କେନ୍ଦୁଝର,୦୯/୦୮: ଗୁରୁବାର ବିଳମ୍ବିତ ରାତିରେ ଘଟିଛି ଏକ ଅଭାବନୀୟ ଘଟଣା । ସାପ କାମୁଡାରେ ଚାଲିଗଲା ୩ବର୍ଷର ଶିଶୁକନ୍ୟାର ଜୀବନ । ମୃତ ଶିଶୁକନ୍ୟାର ନାମ ଶୁଭସ୍ମିତା ମୁଣ୍ଡା ।
ସୂଚନା ଅନୁଯାୟୀ, ଗୁରୁବାର ରାତିରେ ଶୁଭସ୍ମିତା ତାଙ୍କ ମା’ ସୁମିତ୍ରା ମୁଣ୍ଡାଙ୍କ ସହ ଶୋଇଥିଲେ । ଏହି ସମୟରେ ଏକ ସାପ ଶୁଭସ୍ମିତାଙ୍କୁ କାମୁଡ଼ିଥିଲା । ତେବେ ଶୁକ୍ରବାର ଭୋରୁ ତାଙ୍କୁ ଘଟଗାଁ ଗୋଷ୍ଠି ସ୍ୱସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ ପରିବାର ଲୋକେ । ସେଠାରେ ଡାକ୍ତର ମୃତ ଘୋଷଣା କରିଛନ୍ତି । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚିଛି । ପୋଲିସ ମୃତ ଶବଟିକୁ ବ୍ୟବଚ୍ଛେଦ ପାଇଁ ପଠାଇବା ସହିତ ଘଟଣାର ତଦନ୍ତ ଆରମ୍ଭ କରିଛି ।
