ଛତ୍ରପୁର ୦୩/୧୧: ଛତ୍ରପୁର ନିକଟ ତାମ୍ପରା ହ୍ରଦରେ ଘଟିଛି ଅଘଟଣ  l ଡ଼ଙ୍ଗା ବୁଡି  ୩୨ ବର୍ଷିୟ ପୁଷ୍ପା ବେହେରାଙ୍କ ମୃତ୍ୟ ଘଟିଛି l  ଏହି ଘଟଣାରେ ବନିତା ବେହେରା ନାମକ ଜଣେ ମହିଳାଙ୍କୁ ଉଦ୍ଧାର କରାଯାଇଛି  l ସେ ସୁସ୍ଥ ଥିବା ଜଣାପଡିଛି l ଅଗ୍ନିଶମ ବିଭାଗ କର୍ମଚାରୀ ମାନେ ପହଞ୍ଚି ଦୁଇଜଣଙ୍କୁ ଛତ୍ରପୁର ଡାକ୍ତରଖାନାକୁ ନେଇଛନ୍ତି  l ମିଳିଥିବା ସୂଚନା ମୁତାବକ, ଛତ୍ରପୁର ବ୍ଲକ ପୋଡ଼ପଦର ପଞ୍ଚାୟତ ହୂମ୍ବର ଗ୍ରାମର ବନିତା ବେହେରା ଓ  ପୁଷ୍ପା ବେହେରା ନିଜେ ଡ଼ଙ୍ଗା ଚଳାଇ ତାମ୍ପରା ଆରପଟ ହୁମୁରି ବଣକୁ କାଠ ଆଣିବାକୁ ସକାଳେ ଯାଇଥିଲେ l ସେଠାରୁ କାଠ ଧରି ଡଙ୍ଗାରେ ଆଣିବା ବେଳେ ଡ଼ଙ୍ଗା ଓଲଟି ପଡିଥିଲା । ମଧ୍ୟାହ୍ନ ୧୨ଟା ବେଳେ ଏହି ଘଟଣା ଘଟିଲା l ତେବେ  ବନିତା ପାଣିରେ ପହଁରି ପହଁରି ବୋଟ କ୍ଳବ ନିକଟକୁ ଆସି ଡାକିବାରୁ ତାଙ୍କୁ  ଉଦ୍ଧାର କରିଥିଲେ ବୋଟ କର୍ମଚାରୀ ମାନେ l  ବନିତା ସମସ୍ତ ଘଟଣା କହିବା ପରେ  ଅଗ୍ନିଶମ ବିଭାଗକୁ ଖବର ଦିଆଯାଇଥିଲା  l ଅଗ୍ନିଶମ ବିଭାଗ କର୍ମଚାରୀ ଓ ବୋଟ କ୍ଳବ କର୍ମଚାରୀ ପୁଷ୍ପାକୁ ପାଣିରୁ ଉଦ୍ଧାର କରିଥିଲେ ।