ପୁରୀ ୬/୯ : ରାଞ୍ଚିସ୍ଥିତ ହରିବଂଶ ତାନା ଭଗତ ଇଣ୍ଡୋର ଷ୍ଟାଡ଼ିୟମରେ ସେପ୍ଟେମ୍ବର ୨ ରୁ ୪ତାରିଖ ପର୍ଯ୍ୟନ୍ତ ୨ୟ ଭଗବାନ ବିର୍ସା ମୁଣ୍ଡା ଟ୍ରଫି ଓ ୧୪ତମ ଓପନ ଜାତୀୟ ଟାଏକୋଣ୍ଡୋ ପ୍ରତିଯୋଗିତା ଅନୁଷ୍ଠିତ ହୋଇଥିଲା l ଏହି ଚାମ୍ପିୟନସିପ୍‌ରେ ଦୁଇଟି ଇଭେଣ୍ଟ ଯଥା କିରୋଗୀ ଓ ପୁଂସୀ ଇଭେଣ୍ଟରେ ପ୍ରତିଯୋଗିତା ହୋଇଥିଲା l ଓଡ଼ିଶା ଟାଏକୋଣ୍ଡୋ ସଙ୍ଘ ତରଫରୁ ଦୁଇଟି ଇଭେଣ୍ଟରେ ୫୭ଜଣ ଖେଳାଳି ପ୍ରତିଯୋଗିତାରେ ଭାଗ ନେଇଥିଲେ l ସେଥିରୁ ୧୬ଜଣ ବାଳିକା ଓ ୪୧ଜଣ ବାଳକ ପ୍ରତିଯୋଗୀ ଥିଲେ l ଓଡ଼ିଶା ପ୍ରତିଯୋଗୀ କିରୋଗୀରେ ୨୦ଟି ପଦକ ଓ ପୁଂସୀରେ ୧୦ପଦକ ହାସିଲ କରିଥିଲେ l 

କିରୋଗୀ ଇଭେଣ୍ଟରେ ସ୍ଵର୍ଣ୍ଣ ପଦକ ୩, ରୌପ୍ୟ ୪ ଓ କାଂସ୍ୟ ୧୩ ପଦକ ଯାଇଥିଲା ବେଳେ ପୁଂସୀ ଇଭେଣ୍ଟରେ ସ୍ବର୍ଣ୍ଣ ୫, ରୌପ୍ୟ ୪ ଓ କଂସ୍ୟ ୧ ପଦକ ଜିତି ଓଡ଼ିଶା ଟିମ ଦ୍ୱିତୀୟ ଉପ-ବିଜେତା ଟ୍ରଫି ଜିତିଥିଲେ l ଓଡ଼ିଶା ଟିମ୍ ଦ୍ୱତୀୟ ଉପ-ବିଜେତା ଟ୍ରଫି ସହ ଵେଷ୍ଟ ଶୃଙ୍ଖଳା ଟିମ୍ ଆୱାର୍ଡରେ ସମ୍ମାନିତ ହୋଇଥିଲା l ଓଡ଼ିଶାରୁ ୩ ଜଣ ଜାତୀୟ ରେଫେରୀ ମୌଳିନ୍ଦୁ କୁମାର ମହନ୍ତ, ପାୟଲ ବଡ଼ଜେନା ଓ ଆରିଆନ ନାୟକ ଏହି ଜାତୀୟ ପ୍ରତିଯୋଗିତାକୁ ପରିଚାଳନା କରିଥିଲେ l 

ଓଡ଼ିଶା ଟିମ୍ କୋଚ୍ ଭାବେ ମିଥୁନ କୁମାର ସାହୁ, ଅତାଉଲ୍ଲା ଖାନ, ପ୍ରଭାତ କୁମାର ସାହୁ, ପୃଥିଭି ରାୟଗୁରୁ, ରମାକାନ୍ତ ବେହେରା, ଏସ. କେ ତାଫିରୁଦ୍ଦିନ, ନରେଶ କୁମାର ବାରିକ ଓ ଶିବାନନ୍ଦ ରାୟଗୁରୁ ଖେଳାଳିମାନଙ୍କୁ ଟ୍ରେନିଂ ଓ ପ୍ରୋତ୍ସାହନ କରିଥିଲେ l ଏହି ଉପ-ବିଜେତା ଆଉ ଵେଷ୍ଟ ଶୃଙ୍ଖଳ ଟିମ୍ ଆୱାର୍ଡ ପାଇଁ ଓଡ଼ିଶା ଟାଏକୋଣ୍ଡୋ ସଙ୍ଘ ଗର୍ବିତ ଆଉ ରାଜ୍ୟ ପାଇଁ ଗୌରବ ଆଣିଦେଇଛି l ଓଡ଼ିଶା ଟାଏକୋଣ୍ଡୋ ସଙ୍ଘର ସାଧାରଣ ସମ୍ପାଦକ ସମସ୍ତଖେଳାଳି ଆଉ କୋଚମାନଙ୍କୁ ଶୁଭେଚ୍ଛା ଜଣାଇଛନ୍ତି l