ନୂଆଦିଲ୍ଲୀ,୮/୬:  ବିଜେପିର ଖରାପ ପ୍ରଦର୍ଶନ ପାଇଁ ନିଜକୁ ଦାୟୀ କରିଛନ୍ତି ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନାବିସ। ନୈତିକତା ଦୃଷ୍ଟିରୁ  ସେ ଉପମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବାକୁ ଚାହିଛନ୍ତି ଏବଂ ସେ ତାଙ୍କର ଏହି ନିଷ୍ପତ୍ତିରେ ଅଟଳ ରହିଛନ୍ତି। ତେବେ ଫଡ଼ନାବିସଙ୍କର ଏଭଳି ନିଷ୍ପତ୍ତି ପରେ ତାଙ୍କୁ ଅନେକ ନେତା ବୁଝାଇବାକୁ ଚେଷ୍ଟା କରିଥିବା ବେଳେ ଏହାରି ମଧ୍ୟରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଫଡ଼ନାବିସଙ୍କ ସହ କଥା ହୋଇଛନ୍ତି ଏବଂ ତାଙ୍କୁ ସରକାରରେ କାର୍ଯ୍ୟ ଜାରି ରଖିବା ପାଇଁ କହିଛନ୍ତି।

ସୂଚନା ମୁତାବକ, ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଫଡ଼ନାବିସ ହେଉଛନ୍ତି ମହାରାଷ୍ଟ୍ରରେ ଏକନାଥ ସିନ୍ଦେ ଗୋଷ୍ଠୀର ଶିବସେନା । ଏଥିସହ ଅଜିତ ପାୱାର ଗୋଷ୍ଠୀର ଏନସିପି ସରକାରର ଏକ ଅଂଶ। ଅବିଭାଜିତ ଶିବସେନା ଏବଂ ବିଜେପି ୨୦୧୯ରେ ମହାରାଷ୍ଟ୍ରରେ ୪୮ ଆସନରୁ ୪୧ ଆସନରେ ଜିତିଥିଲେ। କିନ୍ତୁ ନୂଆ ମେଣ୍ଟ ମାତ୍ର ୧୭ ଆସନରେ ଜିତିପାରିଛି। ଅନ୍ୟପ‌କ୍ଷେ କଂଗ୍ରେସ, ଶିବସେନା ଏବଂ ଏନସିପି ମହ‌ା ବିକାଶ ଅଘାଡ଼ି ୩୦ ଲୋକସଭା ଆସନ ଜିତିଛନ୍ତି।