ପ୍ରମୁଖ ଖବର
  • ଇଣ୍ଡିଗୋ ବିମାନରେ ବୋମା ଆତଙ୍କ,ଏମର୍ଜେନ୍ସି ଡୋର ଦେଇ ବାହାରିଲେ ଯାତ୍ରୀ
  • ||
  • ମୁମ୍ବାଇ ବିମାନବନ୍ଦର, ତାଜ ହୋଟେଲ ଉଡ଼ାଇବାକୁ ଧମକ, ଉତ୍ତରପ୍ରଦେଶରୁ ଆସିଥିଲା କଲ୍
  • ||
  • ଉପକୂଳରେ ଜୋରଦାର ପ୍ରଚାର, ମଙ୍ଗଳବାର ବାଲେଶ୍ବରରେ କାର୍ତ୍ତିକ୍ ପାଣ୍ଡିଆନଙ୍କ ଶକ୍ତି ପ୍ରଦର୍ଶନ
  • ||
  • ଆମେରିକାରେ ଘୂର୍ଣ୍ଣିଝଡ଼ ରଚିଲା ତାଣ୍ଡବ, ୨୨ ମୃତ,ଶତାଧିକ ଆହତ, ୧୦ କୋଟି ଲୋକ ପ୍ରଭାବିତ
  • ||
  • ରଥଖଳା ହାଲ୍‌ଚାଲ୍‌...ବୁଧବାର ରଥ ତ୍ରୟର ଚକ-ଅଖ ଡ଼େରା ନୀତି, ଚକକୁ ସୁରକ୍ଷା ଦିଏ ପନ୍ଦାରି ଚାବି
  • ||
  • କଟକ ଚାନ୍ଦବାଲି ରାସ୍ତାରେ OSRTC ବସ୍-ସ୍କୁଟି ମୁହାଁମୁହିଁ ଧକ୍କା, ଆଖିବୁଜିଲେ ଜଣେ ମହିଳା
  • ||
  • ମେ’ ୩୧ ସୁଦ୍ଧା କେରଳ ଛୁଇଁବ ମୌସୁମୀ: ଦେଶରେ ଅଧିକ ବର୍ଷିବ, ଓଡ଼ିଶାରେ ନିଅଣ୍ଟିଆ ବର୍ଷା ଆକଳନ
  • ||

୨୭ରେ ଜଗତସିଂହପୁରରେ ପ୍ରଚାର କରିବେ ସୁପ୍ରିମୋ, ୨୩ରେ ନାଉଗାଁରେ ରୋଡ୍‌ ସୋ’ କରିବେ କାର୍ତ୍ତିକ ପାଣ୍ଡିଆନ୍‌

ଜଗତସିଂହପୁର,୧୪/୦୫: ବିଜେଡି  ପ୍ରାର୍ଥୀଙ୍କ ପାଇଁ ଜଗତସିଂହପୁରକୁ ପ୍ରଚାରରେ ଆସୁଛନ୍ତି ଦଳପତି ନବୀନ ପଟ୍ଟନାୟକ ଓ ୫-ଟି ଅଧ୍ୟକ୍ଷ ଭି. କେ.  ପାଣ୍ଡିଆନ୍‌ । ଜିଲ୍ଲା ବିଜେଡିର ବରିଷ୍ଠ  ଉପସଭାପତି ଦୀପ୍ତି ଦାସଙ୍କ ସୂଚନା  ମୁତାବକ, ଆସନ୍ତା ୨୩ ତାରିଖରେ ୫-ଟି  ଅଧ୍ୟକ୍ଷ ଭି. କେ. ପାଣ୍ଡିଆନ୍‌ଙ୍କ ନାଉଗାଁ  ଗସ୍ତ କାର୍ଯ୍ୟକ୍ରମ ଚୂଡାନ୍ତ ହୋଇଛି । ଉକ୍ତ  ଦିନ ଏକ ବିଶାଳ ରୋଡ୍‌ ସୋ’ ନାଉଗାଁ ବ୍ଲକରେ ଅନୁଷ୍ଠିତ ହେବ । ଏଥିରେ ମୁଖ୍ୟ  ଆକର୍ଷଣ ଭାବେ ଶ୍ରୀ ପାଣ୍ଡିଆନ୍‌ ଯୋଗ  ଦେଇ ଦଳୀୟ କର୍ମୀମାନଙ୍କ ମନୋବଳ  ବଢାଇବେ । ତତ୍‌ସହିତ ଜଗତସିଂହପୁର ବିଧାନସଭା ଆସନର ବିଜେଡି ବିଧାୟକ  ପ୍ରାର୍ଥୀ ପ୍ରଶାନ୍ତ ମୁଦୁଲିଙ୍କ ସପକ୍ଷରେ  ପ୍ରଚାର କରିବେ । ଅନୁରୂପ ଭାବେ  ଆସନ୍ତା ୨୭ରେ ବିଜେଡି ସୁପ୍ରିମୋ ନବୀନ  ପଟ୍ଟନାୟକ ଜଗତସିଂହପୁରରେ ପାଦ  ରଖିବେ । ସେଦିନ ଜଗତସିଂହପୁର  ସଦର ମହକୁମାସ୍ଥିତ ନବକୃଷ୍ଣ ଚୌଧୁରୀ  ଷ୍ଟାଡ଼ିୟମରେ ଆୟୋଜିତ ଏକ ସାଧାରଣ  ସଭାକୁ ମୁଖ୍ୟମନ୍ତ୍ରୀ ସମ୍ବୋଧିତ କରିବା  ସହ ବିଧାୟକ ପ୍ରାର୍ଥୀ ପ୍ରଶାନ୍ତ ମୁଦୁଲିଙ୍କ ସପକ୍ଷରେ ଭୋଟ ଭିକ୍ଷା କରିବେ । 

ବର୍ତ୍ତମାନ ସମୟରେ  ଜଗତସିଂହପୁର ନିର୍ବାଚନମଣ୍ଡଳୀ  ରାଜନୀତି ଘମାଘୋଟ ସ୍ତରରେ ଉପନୀତ  ହୋଇସାରିଛି । ମୁଖ୍ୟତଃ ବିଜେପି ଓ  ବିଜେଡି ଭିତରେ ବଡ଼ ଲଢେଇରେ  ସଙ୍କେତ ମିଳିଯାଇଛି । ସୋସିଆଲ  ମିଡିଆରେ ଉଭୟ ଦଳର ସମର୍ଥକମାନେ  ମୁହାଁମୁହିଁ ସ୍ତରକୁ ଚାଲି ଆସିଛନ୍ତି ।  ଏବେ ବି ନିର୍ବାଚନମଣ୍ଡଳୀରେ ଅସନ୍ତୁଷ୍ଟ  ବିଜେଡି ଗୋଷ୍ଠୀ ନିଜ ଆଣ୍ଟପଣ  ସହ ରହିଛନ୍ତି । ଏମାନଙ୍କ ଭିତରେ  ଅନେକ ବିଜେପି ବିଧାୟକ ପ୍ରାର୍ଥୀ  ଅମରେନ୍ଦ୍ର ଦାସଙ୍କ ପ୍ରତି ସମର୍ଥନ ଜଣାଇ  ସାରିଲେଣି । ଯେହେତୁ ଅମରେନ୍ଦ୍ରଙ୍କ  ରାଜନୈତିକ ଇନିଂସ ବିଜେଡିରୁ  ଆରମ୍ଭ ହୋଇଥିଲା ସେଇ କାରଣରୁ  ଅନେକ ମାତ୍ରାରେ ବିଜେଡି ଓ ଅସନ୍ତୁଷ୍ଟ  ବିଜେଡି କର୍ମୀ ଏବେ ଦୋଛକିରେ ଛିଡ଼ା  ହୋଇଛନ୍ତି । କିନ୍ତୁ ଅଧିକ ଯୁବ-ଛାତ୍ର  ସଂଗଠନ ମନକୁ ଦୃଢ କରି ବର୍ତ୍ତମାନ  ସମୟରେ ବିଜେପି ପଟକୁ ଢଳି  ପଡ଼ିଥିବା ଲକ୍ଷ୍ୟ କରାଯାଇଛି । ସମ୍ଭବତଃ  ଏସବୁ ରାଜନୈତିକ ଗଣିତ ବିଜେଡିକୁ  ଘାଇଲା କରିବା ପୂର୍ବରୁ ଆସନ୍ତା ୨୩ରେ  ଭି. କେ ପାଣ୍ଡିଆନ୍‌ ବିଧାୟକ ପ୍ରାର୍ଥୀ  ଶ୍ରୀ ମୁଦୁଲିଙ୍କ ସପକ୍ଷରେ ପ୍ରଚାର ମଙ୍ଗ  ସମ୍ଭାଳିବାକୁ ନାଉଗାଁରେ ରୋଡ୍‌ ସୋ’  କରିବାକୁ ଯାଉଥିବା ଚର୍ଚ୍ଚାର ପରିଧିକୁ  ଆସିଛି । ଏପଟେ କାର୍ଯ୍ୟକ୍ରମ ଚୂଡାନ୍ତ ହୋଇନଥିଲେ ସୁଦ୍ଧା ଜଗତସିଂହପୁରକୁ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ରମନ୍ତ୍ରୀ  ଅମିତ ଶାହା, ରାଜନାଥ ସିଂଙ୍କ ଭଳି  ହେଭିୱେଟ୍‌ଙ୍କ ଗସ୍ତ ଥିବା ବିଜେପି  ଶିବିରରୁ କୁହାଯାଇଛି । ଅର୍ଥାତ ଜିଲ୍ଲାର  ଅନ୍ୟ ୩ ନିର୍ବାଚନମଣ୍ଡଳୀ ଅପେକ୍ଷା  ଜଗତସିଂହପୁରରେ ୨୦୨୪ ସାଧାରଣ  ନିର୍ବାଚନ ନିଶ୍ଚିତପକ୍ଷେ ଦମ୍‌ଦାର  ରହିବ ବୋଲି ଅନୁମାନ କରାଯାଉଛି ।

  • PrameyaOdia
  • prameya
  • naveen patnaik
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.