ବିନିକା, ୭।୮ : ସୁବର୍ଣ୍ଣପୁର ଜିଲ୍ଲା ବିନିକା ଥାନା ଝାରକଦଳିପାଲି ଠାରେ ଅବକାରୀ ବିଭାଗ ଚଢାଉ କରି ୩୦ ଲିଟର ଦେଶୀ ମଦ ଜବତ କରିବା ସହ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ଜଣକ ହେଲେ ଶତ୍ରୁଘନ ବରିହା ।
ଝରକଦଳିପାଲୀ ଉପର ପଡା ଠାରେ ଶତ୍ରୁଘନ ମଦ ବିକ୍ରି କରୁଥିଲା। ଖବର ପାଇ ଅବକାରୀ କର୍ମଚାରୀ ପହଞ୍ଚି ଚଢାଉ କରିଥିଲେ। ୩୦ ଲିଟର ମଦ ଜବତ କରିବା ସହିତ ବ୍ୟବହୃତ ବାଇକ ମଧ୍ୟ ଜବତ କରିଥିଲେ। ଏଥିସହ ଶତ୍ରୁଘନକୁ ଗିରଫ କରିଥିଲେ। ଏନେଇ ଏକ ମାମଲା ୠଜୁକରି ଅଭିଯୁକ୍ତକୁ ବିନିକା କୋର୍ଟକୁ ଚାଲାଣ କରାଯାଇଥିଲା । ସେଠାରେ ଜାମିନ ନାମଞ୍ଜୁର ହେବାରୁ ସୋନପୁର ଜେଲ ହାଜତ କୁ ପଠାଯାଇଛି । ଏହି ଚଢ଼ାଉରେ ସୋନପୁର ଅବକାରୀ ନିରକ୍ଷକ ପ୍ରକାଶ ସା, ଲୋକନାଥ ବେହେରା, ବିନିକା ଉପ ନିରୀକ୍ଷକ ରାମଚନ୍ଦ୍ର ପଟ୍ଟନାୟକ, ଅଭିଳାଷ ବେହେରା ପ୍ରମୁଖ ସାମିଲ ଥିଲେ ।
