ଭୁବନେଶ୍ବର,୪/୬ : ବିଜେଡିର ଗଡ଼ କୁହାଯାଉଥିବା ପୁରୀ ଜିଲ୍ଲା ପିପିଲି ନିର୍ବାଚନୀ ମଣ୍ଡଳୀରେ ପରାଜୟର ସାମ୍ନା କରିବାକୁ ପଡ଼ିଛି ବିଜେଡିକୁ । ବିଜେପି ବିଧାୟକ ପ୍ରାର୍ଥୀ ଆଶ୍ରିତ ପଟ୍ଟନାୟକ ୯୮୮୦୩ଭୋଟ୍ ପାଇ ବିଜୟୀ ହୋଇଛନ୍ତି । ନିକଟତମ ପ୍ରତିଦ୍ବନ୍ଦୀ ରୁଦ୍ର ପ୍ରତାପ ମହାରଥୀଙ୍କୁ ୧୪୯୯୮ଖଣ୍ଡ ଭୋଟରେ ପରାସ୍ତ କରିଛନ୍ତି । ରୁଦ୍ର ମୋଟ ୮୩୮୦୫ଖଣ୍ଡ ଭୋଟ ପାଇଛନ୍ତି । ସେହିଭଳି କଂଗ୍ରେସ ପ୍ରାର୍ଥୀ ଜ୍ଞ୍ୟାନରଞ୍ଜନ ପଟ୍ଟନାୟକ ମୋଟ ୩୪୨୫ଖଣ୍ଡ ଭୋଟ୍ ପାଇଛନ୍ତି ।
ପ୍ରକାଶ ଯେ, ଦିବଙ୍ଗତ ବିଜେଡି ନେତା ପ୍ରଦୀପ ମହାରଥୀଙ୍କ ଗଡ଼ ଭାବେ ଏହା ବେଶ ପରିଚିତ ଥିଲା । ସେ ବିଜେଡିର ଟାଣୁଆ ନେତା ଭାବେ ବେଶ ଜଣାଶୁଣା ଥିଲେ । ମାତ୍ର ତାଙ୍କର ଦେହାନ୍ତ ପରେ ବିଜେଡି ତାଙ୍କ ପୁଅ ଉପରେ ଭରସା କରିଥିଲା । ଉପନିର୍ବାଚନରେ ତାଙ୍କ ପୁଅ ରୁଦ୍ର ପ୍ରତାପ ମହାରଥୀ ବିଜୟ ଲାଭ କରିଥିଲେ । ୨୦୨୪ନିର୍ବାଚନରେ ବିଜେଡି ମଧ୍ୟ ତାଙ୍କ ଉପରେ ଭରସା କରିଥିଲା । କିନ୍ତୁ ସେ ତାଙ୍କର ଏହି ପାରମ୍ପରିକ ଆସନ ବଞ୍ଚାଇବାରେ ସଫଳ ହୋଇପାରିନାହାନ୍ତି ।
