ମୁମ୍ବାଇ, ୪/୩ : ଅକ୍ଷୟ କୁମାର ଏବଂ ଶିଳ୍ପା ସେଟ୍ଟୀଙ୍କ ଲଭ୍ ଅଫାୟର ବିଷୟରେ କାହାକୁ ଜଣା ନାହିଁ । କିନ୍ତୁ ତାଙ୍କ ଲଭ୍ ଷ୍ଟୋରୀ ଅଧିକ ଚାଲି ପାରିନଥିଲା ଏବଂ ଉଭୟ ଅଲଗା ହୋଇଯାଇଥିଲେ ଓ ଉଭୟ ନିଜ ଜୀବନରେ ଆଗକୁ ବଢିଥିଲେ । ଏବେ ଅକ୍ଷୟ ଏବଂ ଶିଳ୍ପାଙ୍କୁ ଗୋଟିଏ ସାଥିରେ ଦେଖାଯାଇଛି । ଉଭୟ ଷ୍ଟେଜରେ ନିଜ ଡ୍ୟାନ୍ସରେ ନିଆଁ ଲଗାଇଛନ୍ତି ।
ଅକ୍ଷୟ ଏବଂ ଶିଳ୍ପା ନିକଟରେ ଏକ ଆଓ୍ବାର୍ଡ଼ ଫକ୍ଶନରେ ଯୋଗଦେଇଥିଲେ । ଏହି ସମୟରେ ଉଭୟେ ହ୍ବାଇଟ୍ କଲରର ଆଉଟଫିଟରେ ଦେଖାଯାଇଛନ୍ତି । ଶିଳ୍ପା ହ୍ବାଇଟ୍ କଲରର ଶାଢୀରେ ଦେଖାଯାଉଛନ୍ତି । ସେହିଭଳି ଅକ୍ଷୟ ହ୍ବାଇଟ କଲରର ସୁଟରେ ଦେଖାଯାଉଛନ୍ତି । ଉଭୟେ ଷ୍ଟେଜରେ ଗୀତ ଚୁରା କେ ଦିଲ ମେରାରେ ଠୁମକା ଲଗାଇଥିଲେ । ଫିଲ୍ମରେ ଶିଳ୍ପା ଏବଂ ଅକ୍ଷୟ ସାଥିରେ ଏହି ଗୀତରେ ନଜର ଆସିଥିଲେ । ଉଭୟଙ୍କ ଏନର୍ଜୀ ଫ୍ୟାନ୍ସଙ୍କୁ ଦିଓ୍ବାନା କରିଦେଇଛି । ଅକ୍ଷୟ ଶିଳ୍ପାଙ୍କ ହାତ ଧରି ଡ୍ୟାନ୍ସ କରିଥିଲେ ।
ପ୍ରକାଶ ଯେ, ଶିଳ୍ପା ଏବଂ ଅକ୍ଷୟଙ୍କ ସାଥିରେ ବହୁ ଫିଲ୍ମରେ କାମ କରିଥିଲେ । ସେ ଫିଲ୍ମରେ ଖିଲାଡ଼ି ତୁ ଅନାଡ଼ି, ଇଂସାଫ, ଧଡ଼କନ, ଜାନଓ୍ବର ଭଳି ଫିଲ୍ମରେ ଏକାସାଥିରେ ଦେଖାଯାଇଛନ୍ତି । ଶିଳ୍ପା ଏବଂ ଅକ୍ଷୟଙ୍କ ଲଭଲାଇଫର କଥା ଯଦି ଆମେ କହିବା ତେବେ ୯୦ଦଶକରେ ଉଭୟଙ୍କ ଲଭ୍ ଅଫାୟର ଚର୍ଚ୍ଚାରେ ଥିଲା । ୧୯୯୪ରେ ଫିଲ୍ମରେ ଖିଲାଡ଼ୀ ତୁ ଅନାଡ଼ୀ ସମୟରେ ଉଭୟଙ୍କ ଭେଟ ହୋଇଥିଲା । ଏହାପରେ ତାଙ୍କ ଅଫାୟର ଚାଲିଥିଲା । ଉଭୟେ ୩ବର୍ଷ ପର୍ଯ୍ୟନ୍ତ ରିଲେଶନଶିପରେ ଥିଲେ । କିନ୍ତୁ ପରେ ଉଭୟଙ୍କ ରାସ୍ତା ଭିନ୍ନ ହୋଇଥିଲା ।
