ନୂଆଦିଲ୍ଲୀ,୭।୫: କେହି ଓସମା ବିନ ଲାଡେନର ଫଟୋ ଏବଂ ଇସଲାମିକ୍ ଷ୍ଟେଟ୍(ଆଇଏସ୍)ର ପତାକା ନିଜ ପାଖରେ ରଖନ୍ତି ତେବେ ସେ ଆତଙ୍କବାଦୀ ନୁହନ୍ତି। କେବଳ ଏହି ଆଧାରରେ ତାଙ୍କ ବିରୋଧରେ ୟୁଏପିଏ ଅନୁସାରେ ଆକ୍ସନ ନେଇ ହେବନି। ଦିଲ୍ଲୀ ହାଇକୋର୍ଟ ଏକ ଆବେଦନର ଶୁଣାଣି କରି ଏହି ଟିପ୍ପଣୀ ଦେଇଛନ୍ତି। ଆତଙ୍କବାଦୀ ଗତିବିଧିରେ ସାମିଲ ନେଇ ଜଣାପଡିବା ପରେ ଆତଙ୍କବାଦୀ ନିରୋଧୀ ଆଇନ (ୟୁଏପିଏ) ଅନୁସାରେ ମାମଲା ରୁଜୁ କରାଯାଇଥାଏ। କୋର୍ଟ ଏନ୍ଆଇଏ ବନାମ ଅମର ଅବଦୁଲ ରହମାନଙ୍କ ମାମଲାର ଶୁଣାଣି ବେଳେ କହିଛନ୍ତି, ଏଭଳି ସାମଗ୍ରୀ ମିଳିଲେ କାହାକୁ ଆତଙ୍କବାଦୀ କୁହାଯାଇ ପାରିବନି। ମାତ୍ର ଏହି ଆଧାରରେ କହିବା ଠୁକ୍ ନୁହେଁ ଯେ, ସେ ବ୍ୟକ୍ତି ଆଇଏସ୍ ଭଳି ଆତଙ୍କୀ ସଂଗଠନ ସହିତ ଜଡିତ।
ଜଷ୍ଟିସ୍ ସୁରେଶ କୁମାର କେତ ଓ ଜଷ୍ଟିସ୍ ମନୋଜ ଜୈନଙ୍କ ଖଣ୍ଡପୀଠ କହିଛନ୍ତି, ଫଟୋ, ଭିଡିଓରୁ ଏହି ସ୍ପଷ୍ଟ ସୂଚନା ତ ମିଳିପାରିବ ଯେ, ସମ୍ପର୍କିତ ବ୍ୟକ୍ତିଙ୍କ ମୁଣ୍ଡରେ କ’ଣ ଚାଲିଛି। ଏହାଦ୍ବାରା ତାହା ପ୍ରମାଣିତ ହୋଇପାରିବନି ଯେ, ସେହି ବ୍ୟକ୍ତି ଆଇଏସ୍ ଭଳି ଆତଙ୍କବାଦୀ ସଂଗଠନ ସହିତ ଜଡିତ କିମ୍ବା ସେଥିରେ କାମ କରୁଛନ୍ତି। କୋର୍ଟ ଟିପ୍ପଣୀ ଦେଇଛନ୍ତି, କେବଳ ଏହି ଆଧାରରେ ଅପିଲ କରିଥିବା ବ୍ୟକ୍ତିଙ୍କୁ ଆତଙ୍କବାଦୀ କହିହେବନି ଯେ, ତାଙ୍କ ମୋବାଇଲରୁ ଓସମା ବିନ୍ ଲାଡେନଙ୍କ ଫଟୋ ମିଳିଛି। ଜିହାଦକୁ ପ୍ରମୋଟ କରିବା ସାମଗ୍ରୀ ମିଳିଛି। ଏହାଛଡା ଆଇଏସ୍ ପତାକା ମଧ୍ୟ ମିଳିଛି। ତା ଛଡା କଠୋରପନ୍ଥୀ ଭାଷଣକୁ ଏହ ମଧ୍ୟ ଏହାର ଆଧାର ବୋଲି କହିହେବନି।’
କୋର୍ଟ କହିଛନ୍ତି, ଆଜିର ଇଣ୍ଟରନେଟ୍ ଯୁଗରେ ଏଭଳି ସାମଗ୍ରୀ ସହଜରେ ଉପଲବ୍ଧ ହୋଇପାରୁଛି। ଯଦି କୌଣସି ବ୍ୟକ୍ତି ଏଭଳି ଜିନିଷକୁ ମୋବାଇଲରୁ ଡାଉନଲୋଡ୍ କରନ୍ତି, ତେବେ ମାତ୍ର ଏହି ଆଧାରରେ ତାକୁ ଇସଲାମିକ୍ ଷ୍ଟେଟ୍ ଭଳି ଦୁର୍ଦାନ୍ତ ଆତଙ୍କବାଦୀ ସଂଗଠନ ସହିତ ଜଡିତ ବୋଲି କହିହେବନି। କେହି ବି ଜାଣିଥିବା ବ୍ୟକତି ଏଭଳି ଜିନିଷକୁ ଡାଉନଲୋଡ୍ କରିପାରନ୍ତି। ଏଭଳି କରିବା ଅପରାଧ ନୁହେଁ। ଏହି ମାମଲାରେ ଅଭିଯୁକ୍ତ ଜାମିନର ହକଦାର।’
