ମାଲକାନଗିରି, ୨୯/ ୧ : ମହାରାଷ୍ଟ୍ରର ପୁନେଠାରେ ଅନୁଷ୍ଠିତ ଆଦିବାସୀ ଯୁବ ବିନିମୟ କାର୍ଯ୍ୟକ୍ରମରେ ଯୋଗଦେବା ପାଇଁ ଆଜି ଯାଇଛନ୍ତି ମାଲକାନଗିରି ଜିଲ୍ଲାର ୨୦ ଜଣ ଯୁବକ l ବି.ଏସ୍.ଏଫ୍. ତରଫରୁ ଚିତ୍ରକୋଣ୍ଡା ବ୍ଲକ ସ୍ୱାଭିମାନ ଅଞ୍ଚଳର ଆଦିବାସୀ ଯୁବକ ମହାରାଷ୍ଟ୍ରର ପୁନେଠାରେ ଆଦିବାସୀ ଯୁବ ବିନିମୟ କାର୍ଯ୍ୟକ୍ରମକୁ ପଠାଯାଇଛି ।
ମାଲକାନଗିରି ଜିଲ୍ଲା ବିଏସ୍ଏଫ୍ ତରଫରୁ ଆଦିବାସୀ ଯୁବକ ଯୁବତୀମାନେ କେରଳର ମହାରଷ୍ଟ୍ରର ପୁନେ ଗସ୍ତ କରିଛନ୍ତି । ବିଏସ୍ଏଫ୍ କମାଣ୍ଡାଣ୍ଟ ରାଜପାଲ ସିଂ ଆଜି ମାଲକାନଗିର ଜିଲ୍ଲା ଚିତ୍ରକୋଣ୍ଡା ବ୍ଲକ ଅନ୍ତର୍ଗତ ସ୍ୱାଭିମାନ ଅଞ୍ଚଳର ପଣସପୁଟ, ବେଞ୍ଜିଙ୍ଗ, ଟିକରପଡା, ତୋଣ୍ଟପାଲି, କଦଳୀବନ୍ଧ, ପୂଜାରୀଗୁଡା ଅଂଚଳର ମୋଟ ୨୦ ଜଣ ଆଦିବାସୀ ଯୁବକ ଯୁବତୀଙ୍କୁ ପୁନେ ପଠାଯାଇଛି ।
ଏହି ଯୁବପୀଢି ଆସନ୍ତା ୧ତାରିଖରୁ ୭ତାରିଖ ପର୍ଯ୍ୟନ୍ତ ମହାରାଷ୍ଟ୍ର ପୁନେ ସହରର ବିଭିନ୍ନ ପର୍ଯ୍ୟଟନ ସ୍ଥଳ ଭ୍ରମଣ କରିବା ସହ ସେଠାକାର ରାଜନୈତିକ ନେତା, ବିଭିନ୍ନ ମନ୍ତ୍ରୀ, ସିନେ ତାରକା, ଟିଭିତାରକା, ପୌରାଣିକ ସ୍ଥଳ ଇତ୍ୟାଦି ଭ୍ରମଣ କରିବ। ଆଜିର ଏହି କାର୍ଯ୍ୟକ୍ରମରେ ବି.ଏସ୍.ଏଫ୍. ଦ୍ୱିତୀୟ ବାଟାଲିୟନ କମାଣ୍ଡାଣ୍ଟ ସିଭମ ଓମ, ସିଏମ ଓ ଡ଼କ୍ଟର ସଞ୍ଜୀବ କୁମାର, ସେକେଣ୍ଡ କମାଣ୍ଡାଣ୍ଟ ବରୁଣେନ୍ଦ୍ର ପ୍ରତାପ ସିଂ, ଡେପୁଟି କମାଣ୍ଡାଣ୍ଟ ଶୁଭରଞ୍ଜନ ମହାପାତ୍ର, ନେହେରୁ ଯୁବ ସଂଘର ଜିଲ୍ଲା ଅଧିକାରୀ ହରିଶ ରୁପାଲ, ଜିଲ୍ଲା ସୂଚନା ଲୋକ ସମ୍ପର୍କ ଅଧିକାରୀ ପ୍ରମିଳା ମାଝୀ, ସହକାରୀ ଶ୍ରମ ଅଧିକାରୀ ପୂର୍ଣ୍ଣିମା ଦୁରୁକା, ନମିତା ଦଣ୍ଡସେନ ପ୍ରମୁଖ ଉପସ୍ଥିତ ଥିଲୋ ।
ଏହାଦ୍ୱାରା ଗ୍ରାମାଞ୍ଚଳରେ ରହୁଥିବା ଯୁବପୀଢି ଜ୍ଞାନ ଶକ୍ତୀ ବଢିବା ସହ ଦେଶର ବହୁ ପୌରାଣିକ, ଓ ପର୍ଯ୍ୟଟନସ୍ଥଳୀ ଭ୍ରମଣ କରି ଦେଖିପାରିବେ ଏବଂ ଏହାଦ୍ୱାରା ଦେଶରେ କେତେ ପ୍ରକାର ସାଂସ୍କୃତିକ ଦୃଶ୍ୟ, ଗୁଡିକ ଅଛି ତାହାର ଜ୍ଞାନ ଆରୋହଣ କରିପାରିବେ ବୋଲି ଉପସ୍ଥିତ ଅଧିକାରୀମାନେ ମତପ୍ରକାଶ କରିଥିଲେ । ଆଗାମୀ ଦିନରେ ଆହୁରି ବହୁ ଯୁବପୀଢୀଙ୍କୁ ଦେଶର ବିଭିନ୍ନ ସ୍ଥାନକୁ ଭ୍ରମଣ ନିମନ୍ତେ ପଠାଇବାର କାର୍ଯ୍ୟକ୍ରମ ରହିଛି ବୋଲି କହିଥିଲ।
