ନୂଆଦିଲ୍ଲୀ, ୨୫/୯ :  ଆସନ୍ତା ଦିଓ୍ବାଲୀରେ ଭୁଲ ଭୁଲେୟା ୩ ରିଲିଜ ହେବାକୁ ଯାଉଛି । କାର୍ତ୍ତିକ ଆର୍ୟନ, ବିଦ୍ୟା ବାଲାନ ଏବଂ ତୃପ୍ତି ଡିମାରୀଙ୍କ ଫିଲ୍ମର ନୂଆ ଟିଜର ପୋଷ୍ଟର ରିଲିଜ ହୋଇଯାଇଛି । ଏହି ପୋଷ୍ଟରରେ ଏକ କବାଟ ଦେଖାଯାଉଥିବାବେଳେ ସେଥିରେ ତାଲା ଝୁଲୁଥିବା ନଜର ଆସୁଛି । ଯାହାକୁ ତନ୍ତ୍ର ଏବଂ ମନ୍ତ୍ର ଦ୍ବାରା ବନ୍ଧା ଯାଇଛି । ଏହା ଭୁଲ ଭୁଲେୟା ସିରିଜର ତୃତୀୟ ଫିଲ୍ମ ଅଟେ ଏବଂ ଏହାସହ ଫିଲ୍ମର ପ୍ରମୋଶନ ବି ଆରମ୍ଭ ହେବାର ଘୋଷଣା କରାଯାଇଛି । ଫିଲ୍ମ ଦିଓ୍ବାଲୀ ୨୦୨୪ରେ ରିଲିଜ ହେବାକୁ ଯାଉଛି ଏବଂ ତାକୁ ଅନୀସ ବଜ୍ମୀ ନିର୍ଦେଶନା କରିଛନ୍ତି । କିନ୍ତୁ ଭୁଲ ଭୁଲେୟା ୩ର ପୋଷ୍ଟରରେ ଏକ ଇସାରା ଆହୁରି ମିଳି ଯାଉଛି । ଏହାକୁ ଦେଖି ଜଣାପଡ଼ିଯାଉଛି କି ଥିଏଟରରେ ରିଲିଜ ପରେ ଏହା କୌଣସି ଓଟିଟି ପ୍ଲାଟଫର୍ମରେ ରିଲିଜ ହେବ ।

ଭୁଲ ଭୁଲେୟା ୩ର ପୋଷ୍ଟର ଫିଲ୍ମର ହିରୋ କର୍ତ୍ତିକ ଆର୍ୟନ ନିଜ ଇନଷ୍ଟାଗ୍ରାମ ପେଜରେ ସେୟାର କରିଛନ୍ତି । ସେ ଏହି ପୋଷ୍ଟର ସହ ଲେଖିଛନ୍ତି କି ‘କବାଟ ଖୋଲିବ… ଏହି ଦିଓ୍ବାଲୀ । ଭୁଲ ଭୁଲେୟା ୩’ । ପ୍ରକାଶ ଯେ, କାର୍ତ୍ତିକ ଆର୍ୟନ, ତୃପ୍ତି ଡିମରୀ ଏବଂ ବିଦ୍ୟା ବାଲାନଙ୍କ ଭୁଲ ଭୁଲେୟା ୩ର ମୁକାବିଲା ଦିଓ୍ବାଲୀ ଅବସରରେ ସିଂଘମ ଏଗେନ ସହ ହେବ ।

ଭୁଲ ଭୁଲେୟା ୩ର ପୋଷ୍ଟରରେ ସେହି ଓଟିଟି ପ୍ଲାଟଫର୍ମର ନାଁ ବି ଲୁଚି ରହିଛି ଯେଉଁଥିରେ ଥିଏଟର ରିଲିଜ ପରେ ଷ୍ଟ୍ରିମିଂ ହେବ ।