ଫିରିଙ୍ଗିଆ, ୮l ୮:  ରାଜ୍ୟ ଓ କେନ୍ଦ୍ର ସରକାର ଶିକ୍ଷାକୁ ଗୁରୁତ୍ୱ ଦେଇ ବିଭିନ୍ନ ଯୋଜନାରେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରି ସମସ୍ତ ସୁବିଧା ଯୋଗାଇ ଦେଉଛନ୍ତି l କିନ୍ତୁ ବିଭାଗୀୟ ଅଧିକାରୀଙ୍କ ଅବହେଳାରୁ ଆସୁଥିବା ଟଙ୍କା କାର୍ଯ୍ୟରେ ନଲାଗି ଅଧାପନ୍ତରିଆ ଅବସ୍ଥାରେ ପଡିରହିଛି । ଏମିତି ଏକ ଅଧାପନ୍ତରିଆ ଅଙ୍ଗନବାଡି କେନ୍ଦ୍ର ଦେଖିବାକୁ ମିଳିଛି ଫିରିଙ୍ଗିଆ ବ୍ଲକ ଭୃଙ୍ଗୀ ଯୋଡି ପଞ୍ଚାୟତର ମାଦାପଦର ଗାଁରେ l 

ମାଦାପଦର ଗାଁ ଉପାନ୍ତ ଅଞ୍ଚଳ । ଏହାକୁ ଦୃଷ୍ଟିରେ ରଖି ଗାଁରେ ଅଙ୍ଗନବାଡି କେନ୍ଦ୍ର ନିର୍ମାଣ ପାଇଁ ବହୁ ବାର ଲିଖିତ ଅଭିଯୋଗ ପରେ କେନ୍ଦ୍ର ପାଇଁ ଅନୁମୋଦନ ମିଳିଥିଲା l ଅଙ୍ଗନବାଡି କେନ୍ଦ୍ର ନିର୍ମାଣ ପାଇଁ ଗତ ୨୦୧୮ ମସିହାରେ ସରକାରଙ୍କ ତରଫରୁ ଅନୁଦାନ ମିଳିଥିଲା । ତେବେ ଦୀର୍ଘ ୬ ରୁ ୭ ବର୍ଷ ବିତିଯାଇଥିଲେ ମଧ୍ୟ ଅଙ୍ଗନବାଡି ଗୃହ ନିର୍ମାଣ ଆଜି ପର୍ଯ୍ୟନ୍ତ ସମ୍ପୂର୍ଣ୍ଣ ନ ହୋଇ ପଡ଼ି ରହିଛି l  ଅଙ୍ଗନବାଡି କେନ୍ଦ୍ର ଖୋଲିବା ଠାରୁ ଆଜି ପର୍ଯ୍ୟନ୍ତ ଗୋଟିଏ ଛୋଟ ଭଙ୍ଗା ମାଟି ଘରେ କୁନି କୁନି ଶିଶୁଙ୍କ ଭବିଷ୍ୟତ ଗଢ଼ା ଯାଉଛି l ତୁରନ୍ତ ଏହି ଅଙ୍ଗନବାଡି କେନ୍ଦ୍ର ଗୃହ ନିର୍ମାଣ କରିବାକୁ ମାଦା ପଦର ଗ୍ରାମର ଗୁଜା କହଁର, ବ୍ରହ୍ମା ନନ୍ଦ କହଁର, ପରମାନନ୍ଦ କହଁର, ଅଖି କହଁର, ପଦ କହଁର, କନେଶ୍ୱର କହଁର, କବଚ କହଁର, ସୁଷମା କହଁର, ରାଧିକା କହଁର, କୁନ୍ତୀ କହଁର ଓ ଅନ୍ୟ ମାନେ ଦାବୀ କରିଛନ୍ତି l