ଅଟୋ-ବାଇକ ଧକ୍କା, ୨ ଗୁରୁତର

ଗୋପାଳପୁର ୨୫/୫ ଗୋପାଳପୁର ଥାନା ଅନ୍ତର୍ଗତ ଆଲ୍ଲୀପୁର ଛକ ନିକଟରେ ଅଟୋ ଓ ବାଇକ ଧକ୍କା ହେବାରୁ ଦୁଇ ଜଣ ଗୁରୁତର ଆହତ ହୋଇଛନ୍ତି। ମନସୁରକୋଟା ଗ୍ରାମର ଚାରି ଜଣ ମହିଳା ଆଲ୍ଲୀପୁର ଗ୍ରାମର ଗୋପାଳ ରେଡିଙ୍କ ଅଟୋ (ନଂ ଓ ଆର ୦୭ ଜେଡ ୦୬୧୬)ରେ କରାପଲ୍ଲୀରୁ ନିଜ ଗ୍ରାମକୁ ଫେରୁଥିଲେ। ଏହି ସମୟରେ ପଛରୁ ଆସୁଥିବା ଏକ ବାଇକ (ନଂ ଓ ଆର ୧୪ କ୍ୱିଉ ୦୦୬୫) ଅଟୋକୁ ଧକ୍କା ଦେଇଥିଲା l ଫଳରେ ବାଇକ ଚାଳକ ଗୁରୁତର ହେବା ସହ ଅଟୋଟି ଭାରସାମ୍ୟ ହରାଇ ରାସ୍ତା କଡ଼ରେ ଥିବା ଏକ ଗଛକୁ ପିଟି ହୋଇଥିଲା l ଫଳରେ ଅଟୋରେ ବସିଥିବା ଚାରି ଜଣ ମହିଳାଙ୍କ ମଧ୍ୟରୁ ଜଣେ ଗୁରୁତର ହୋଇଥିଲେ l ଖବର ପାଇଁ ଗୋପାଳପୁର ପୁଲିସ ଘଟଣା ସ୍ଥଳରେ ପହଂଚି ବାଇକୁ ଜବତ କରିଛି l