ପ୍ରମୂଖ ଖବର
  • T-20 ବିଶ୍ୱକପ୍ ସୁପର ୮ ରାଉଣ୍ଡ, ୨୧ ରନ୍‌ରେ କଙ୍ଗାରୁ ବାହିନୀ ଚିତ୍ ପଟାଙ୍ଗ, ଆଫଗାନିସ୍ତାନ ପ୍ରଥମ ବିଜୟ
  • ||
  • ଯୌନ ନିର୍ଯାତନା ମାମଲା, ପ୍ରଜ୍ବଳଙ୍କ ଭାଇ ସୂରଜ ରେଭାନ୍ନାକୁ ବାନ୍ଧିଲା ପୋଲିସ
  • ||
  • ମାଲକାନଗିରି ସହରର ଡିଏନ୍‌କେ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଜଣେ ମହିଳା ମୃତ
  • ||
  • ସାଲେପୁର: ବାଇକ୍‌ ସହ ପୋଲରୁ ଖସି ପଡ଼ିଲେ ୨ ଆରେହୀ, ଜଣେ ମୃତ ,ଜଣେ ଗୁରୁତର
  • ||
  • ରବିବାରଠୁ ୨ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ମା’ ତାରିଣୀଙ୍କୁ ଦର୍ଶନ ପରେ ଜନସମାବେଶରେ ହେବେ ସାମିଲ
  • ||
  • ଶ୍ରୀମନ୍ଦିରରେ ପଟିଦିଅଁ ବିଜେ, ଜ୍ୱରରୁ ମୁକ୍ତି ପାଇଁ ମହାପ୍ରଭୁଙ୍କ ଗୁପ୍ତ ଅନବସର ସେବା ଆରମ୍ଭ
  • ||
  • ଆସନ୍ତା ଦୁଇ ଦିନ ବିକ୍ଷିପ୍ତ ସ୍ଥାନରେ ବର୍ଷା ସମ୍ଭାବନା, ୨୫ରୁ ରାଜ୍ୟରେ ପ୍ରବଳ ଛେଚିବ
  • ||

‘ଝିଅ କବିତାଙ୍କୁ ଇଡି ମାମଲାରୁ ରକ୍ଷା କରିବାକୁ ବିଜେପି ନେତାଙ୍କୁ ଗିରଫ କରାଇବାକୁ ଚାହୁଁଥିଲେ କେସିଆର’

Image Courtesy: indiatoday

ନୂଆଦିଲ୍ଲୀ: ତେଲେଙ୍ଗାନାର ଫୋନ୍‌ ଟ୍ୟାପିଂ ମାମଲାରେ ଗିରଫ ଜଣେ ପୂର୍ବତନ ପୋଲିସ ଅଧିକାରୀ ବିସ୍ଫୋରକ ଖୁଲାସା କରିଛନ୍ତି । ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ଏବଂ ବିଆରଏସ୍ ଅଧ୍ୟକ୍ଷ କେ.ଚନ୍ଦ୍ରଶେଖର ରାଓ ନିଜ ଝିଅ କେ.କବିତାଙ୍କୁ ଇଡି ମାମଲାରେ ବଞ୍ଚାଇବା ପାଇଁ ବିଜେପି ସହ ବୁଝାମଣା କରିବାକୁ ଚାହୁଁଥିଲେ । ଫୋନ୍ ଟ୍ୟାପିଂ ମାମଲାରେ ଗିରଫ ହୋଇଥିବା ପୂର୍ବତନ ଡିସିପି ପି.ରାଧା କିଷନ ରାଓ ନିଜ ସ୍ବୀକାରୋକ୍ତିରେ ଏଭଳି ଖୁଲାସା କରିଛନ୍ତି । 

ସେ କହିଛନ୍ତି  ଯେ, ‘ପେଡ୍ଡାୟାନା’ (ଚନ୍ଦ୍ରଶେଖର ରାଓ) ନିଜ ପାର୍ଟିର ବିଧାୟକଙ୍କୁ କଥିତ ଭାବେ କିଣିବାକୁ ପ୍ରୟାସ କରିବା ମାମଲାରେ ବିଜେପି ରାଷ୍ଟ୍ରୀୟ ମହାସଚିବ ବିଏଲ୍ ସନ୍ତୋଷଙ୍କୁ ଗିରଫ କରାଇବାକୁ ଚାହୁଁଥିଲେ । ଏସଆଇଟି ଗଠନ କରାଯାଇଥିଲା ଏବଂ ସେକିଆର ମାମଲାକୁ ମଜଭୁତ କରିବା ପାଇଁ ବରିଷ୍ଠ ବିଜେପି ନେତା ସନ୍ତୋଷଙ୍କ ଗିରଫଦାରୀ ଚାହୁଁଥିଲେ । ଆଉ ଏହା ଦ୍ବାରା ସେ ବିଜେପି ସହ ବୁଝାମଣା କରିଥାନ୍ତେ । ଏହାକୁ କେନ୍ଦ୍ର କରି ତାଙ୍କ ଝିଅ କବିତାଙ୍କୁ ଇଡି ମାମଲାରୁ ମୁକ୍ତ କରିଥାନ୍ତେ ।'

ସେ ଆହୁରି କହିଛନ୍ତି ଯେ, 'କିଛି ପୋଲିସ ଅଧିକାରୀଙ୍କ ଅପାରଗତା କାରଣରୁ ଜଣେ ଗୁରୁତ୍ବପୂର୍ଣ୍ଣ ବ୍ୟକ୍ତି ପୋଲିସ ହାତରୁ ବଞ୍ଚିଗଲେ ଏବଂ ପରେ ମାମଲା ହାଇକୋର୍ଟରେ ପହଞ୍ଚିଥିଲା । ଏହା ପରେ କୋର୍ଟ ଗିରଫ ନକରିବା ପାଇଁ ଆଦେଶ ଜାରି କରିଥିଲେ । ଏସଆଇଟି ହାତରୁ ମାମଲାକୁ ସିବିଆଇକୁ ହସ୍ତାନ୍ତର କରାଯାଇଥିଲା ।' ରାଧା କିଶନ ରାଓଙ୍କ ବୟାନ ଅନୁସାରେ ଯୋଜନା ଅନୁସାରେ କାମ ପୂରା ହୋଇ ନଥିବାରୁ କେସିଆର ଅଧିକ ରାଗି ଯାଇଥିଲେ । 

ଅନ୍ୟପଟେ ମାମଲାରେ ଅଧିକ କିଛି ଖୁଲାସା କରିପାରିବେ ନାହିଁ ବୋଲି ପୂର୍ବତନ ଡିସିପି କହିଛନ୍ତି । କାରଣ ତାଙ୍କ ପାଇଁ ପେଡ୍ଡାୟାନା(କେସିଆର) ଅନେକ ଉପକାର ରହିଛି । ପୂର୍ବତନ ଡିସିପିଙ୍କୁ ଫୋନ୍ ଟ୍ୟାପିଂ ଏବଂ ଅନ୍ୟ କମ୍ପ୍ୟୁଟର ସିଷ୍ଟମରୁ ଅଫିସିଆଲ୍ ଡାଟା ନଷ୍ଟ କରିବା ମାମଲାରେ ଚଳିତ ବର୍ଷ ମାର୍ଚ୍ଚରେ ଗିରଫ କରାଯାଇଥିଲା ।  ସେପଟେ ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ମାର୍ଚ୍ଚରେ କେ. କବିତାଙ୍କୁ ଇଡି ଗିରଫ କରିଥିଲା । 

 

  • telengana
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.