ଆନନ୍ଦପୁର, ୧୩/୦୯ : ଛାତ୍ରଙ୍କୁ ଧକ୍କା ଦେଇ ଓଲଟିଲା ବାଲି ବୋଝେଇ ଟିପର। ଆନନ୍ଦପୁର ଉପଖଣ୍ଡ ରାମଚନ୍ଦ୍ରପୁର ଥାନା ଚଣ୍ଡାଳୀ ଛକ ନିକଟରେ ଏହି ଦୁର୍ଘଟଣା ଘଟିଛି। ମଙ୍ଗଳବାର ସନ୍ଧ୍ୟାରେ ଏହି ଦୁର୍ଘଟଣା ଘଟିଥିବା ବେଳେ ଗୁରୁତର ଛାତ୍ରଙ୍କୁ କଟକ ସ୍ଥାନାନ୍ତର କରାଯାଇଛି।

ସୂଚନାନୁଯାୟୀ, ବ୍ରାହ୍ମଣୀଦା ଗାଁର ରାଜେନ୍ଦ୍ର କୁମାର ଦେହୁରୀଙ୍କୁ ଚଣ୍ଡାଳୀ ଛକ ନିକଟରେ ଏକ ବାଲି ବୋଝେଇ ଟିପର ଧକ୍କା ଦେଇ ଓଲଟି ପଡିଛି। ଛାତ୍ରଙ୍କୁ ଗୁରୁତର ଅବସ୍ଥାରେ ପ୍ରଥମେ ସାଇଁକୂଳ ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ପରେ ସ୍ଵାସ୍ଥ୍ୟାବସ୍ଥା ବିଗିଡ଼ିବାରୁ ତାଙ୍କୁ କଟକ ସ୍ଥାନାନ୍ତରିତ କରାଯାଇଛି। ଅନ୍ୟପଟେ ଦୁର୍ଘଟଣାରେ ଓଲଟି ପଡିଥିବା ଟିପରର ମୋବିଲ୍ ଚାମ୍ବର ଫାଟିଯିବାରୁ ଡ୍ରାଇଭର ଗୁରୁତର ଆହତ ହୋଇଛନ୍ତି। ତାଙ୍କୁ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଛି। ଖବରପାଇ ପୋଲିସ ପହଁଞ୍ଚି ଟିପର ଜବତ କରିବା ସହ ଅଧିକ ତଦନ୍ତ ଚଳାଇଛି।