ବଲାଙ୍ଗୀର,୧/୩ : ବଲାଙ୍ଗୀର ସହର ସଦର ଥାନା ଅନ୍ତର୍ଗତ ଲର୍କିପାଲି ସରକାରୀ ଆଇଟିଆଇ ସମ୍ମୁଖରେ ଦୁର୍ଘଟଣା । ଫଳରେ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବାବେଳେ ୩ଜଣ ଗୁରୁତର ହୋଇଛନ୍ତି । ମୃତକ ଜଣକ ବଲାଙ୍ଗୀର ସଦର ଥାନା ଅନ୍ତର୍ଗତ ବିରକେଲ ଗାଁର ବୋଲି ଜଣାପଡ଼ିଛି। ତେବେ ଗୋଟିଏ ବାଇକରେ ଜଣେ ଝିଅ ଓ ମହିଳାଙ୍କ ସହ ପୁରୁଷ ବାହାଘର ଭୋଜିଖାଇ ଫେରୁଥିବାବେଳେ ଆଇଟିଆଇ ସମ୍ମୁଖରେ ଆଉ ଏକ ବାଇକରେ ଜଣେ ଯୁବକ ଦ୍ରୁତଗତିରେ ଆସୁଥିବାବେଳେ ଦୁର୍ଘଟଣା ଘଟିଥିବା ଜଣାପଡିଛି।
ଦୁଇ ବାଇକ ମୁହାଁମୁହିଁ ଧକ୍କା ହୋଇଛି । ଘଟଣାସ୍ଥଳରେ ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ଆମ୍ବୁଲାନ୍ସରେ ଭୀମଭୋଇ ମେଡ଼ିକାଲ କଲେଜ ହସ୍ପିଟାଲକୁ ଆଣିଥିବାବେଳେ ଘଟଣାସ୍ଥଳରେ ସଦର ଥାନା ପୋଲିସ ପହଞ୍ଚି ଦୁର୍ଘଟଣାର ତଦନ୍ତ ଆରମ୍ଭ କରିଛି।