ବାରିପଦା,୨୧।୧୧ : ଶିକାରୀଙ୍କ ଅଭୟାରଣ୍ୟ ପାଲଟିଥିବା ଶିମିଳିପାଳ ରେ ଦନ୍ତା ହାତୀ ଶିକାର ର ପ୍ରମାଣ ପାଇଛି ବନ ବିଭାଗ l ଗତ ରବିବାର ଠାକୁରମୁଣ୍ଡା ବନ ଖଣ୍ଡ ଅନ୍ତର୍ଗତ ଭେଜଡିହା ଚେକ ଗେଟ ରେ ଦୁଇଟି ହାତୀ ଦାନ୍ତ ସହ ୪ଜଣ ଙ୍କୁ ଗିରଫ କରିଥିଲା ବନ ବିଭାଗ l ଏହି ମାମଲାର ଖୋଲାତାଡ଼ କରୁ କରୁ ବନ ବିଭାଗ କବାଟ ଘାଇ ସେକସନ କାନ୍ଦିହାର ବିଟ ଖେଜୁରୀ ଠାରୁ ଏକ ୨୨ବର୍ଷୀୟ ହାତୀର ଗଳିତ ଶବ ଉଦ୍ଧାର କରାଯାଇ ପୋଡି ଦିଆ ଯାଇଛି l 

ତେବେ ଏ ସମ୍ପର୍କ ରେ ବନବିଭାଗ ଗଣ ମାଧ୍ୟମକୁ କୌଣସି ସୂଚନା ଦେଇ ନ ଥିବା ବେଳେ ଶିମିଳିପାଳ ବ୍ୟାଘ୍ର ପ୍ରକଳ୍ପର ନିର୍ଦ୍ଦେଶକ ପ୍ରକାଶ ଚନ୍ଦ୍ର ଗୋଗୀନେନିଙ୍କୁ ପଚାରିବା ପରେ ସେ କହିଛନ୍ତି ଯେ, ନିକଟରେ ଜବତ ହୋଇଥିବା ହାତୀ ଦାନ୍ତ ସମ୍ପର୍କରେ ଖୋଲାତାଡ଼ କରୁ କରୁ ଏହି ହାତୀର ଗଳିତ ଶବ ମିଳିଥିଲା l ତେବେ ଶିକାରୀମାନଙ୍କ ଠାରୁ ଜବତ ହୋଇଥିବା ଦାନ୍ତ ଏହି ହାତୀର କି ନୁହେଁ ତାହା ଲେବରେ୍ଟୋରୀ ଟେଷ୍ଟ ପରେ ଜଣା ପଡିବ l 

ଆହୁରି ପଢନ୍ତୁ : ୧୫ ହଜାର ଟଙ୍କା ଲାଞ୍ଚ ନେଇ ଭିଜିଲାନ୍ସ୍ ହାତରେ ଧରାପଡିଲେ ବାଉଁଶୁଣୀ ଥାନା ଏସଆଇ