ପ୍ରମୁଖ ଖବର
  • ମୟୂରଭଞ୍ଜ ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ରାଇରଙ୍ଗପୁର ଏବଂ ବାରିପଦାରେ ଦଳୀୟ ପ୍ରାର୍ଥୀଙ୍କ ପାଇଁ କରିବେ ପ୍ରଚାର
  • ||
  • ନିର୍ବାଚନ ପାଇଁ ଦୁଇ ଦିନ ମଦ ଦୋକାନ ଏବଂ ବାର୍‌ ବନ୍ଦ, ଭୋଟ୍‌ ଗଣତି ଦିନ ରାଜ୍ୟସାରା ମଦ ଦୋକାନ ବନ୍ଦ
  • ||
  • ଶନିବାର ତୃତୀୟ ପର୍ଯ୍ୟାୟ ମତଦାନ: ୬ ଲୋକସଭା, ୪୨ ବିଧାନସଭା ସିଟ୍‌ରେ ୪୪୭ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା
  • ||
  • ରଥଖଳା ହାଲ୍‌ଚାଲ୍‌...ସିଙ୍ଗଡ଼ା ବାଡ଼ିଆ, ପହି ବିନ୍ଧ ଅନୁକୂଳ...
  • ||
  • IPL 2024: ଦ୍ୱିତୀୟ କ୍ୱାଲିଫାୟରରେ ମୁହାଁମୁହିଁ ହେବେ ରୟାଲ୍ସ- ସନରାଇଜର୍ସ, ଟ୍ରାଭିସେକ ଯୋଡ଼ିଙ୍କୁ ଅଟକାଇବେ ସ୍ପିନ୍‌ ଟାଇଟନ
  • ||
  • ଦାନା ବାନ୍ଧୁଛି ବାତ୍ୟା ‘ରେମାଲ୍‌’: ୨୫ରେ ବାତ୍ୟା ରୂପ ନେବ, ୨୬ରେ ଭୀଷଣ ବାତ୍ୟାରେ ହେବ ପରିଣତ
  • ||

ହରିୟାଣାରେ ବିଜେପି ସରକାରକୁ ଝଟକା, ସମର୍ଥନ ପ୍ରତ୍ୟାହାର କଲେ ୩ ସ୍ବାଧୀନ ବିଧାୟକ

ଚଣ୍ଡିଗଡ଼: ହରିୟାଣାର ନାୟବ ସିଂହ ସୈନୀଙ୍କ ସରକାରଙ୍କ ପାଇଁ ସଂକଟ ସୃଷ୍ଟି ହୋଇଛି । ସରକାରଙ୍କ ପାଖରେ ଏବେ ବହୁମତ ନଥିବା ନେଇ କଂଗ୍ରେସ ଅଭିଯୋଗ କରିଛି । ୩ ଜଣ ସ୍ବାଧୀନ ବିଧାୟକ ବିଜେପି ସରକାରଙ୍କ ପାଖରୁ ନିଜର ସମର୍ଥନ ପ୍ରତ୍ୟାହାର କରିବା ସହ କଂଗ୍ରେସ ସହ ହାତ ମିଶାଇଛନ୍ତି । ପୁଣ୍ଡ୍ରି ବିଧାୟକ ରଣଧୀର ଗୁଲାନ, ନିଲୋଖେରୀର ଧର୍ମପାଲ୍‌ ଗୋଣ୍ଡେର ଏବଂ ଦାଦ୍ରି ବିଧାୟକ ସୋମବୀର ସିଂହ ସଙ୍ଗଓ୍ବାନ ରୋହତକରେ ଆୟୋଜିତ ସାମ୍ବାଦିକ  ସମ୍ମଳନୀରେ ଏନେଇ ଘୋଷଣା କରିଛନ୍ତି । ଏପରିକି ବାଦଶାହପୁର ବିଧାୟକ ରାକେଶ ଦୌଲତାବାଦ ତାଙ୍କ ସହ ଯୋଗ ଦେବେ ବୋଲି ସଙ୍ଗଓ୍ବାନ କହିଛନ୍ତି ।

ସେପଟେ ହରିୟାଣା କଂଗ୍ରେସର ମୁଖ୍ୟ ଉଦୟ ଭାନ କହିଛନ୍ତି ଯେ, ରାଜ୍ୟ ବିଧାନସଭାରେ ଏବେ ୮୮ ଜଣ ସଦସ୍ୟ ଅଛନ୍ତି । ବିଜେପି ପାଖରେ ୪୦ ଜଣ ବିଧାୟକ ଅଛନ୍ତି ।ବିଜେପି ସରକାରଙ୍କ ପାଖରେ ଜେଜେପି ଏବଂ ନିର୍ଦ୍ଦଳୀୟ ବିଧାୟକଙ୍କ ସମର୍ଥନ ଥିଲା କିନ୍ତୁ ଏବେ ନାହିଁ ।ସୈନୀ ସରକାର ବହୁମତ ହରାଇ ସାରିଥିବା ବେଳେ ତାଙ୍କୁ ଏକ ମିନିଟ ରହିବାର ବି ହକ୍‌ ନାହିଁ ।  ତେବେ ୩ ଜଣ ସ୍ବାଧୀନ ବିଧାୟକ ବିଜେପି ପାଖରୁ ସମର୍ଥନ ପ୍ରତ୍ୟାହାର କରିବା ସହ ଆଗାମୀ ବିଧାନସଭା ନିର୍ବାଚନରେ କଂଗ୍ରେସକୁ ସମର୍ଥନ କରିବେ ବୋଲି ଘୋଷଣା କରିଛନ୍ତି ।ରୋହତକରେ ହରିୟାଣାର ପୂର୍ବତନ ସିଏମ ଭୂପେନ୍ଦ୍ର ସିଂହ ହୁଡ୍ଡା ଏବଂ ଉଦୟ ଭାନଙ୍କ ଉପସ୍ଥିତିରେ ଏଭଳି ଘୋଷଣା କରିଛନ୍ତି ୩ ନିର୍ଦ୍ଦଳୀୟ ବିଧାୟକ ।

ହରିୟାଣା ବିଧାନସଭାରେ ଏବେ ବିଧାୟକ ସଂଖ୍ୟା ୮୮ ଥିବା ବେଳେ ବହୁମତ ଲାଗି ୪୫ ବିଧାୟକଙ୍କ ସମର୍ଥନ ଜରୁରି । ଏନଡିଏ ସରକାରଙ୍କ ପାଖରେ ୪୩ ବିଧାୟକ ଅଛନ୍ତି । ବିଜେପି ପାଖରେ ୪୦, କଂଗ୍ରେସ ୩୦, ଜେଜେପି ୧୦ ଏବଂ ୬ ଜଣ ସ୍ବାଧୀନ ବିଧାୟକ ରହିଛନ୍ତି । ଏହାରି ଭିତରେ ରୋହତକରୁ କଂଗ୍ରେସର ଲୋକସଭା ପ୍ରାର୍ଥୀ ଦୀପକ ହୁଡ୍ଡା କହିଛନ୍ତି ଯେ, ବିଜେପି ୪୮ ବିଧାୟକଙ୍କ ସମର୍ଥନ ଥିବା ନେଇ ତାଲିକା ଦେଇଥିଲା ।ସେମାନଙ୍କ ମଧ୍ୟରୁ କେତେ ଜଣ ଲୋକସଭା ନିର୍ବାଚନ ଲଢ଼ୁଥିବାରୁ ବିଧାୟକ ପଦରୁ ଇସ୍ତଫା ଦେଇଛନ୍ତି । ଏହା ସହ ୩ ଜଣ ସ୍ବାଧୀନ ବିଧାୟକ ବିଜେପିରୁ ନିଜର ସମର୍ଥନ ପ୍ରତ୍ୟାହାର କରିବା ସହ କଂଗ୍ରେସକୁ ସମର୍ଥନ ଦେଇଛନ୍ତି । ଏଭଳି ସ୍ଥିତିରେ ରାଜ୍ୟରେ ବିଜେପି ବିରୋଧୀ ହାଓ୍ବା ରହିଥିବା ବେଳେ ପରିବର୍ତ୍ତନ ନିଶ୍ଚିତ ବୋଲି ଦୀପକ ହୁଡ୍ଡା କହିଛନ୍ତି । 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.