ନୀଳଗିରି,୧୪/୪-ବାଲେଶ୍ୱର ଜିଲ୍ଲା ରେମୁଣା ଅଞ୍ଚଳରେ ହନୁମାନ ରାଲିରେ ଅଘଟଣ ଘଟିଛି।ପଥର ମାଡ଼ରେ ୧୨ ଜଣ ଆହତ ହୋଇଥିବା ବେଳେ ପୋଲିସ ବି ବାଦ ପଡ଼ିନାହିଁ।ଏପରିକି ଏସପି ଙ୍କ ଗାଡି ମଧ୍ୟ ଭଙ୍ଗାରୁଜା ହୋଇଛି।ଫଳରେ ଅଞ୍ଚଳରେ ଉତ୍ତେଜନା ଦେଖାଦେଇଥିବା ବେଳେ ୧୪୪ ଧାରା ଜାରି ହୋଇଛି।
ରେମୁଣା ଅଞ୍ଚଳରେ ହନୁମାନ ଜୟନ୍ତୀ ପାଇଁ ଏକ ବାଇକ ଶୋଭାଯାତ୍ରା ହେଉଥିଲା।କ୍ଷୀରଚୋରା ମନ୍ଦିର ନିକଟରୁ ଏହା ବାହାରି ରେମୁଣା ବଜାର, ଗନିପୁର ଦେଇ ଯାଉଥିବା ବେଳେ ଗନିପୁର ଛକ ନିକଟରେ ବାଜୁଥିବା ଡିଜେ ବନ୍ଦ କରିବାକୁ କିଛି ଅଞ୍ଚଳବାସୀ କହିଥିଲେ। ଏହାକୁ ନେଇ ଉଭୟଙ୍କ ମଧ୍ୟରେ କଥା କଟା ପରେ ଘଟଣା ଉଗ୍ରରୂପ ଧାରଣ କରିଥିଲା।ପୋଲିସ ଉପସ୍ଥିତ ସତ୍ତେ୍ବ ଶୋଭାଯାତ୍ରାକୁ ପଥର ମାଡ଼ ହୋଇଥିଲା।ଫଳରେ ନୀଳଗିରି ଏସଡ଼ିପିଓ ,ଥାନାଧିକାରୀ ଙ୍କ ସମେତ ୧୨ ଆହତ ହୋଇଥିଲେ। ଏସପି ପହଞ୍ଚି ବୁଝାସୁଝା କରିବା ପରେ ପରିସ୍ଥିତି ଶାନ୍ତ ହୋଇନଥିଲା।ଏପରିକି ଏସପି ଗାଡି ମଧ୍ୟ ଉତ୍ତ୍ୟକ୍ତ ଲୋକେ ଭଙ୍ଗାରୁଜା କରିଥିଲେ। ପରିସ୍ଥିତି ଅଣାୟତ ହେବାରୁ ଆଇଜି ପହଞ୍ଚି ଥିବା ବେଳେ ବ୍ୟାପକ ପୋଲିସ ମୃତୟନ ହୋଇଛି।ଏପରିକି ୧୪୪ ଧାରା ଜାରି ହୋଇଥିବା ବେଳେ ଅଂଚଳରେ ଉତ୍ତେଜନା ଦେଖା ଦେଇଛି।
