PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ- କାଳବୈଶାଖୀର ତାଣ୍ଡଵ। ସେରଗଡ ବ୍ରାହ୍ମଣଛାଇ ଗାଁରେ ଗଛ ପଡି ଦୁଇ ମୃତ
  • ||
  • ବରିଷ୍ଠ ବିଜେଡି ନେତ୍ରୀ ଭି. ସୁଜ୍ଞାନୀ କୁମାରୀ ଦେଓଙ୍କ ଆଶୁ ଆରୋଗ୍ୟ କାମନା କଲେ ମୁଖ୍ୟମନ୍ତ୍ରୀ, ଅସୁସ୍ଥତା କାରଣରୁ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ପୂର୍ବତନ ବିଧାୟକା
  • ||
  • ପଶ୍ଚିମବଙ୍ଗରେ ବିଜେପି କାର୍ଯ୍ୟକର୍ତ୍ତାଙ୍କ ଉପରେ ଟିଏମସିର ଆକ୍ରମଣର ପ୍ରତିବାଦରେ କେନ୍ଦ୍ରମନ୍ତ୍ରୀଙ୍କ ଉପବାସ
  • ||
  • ପଶ୍ଚିମବଙ୍ଗ: ତୃତୀୟ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ମମତା ବାନାର୍ଜି
  • ||
  • କୋଭିଡ୍ ମୁକାବିଲା ପାଇଁ ୫୦ ହଜାର କୋଟି ଦେବ ଆର୍‌ବିଆଇ
  • ||
  • ବଲାଙ୍ଗୀର: ଡେଲିମାର୍କେଟରେ ସଂଘବଦ୍ଧ ଭାବେ ପରିବା ବିକ୍ରି କରିବାକୁ ପ୍ରଶାସନ ବିରୋଧ କରିବାରୁ ଉତ୍ତ୍ୟକ୍ତ ହୋଇ ରାସ୍ତାରେ ପରିବା ଫିଙ୍ଗିଲେ ବେପାରୀ, ପୁଲିସ ଏବଂ ମ୍ୟୁନିସିପାଳିଟି ପକ୍ଷରୁ ବୁଝାମଣା ଜାରି
  • ||
  • ଗୁଡ଼ଭେଲା: ବିଦ୍ୟୁତ ଖୁଣ୍ଟକୁ ପଟିଲା ଟ୍ରକ ଅଳ୍ପକେ ବର୍ତ୍ତିଲେ ଲୋକେ
  • ||
  • ହାଇଦ୍ରାବଦରୁ ଫେରୁଥିଲେ ପ୍ରବାସୀ ଶ୍ରମିକଙ୍କ ୧୨ ବର୍ଷର ଝିଅ, ସୀମାନ୍ତ ମୋଟୁରେ ଚାଲିଗଲା ଜୀବନ
  • ||
  • ଉପକୂଳରେ ତାତି ଉଭାନ୍‌, ଆସନ୍ତା ୪ ଦିନ ରାଜ୍ୟର ବିଭିନ୍ନ ସ୍ଥାନରେ କାଳବୈଶାଖୀ
  • ||
  • ଆନ୍ଧ୍ର ପ୍ରଦେଶ ଓ ତେଲେଙ୍ଗାନାରୁ ଫେରିଲେ ୧୪ ଦିନିଆ କ୍ୱାରେଣ୍ଟାଇନ୍‌ ବାଧ୍ୟତାମୂଳକ
  • ||
  • ଓଡ଼ିଶାରେ ଚିହ୍ନଟ ହେଲେ ୯୮୮୯ ଜଣ କରୋନା ପଜିଟିଭ ଚିହ୍ନଟ, ଆଖିବୁଜିଲେ ୧୬ ଜଣ ସଂକ୍ରମିତ
  • ||
  • ଓଡ଼ିଶା: ଆଜିଠୁ ରାଜ୍ୟବ୍ୟାପୀ ୧୪ ଦିନିଆ ‘ଲକଡାଉନ୍‌,’୧୯ ତାରିଖ ପର୍ଯ୍ୟନ୍ତ ବଳବତ୍ତର ରହିବ
  • ||

ବିଶ୍ୱକପ୍‌ ଦଳରେ ଧୋନିଙ୍କ ଉପସ୍ଥିତି ଜରୁରୀ: ଯୁବରାଜ

ନୂଆଦିଲ୍ଲୀ,୯ା୨(ଏଜେନ୍ସି): ଭାରତୀୟ ଦଳର ଭେଟେରାନ ୱିକେଟ୍‌ କିପର ମହେନ୍ଦ୍ର ସିଂ ଧୋନିଙ୍କ କ୍ୟାରିୟରକୁ ନେଇ ସର୍ବଦା ତର୍ଜମା ଚାଲିଛି । ଆଗାମୀ ଦିନିକିଆ ବିଶ୍ୱକପ୍‌ ଦଳରେ ତାଙ୍କୁ ସ୍ଥାନ ଦେବା ପାଇଁ ଟିମ୍‌ ମ୍ୟାନେଜମେଣ୍ଟ ଚୁଡ଼ାନ୍ତ ଘୋଷଣା କରିସାରିଛି । ତଥାପି ଉଦୀୟମାନ ୱିକେଟ୍‌ କିପର ବ୍ୟାଟ୍ସମ୍ୟାନ୍‌ ରିଶବ ପନ୍ତଙ୍କୁ ଅଗ୍ରାଧିକାର ଦେବାକୁ ଅନେକ ମତ ଦେଇଛନ୍ତି । ଧୋନି ବିଶ୍ୱକପ୍‌ ଦଳରେ ରହିବା ଜରୁରୀ ବୋଲି ଭାରତୀୟ ଦଳର ପୂର୍ବତନ ଷ୍ଟାର୍‌ ବ୍ୟାଟ୍ସମ୍ୟାନ୍‌ ଯୁବରାଗ ସିଂହ ମତ ଦେଇଛନ୍ତି । ସେ କହିଛନ୍ତି ଯେ, ଧୋନିଙ୍କ ଭଳି ଖେଳାଳି ଭାରତୀୟ ଦଳ ପାଇଁ ନିହାତି ଜରୁରୀ । ତାଙ୍କ କ୍ରିକେଟ୍‌ ଜ୍ଞାନ ଓ କୂଶଳୀ ରଣନୀତି ଅଗାମୀ ବିଶ୍ୱକପ୍‌ରେ ଦଳ ପାଇଁ ସହାୟକ ହେବ । ୨୦୧୧ ବିଶ୍ୱକପ୍‌ ଫାଇନାଲ୍‌ରେ ସେ ମ୍ୟାଚ୍‌ ବିଜୟୀ ଇନିଂସ ଖେଳି ମ୍ୟାନ୍‌ ଅଫ ଦ ମ୍ୟାଚ୍‌ ବିବେଚିତ ହୋଇଥିଲେ । ମ୍ୟାଚ୍‌ର ସ୍ଥିତିକୁ ପରଖିବା ସର୍ବଦା ୱିକେଟ୍‌ ରକ୍ଷକମାନଙ୍କ କାର୍ଯ୍ୟ ହୋଇଥାଏ । ଧୋନି ଏହି କାର୍ଯ୍ୟରେ ସିଦ୍ଧହସ୍ତ । ଖେଳର ପରିସ୍ଥିତିକୁ ପରଖି ସଙ୍ଗେ ସଙ୍ଗେ ରଣନୀତି ରଚନା କରିବାରେ ଧୋନି ସମସ୍ତଙ୍କୁ ପଛରେ ପକାଇ ଦେଇଛନ୍ତି । ତାଙ୍କ ଉପସ୍ଥିତି କୌଣସି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବାରେ ସହାୟକ ହେବ ।
ଗିଲ୍‌ଙ୍କ ପ୍ରଦର୍ଶନରେ ଉତ୍ସାହିତ: ଭାରତୀୟ ଦଳରେ ସ୍ଥାନ ପାଇଥିବା ୧୯ବର୍ଷିୟ ଶୁଭମନ ଗିଲ୍‌ଙ୍କୁ ଯୁବରାଜ ପ୍ରଶଂସା କରିଛନ୍ତି । ‘ଗିଲ୍‌ ସିନିୟର ଦଳରେ ସ୍ଥାନ ପାଇବା ଖବର ମୋତେ ବେଶ୍‌ ଉତ୍ସାହିତ କରିଥିଲା । ମୁଁ ତାଙ୍କ ପାଇଁ ଗର୍ବିତ । ଖୁବ୍‌ କମ୍‌ ଦିନ ମଧ୍ୟରେ ସେ ନିଜକୁ ଜଣେ ପରିପକ୍ୱ ବ୍ୟାଟ୍ସମ୍ୟାନଭାବେ ପ୍ରମାଣ କରିଦେଲେ । ୧୯ବର୍ଷରୁ କମ୍‌ ବିଶ୍ୱକପ୍‌ରେ ଶ୍ରେଷ୍ଠ ଖେଳାଳି(ପ୍ଲେୟାର ଅଫ ଦ ଟୁର୍ଣ୍ଣାମେଣ୍ଟ) ବିବେଚିତ ହେବା ପରେ ଘରୋଇ ପ୍ରଥମ ଶ୍ରେଣୀ କ୍ରିକେଟ୍‌ରେ ସ୍ଥାନ ପାଇବା, ଏହାପରେ ଭାରତ ଏ’ ଦଳ ପକ୍ଷରୁ ଉନ୍ନତ ପ୍ରଦର୍ଶନ କରିବାରେ ଗିଲ୍‌ ସଫଳ ହେଲେ । ସିଜିନ ଅଧାରୁ ରଣଜୀ ଟ୍ରଫି ଅଭିଯାନ ଆରମ୍ଭ କରିବା ସହ ସେ ଢେର ରନ୍‌ ସଂଗ୍ରହ କରି ଚୟନକର୍ତ୍ତାଙ୍କୁ ପ୍ରଭାବିତ କଲେ । ଖୁବ୍‌ କମ୍‌ ଦିନ ମଧ୍ୟରେ ଏତେସବୁ ଘଟଣା ମୋ ଆଖି ଆଗରେ ଘଟି ଯାଇଥିଲା ।’