PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜସ୍ଥାନରେ ବାୟୁସେନାର ବିମାନ କ୍ରାସ୍‌: ଖସିବା ମାତ୍ରେ ଲାଗିଲା ନିଆଁ, ପ୍ରଚଣ୍ଡ ଶବ୍ଦରେ ଥରି ଉଠିଲା ପୁରା ଗାଁ
  • ||
  • ଧାନବାଦ: ହସ୍ପିଟାଲରେ ଭୀଷଣ ଅଗ୍ନିକାଣ୍ଡ ଯୋଗୁଁ ଡାକ୍ତର ଦମ୍ପତ୍ତିଙ୍କ ସହ ୬ ମୃତ, ଅଳ୍ପକେ ଉଦ୍ଧାର ହେଲେ ରୋଗୀ
  • ||
  • ମଧ୍ୟପ୍ରଦେଶରେ ବାୟୁସେନାର ଯୁଦ୍ଧ ବିମାନ ସୁଖୋଇ ଓ ମିରାଜ ୨୦୦୦ ଦୁର୍ଘଟଣାଗ୍ରସ୍ତ
  • ||

ମହିଳା IPL ପାଇଁ ଫ୍ରାଞ୍ଚାଇଜ୍‌ ନିଲାମୀ, ଅହମଦାବାଦକୁ ସର୍ବାଧିକ ୧୨୮୯ କୋଟି ଟଙ୍କାରେ କିଣିଲା ଆଦାନୀ ଗ୍ରୁପ୍

ନୂଆଦିଲ୍ଲୀ ୨୫/ ୦୧: ମହିଳା ଇଣ୍ଡିଆନ୍‌ ପ୍ରିମିୟର ଲିଗ୍‌ ପାଇଁ ଫ୍ରାଞ୍ଚାଇଜ୍‌ ଗୁଡିକର ନିଲାମୀ ପ୍ରକ୍ରିୟା ବୁଧବାର ଶେଷ ହୋଇଛି । ଏ ନେଇ ଭାରତୀୟ କ୍ରିକେଟ୍‌ କଣ୍ଟ୍ରୋଲ ବୋର୍ଡ (ବିସିସିଆଇ) ସଚିବ ଜୟ ଶାହା ଟ୍ବିଟ୍‌ କରି ସୂଚନା ଦେଇଛନ୍ତି । ପ୍ରଥମ ଥର ପାଇଁ ମହିଳା ଆଇପିଏଲ ଖେଳାଯିବ । ଏଥିପାଇଁ ଜୋରଦାର ପ୍ରସ୍ତୁତି ଚାଲିଥିବା ବେଳେ ଆଜି ଫ୍ରାଞ୍ଚାଇଜ୍‌ ଗୁଡିକର ନିଲାମ କରାଯାଇଛି । ମହିଳା ଆଇପିଏଲ (WIPL) ଟିମ୍‌ ଗୁଡିକୁ ମୋଟ ୪୬୬୯ କୋଟି ଟଙ୍କାରେ କିଣିଛନ୍ତି ୫ଟି ଫ୍ରାଞ୍ଚାଇଜ୍‌ ।

ମହିଳା ଆଇପିଏଲରେ ଭାଗ ନେଇଥିବା ୫ ସିଟି ହେଉଛନ୍ତି ଅହମଦାବାଦ, ମୁମ୍ବାଇ, ବେଙ୍ଗାଲୁରୁ, ଦିଲ୍ଲୀ ଏବଂ ଲକ୍ଷ୍ନୌ । ଭାରତର ଅଗ୍ରଣୀ ବ୍ୟବସାୟିକ ସଂସ୍ଥା ଆଦାନୀ ଗ୍ରୁପ୍‌ ସର୍ବାଧିକ ମୂଲ୍ୟରେ ଗୋଟିଏ ଟିମ୍‌ କିଣିଛି । ଆଦାନୀ ସ୍ପୋର୍ଟସ୍‌ଲାଇନ୍‌ ସର୍ବାଧିକ ୧୨୮୯ କୋଟି ଟଙ୍କାରେ ଅହମଦାବାଦ ଟିମ୍‌କୁ କିଣିଛି ।

Image
BCCI

ସେହିଭଳି ଇଣ୍ଡିଆଓ୍ବିନ୍‌ ସ୍ପୋର୍ଟସ୍‌ ପ୍ରାଇଭେଟ୍‌ ଲିମିଟେଡ୍‌ ୯୧୨.୯୯ କୋଟି ଟଙ୍କାରେ ମୁମ୍ବାଇ ଟିମ୍‌କୁ କିଣିଥିବା ବେଳେ, ବେଙ୍ଗାଲୁରୁ ପୁରୁଷ ଟିମ୍‌ ଆରସିବିକୁ କିଣିଥିବା ରୟାଲ ଚ୍ୟାଲେଞ୍ଜର୍ସ ଗ୍ରୁପ୍‌ ୯୦୧ କୋଟି ଟଙ୍କାରେ ମହିଳା ଦଳକୁ କିଣିଛି । ଦିଲ୍ଲୀ ଫ୍ରାଞ୍ଚାଇଜ୍‌ କ୍ଷେତ୍ରରେ ମଧ୍ୟ ସମାନ ସଂସ୍ଥା କିଣିଛି । ଦିଲ୍ଲୀ କ୍ୟାପିଟାଲ୍ସକୁ କିଣିଥିବା JSW ଗ୍ରୁପ୍‌ ୮୧୦ କୋଟି ଟଙ୍କାରେ ଦିଲ୍ଲୀ ମହିଳା ଟିମ୍‌କୁ କିଣିଛି । ଶେଷ ଦଳ ଭାବେ କାପ୍ରି ଗ୍ଲୋବାଲ୍‌ ୭୫୭ କୋଟି ଟଙ୍କାରେ ଲକ୍ଷ୍ନୌ ପ୍ରାଞ୍ଚାଇଜ୍‌ ହାତେଇବାକୁ ସକ୍ଷମ ହୋଇଛି ।