗିରଫ କରାଯିବ ବୋଲି ପୁଲିସ୍ କହିଛି।
ପୁଲିସ୍ ସୂଚନା ଅନୁଯାୟୀ, ଭୁବନପାଲ୍ଲି ଗାଁର ବେଟୀ ରାମାଙ୍କ ବାପା ବେଟୀ ଜଗା ଗୁଣିଗାରେଡ଼ି କରୁଥିଲେ। ଏହାକୁ ନେଇ ଗାଁର କେତେକ ଲୋକ ଅସନ୍ତୁଷ୍ଟ ଥିଲେ। ଗତ 7 ତାରିଖ ରାତିରେ ସେମାନେ ଗାଁରେ ଏକ ବୈଠକ ଡାକି ଜଗାଙ୍କୁ ଡାକିଥିଲେ। କିନ୍ତୁ ପୂର୍ବରୁ ଏ ସମ୍ପର୍କରେ ଖବରପାଇ ଗାଁ ଛାଡି ପଳାଇଥିଲେ ଜଗା। ରାତିରେ ସଭା ବସିବା ପରେ ଜଗା ନଥିବା ଜାଣିବାକୁ ପାଇ ଗାଁର କେତେକ ଲୋକ ଜଗାଙ୍କ ପୁଅ ରାମାଙ୍କୁ ଡାକିଥିଲେ। ଗ୍ରାମସଭାରେ ତାଙ୍କୁ ଜଗାଙ୍କ ଗୁଣିଗାରେଡ଼ି ସମ୍ପର୍କରେ ପଚରାଯାଇଥିଲା। ପରେ ଉତ୍ତ୍ୟକ୍ତ ଲୋକେ ରାମାଙ୍କୁ ଲୁହାରଡ୍ ଏବଂ ଅନ୍ୟାନ୍ୟ ମାରଣାସ୍ତ୍ଂରେ ଆକ୍ରମଣ କରିଥିଲେ। ପିଟି ପିଟି ଗାଁ ଦାଣ୍ଡରେ ହତ୍ୟା କରି ଶ୍ମଶାନରେ ପୋଡି଼ ଦେଇଥିଲେ। ଏହି ଖବର ଗାଁର ଅନ୍ୟମାନେ ଦେଖିଥିଲେ ମଧ୍ୟ ଭୟରେ କେହି ହେଲେ ପାଟି ଖୋଲିନଥିଲେ। ଥାନାରେ ମଧ୍ୟ କୌଣସି ଅଭିଯୋଗ ହୋଇନଥିଲା। ପରେ ପୁଲିସ୍ କୌଣସି ସୂତ୍ରରୁ ଖବରପାଇ ଘଟଣାର ତଦନ୍ତ ଆରମ୍ଭ କରିଥିଲା। ଆଜି ଏହି ହତ୍ୟା ମାମଲାରେ ଜଡ଼ିତ ଥିବା ଅଭିଯୋଗରେ ପୁଲିସ୍ ଉପରୋକ୍ତ 4ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି।