ବାଲିଗୁଡ଼ା,୧୭/୦୯: ବାଗାଡ଼ି ଗାଁକୁ ଯିବାକୁ  ରାସ୍ତା ନାହିଁ କି ପୋଲ ନାହିଁ । ନଦୀ ପାରି ହୋଇ ଯାତାୟାତ କରୁଛନ୍ତି ଗ୍ରାମବାସୀ । ଶନିବାର ଏହି  ନଦୀରେ ଏକ ଅଭାବନୀୟ  ଘଟଣା ଦେଖିବାକୁ ମିଳିଛି । ଶବ ନେଇ ଗ୍ରାମବାସୀ ଗାଁକୁ ଆସୁଥିଲେ । ତାର ସାହାଯ୍ୟରେ ନଦୀ ପାରି ହେଉଥିଲେ । ତାର ଛିଣ୍ଡି  ଯିବାରୁ ଶବ ଭାସିଯାଇଛି । ବହୁ ଖୋଜା ଖୋଜି ପରେ ଉଦ୍ଧାର କରି ଗ୍ରାମକୁ ନିଆଯାଇ ଅନ୍ତିମ ସତ୍କାର କରାଯାଇଛି ।

କ.ନୂଆଗାଁ ବ୍ଲକ୍‌ ଗୁଞ୍ଜିବାଡ଼ି ପଞ୍ଚାୟତ କାଲିପେନୁ  ନାଳ ଆରପଟେ ରହିଛି। ବାଗାଡି, ବ୍ରଡାଲି,  ଡ୍ରାକଲି ଭଳି ଛୋଟ ଛୋଟ ଗାଁରେ ରୁହନ୍ତି ୯୦ରୁ  ଅଧିକ ପରିବାର । ଗତକାଲି ବଗାଡି ଗ୍ରାମର  ବୃଦ୍ଧା ପଦ୍ମନାଭ ପ୍ରଧାନ ଅସୁସ୍ଥ ହୋଇପଡ଼ିଥିଲେ ।  ଗୁରୁତର ଅବସ୍ଥାରେ ଗାଁଠାରୁ ୧୨ କିଲୋମିଟର ଦୂର  କ.ନୂଆଗାଁ ଡାକ୍ତରଖାନା ନେଇଥିଲେ । ଚିକିତ୍ସାଧୀନ  ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ଶନିବାର ସକାଳୁ ଶବ ଧରି ଗାଁକୁ ଫେରୁଥିଲେ ପରିବାର ଲୋକ ।  ଗାଁ ପୂର୍ବରୁ ରହିଥିବା କାଲିପେନୁ ନାଳରେ ଅଧ  ମଣିଷ ପାଣି ରହିଛି । ତାର ସାହାଯ୍ୟରେ ଶବକୁ ଏପଟୁ ସେପଟକୁ ପାରି କରାଯାଉଥିଲା । ମାତ୍ର  ତାରଟି ଛିଣ୍ଡି ଯିବାରୁ ଶବ ଭାସି ଯାଇଥିଲା । ବହୁ  ଖୋଜାଖୋଜି କରିବା ପରେ ନଦୀରୁ ଉଦ୍ଧାର କରି  ନାଳ ଆରପାଟକୁ ନେଇଥିଲେ।