ଭୋଗରାଇ,୨୮/୦୬: ଶଙ୍କର ପ୍ରଜାତିର ଏକ ମହିଳା ତେଲିଆ ମାଛ ୧୩ ଲକ୍ଷ ଟଙ୍କାରେ ବିକ୍ରି ହୋଇଛି । ପଶ୍ଚିମବଙ୍ଗ ଦୀଘା ମୋହନା ମତ୍ସ୍ୟ ଅବତରଣ କେନ୍ଦ୍ରର କାର୍ତ୍ତିକ ବେରାଙ୍କ ମାଛ ଅଡତରେ ଏହି ବିଶାଳକାୟ ତେଲିଆ ଭୋଳା ମାଛକୁ ଦେଖିବା ପାଇଁ ଲମ୍ବା ଲାଇନ ଲାଗିଥିଲା । ଏହି ମାଛକୁ କିଣିବା ପାଇଁ ଦୀର୍ଘ ୩ ଘଣ୍ଟା ଧରି କ୍ରେତାଙ୍କ ମଧ୍ୟରେ ମୂଲଚାଲ ଚାଲିଥିଲା । ଶେଷରେ କିଲୋଗ୍ରାମ ପ୍ରତି ୨୬ ହଜାର ଟଙ୍କା ଦରରେ ମୋଟ ୧୩ ଲକ୍ଷ ଟଙ୍କାରେ ଏହି ମାଛକୁ ଏସଟିଏଫ କମ୍ପାନି କିଣି ନେଇଥିବା ସୂଚନା ମିଳିଛି ।

{"id":433895,"sizeSlug":"full","linkDestination":"none"}

ପଶ୍ଚିମବଙ୍ଗ ଦକ୍ଷିଣ ୨୪ ପ୍ରଗଣା ଜିଲ୍ଲାର ନୈନାର ବାସିନ୍ଦା ମତ୍ସ୍ୟଜୀବୀ ଶିବାଜୀ କବୀର ଏହି ମାଛଟିକୁ ଗଭୀର ସମୁଦ୍ରରୁ ଧରିବା ପରେ ନିଲାମ ପାଇଁ ଦୀଘା ମୋହନା ମତ୍ସ୍ୟ ଅବତରଣ କେନ୍ଦ୍ରକୁ ଆଣିଥିଲେ । ମାଛର ମୋଟ ଓଜନ ୫୫ କିଲୋଗ୍ରାମ ହୋଇଥିଲା ବେଳେ ବଲମ (କିଲୋଗ୍ରାମ ପ୍ରତି ୫ ପ୍ରତିଶତ ଅତିରିକ୍ତ ଓଜନ) ଏବଂ ତା'ର ପେଟରେ ଥିବା ଅଣ୍ଡାକୁ ବାଦ ଦେଇ ମାଛର ମୋଟ ଓଜନ ୫୦ କିଲୋଗ୍ରାମ ହିସାବରେ ବିକ୍ରି ହୋଇଥିଲା । ୬ ଦିନ ପୂର୍ବେ ଏହି ପ୍ରଜାତିର ଏକ ୩୦ କିଲୋ ଓଜନର ପୁରୁଷ ତେଲିଆ ଭୋଳା ମାଛ ୯ ଲକ୍ଷ ଟଙ୍କାରେ ବିକ୍ରି ହୋଇଥିଲା ।

wp:html /wp:html