ମାଲକାନଗିରି ,୯ା୯(ଆପ୍ର ମାଲକାନଗିରି ଜିଲା ଚିତ୍ରକୋଣ୍ଡା ସ୍ଥ ବାଲିମେଳା ଜଳଭଣ୍ଡାରର ସ୍ୱାଭିମାନ ଅଞ୍ଚଳ ପଲାସପଦର ଘାଟରେ ଆଜି ଡ଼ଙ୍ଗା ବୁଡ଼ି ଜଣେ ନିଖୋଜ ହୋଇଛନ୍ତି।  ନିଖୋଜ ବ୍ୟକ୍ତି ଜଣକ ହେଲେ ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳ ରାମଗୁଡ଼ା ଗ୍ରାମର  ରାମଚନ୍ଦ୍ର ମୁଦୁଲି ।

 ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳ ରାମଗୁଡ଼ା ଗ୍ରାମର  ରାମଚନ୍ଦ୍ର ମୁଦୁଲି(୪୭) ନିକଟସ୍ଥ ଯୋଡ଼ାମ୍ବ ପଞ୍ଚାୟତ ଦରଲାବେଡା ହାଟକୁ ଯାଇଥିଲେ। ହାଟରୁ କାମ ସାରି ଡଙ୍ଗାରେ ବସି ଫେରିବା ବେଳେ ହଠାତ ଡଙ୍ଗାଟି ଜଳଭଣ୍ଡାର ମଧ୍ୟରେ ବୁଡିଯିବାରୁ  ରାମଚନ୍ଦ୍ର ପାଣିରେ ବୁଡିଯାଇ ନିଖୋଜ ଅଛନ୍ତି l ଖବର ପାଇ ଘଟଣାସ୍ଥଳରେ 

ତହସିଲ କର୍ମଚାରୀ,ପୁଲିସ ଓ ଅଗ୍ନିଶମ ବିଭାଗ ଟିମ୍‌ ପହଞ୍ଚି ଖୋଜାଖୋଜି ଜାରି ରଖିଛନ୍ତି।  ସନ୍ଧ୍ୟା ହୋଇ ଯିବାରୁ ତଲାସୀ କାର୍ଯ୍ୟ ବନ୍ଦ ରହିଛି । ପୁଣି ରବିବାର ସକାଳେ ଖୋଜିବା କାର୍ଯ୍ୟ ଚାଲୁରହିବ ବୋଲି ଚିତ୍ରକୋଣ୍ଡା ତହସିଲଦାର ଟି. ପଦ୍ମନାଭ ଦୋରା କହିଛନ୍ତି।

ଆହୁରି ପଢନ୍ତୁ : ବାଇକରେ ଆସୁଥିବା ବେଳେ ଯୁବକଙ୍କୁ ହତ୍ଯା, ନଦୀକୁ ଫିଙ୍ଗି ଦେଲେ ମୃତଦେହ