ନୂଆଦିଲ୍ଲୀ : ଦିଲ୍ଲୀ –ଏନସିଆରରେ ଭୂକମ୍ପର ତୀବ୍ର ଝଟକା ଅନୁଭୂତ ହୋଇଛି। ଏହାର କିଛି ଦିନ ପୂର୍ବେ ମଧ୍ୟ ଭୂକମ୍ପର ବଡ଼ ଝଟକା ଅନୁଭବ ହୋଇଥିଲା। ସଦ୍ୟ ତଥ୍ୟ ଅନୁସାରେ , ଗତ ୪ଦିନରେ ଏହା ୨ୟ ଥର ଥରିଲା ପୃଥିବୀ। ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୫.୬ ଥିବା ମପାଯାଇଛି। ସୂଚନା ଅନୁସାରେ ଏହି ଭୂକମ୍ପର କେନ୍ଦ୍ର ମଧ୍ୟ ନେପାଳ ହିଁ ଥିଲା।
ଦିଲ୍ଲୀ ବ୍ୟତୀତ ଉତ୍ତରାଖଣ୍ଡର ପିଥୋରାଗଡ଼ ଜିଲ୍ଲାରେ ମଧ୍ୟ ଭୂକମ୍ପର ତୀବ୍ର ଝଟକା ଅନୁଭବ ହୋଇଥିଲା । ୪ଟା ୧୮ ମିନିଟରେ ଭୂକମ୍ପ ଆସିଥିଲା ।
Earthquake of Magnitude:5.6, Occurred on 06-11-2023, 16:16:40 IST, Lat: 28.89 & Long: 82.36, Depth: 10 Km ,Region: Nepal for more information Download the BhooKamp App https://t.co/TXMwjzCLks @KirenRijiju @Ravi_MoES @Dr_Mishra1966 @ndmaindia @Indiametdept pic.twitter.com/HM8ZaYMlZH
— National Center for Seismology (@NCS_Earthquake) November 6, 2023
ଏହା ପୂର୍ବରୁ ଶୁକ୍ରବାର ବିଳମ୍ୱିତ ରାତିରେ ମଧ୍ୟ ଭୂକମ୍ପର ତୀବ୍ର ଝଟକା ଅନୁଭୂତ ହୋଇଥିଲା। ରାଷ୍ଟ୍ରୀୟ ଭୂକମ୍ପ ବିଜ୍ଞାନ କେନ୍ଦ୍ର ମୁତାବିକ ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୬.୪ ଥିଲା । ସୂଚନା ଅନୁସାରେ ବିଳମ୍ୱିତ ରାତି ୧୧.୩୨ରେ ଭୂକମ୍ପର ଝଟକା ଲାଗିଥିଲା। ଏଥିରେ ଭୂକମ୍ପର କେନ୍ଦ୍ର ନେପାଳ ଥିଲା।
