ନିମାପଡ଼ା, ୨୯/୪ : ପୁରୀ ଅବକାରୀ ଅଧିକ୍ଷକ ଜଗଦୀଶ ଚନ୍ଦ୍ର ସାମଲଙ୍କ ନିର୍ଦ୍ଦେଶକ୍ରମେ ନିମାପଡ଼ା ଅବକାରୀ ଥାନା ଭାରପ୍ରାପ୍ତ ଅଧିକାରୀ ନାରାୟଣ ବେହେରାଙ୍କ ନେତୃତ୍ୱରେ ଏକ ଟିମ ନିମାପଡ଼ା ଥାନା ଅଧୀନ ଓମଫେଡ ଛକ ସବ- ରେଜିଷ୍ଟାର ଅଫିସ ନିକଟରେ ଚଢ଼ଉ କରିଛି । ଏହି ଚଢଉରେ ରମେଶଚନ୍ଦ୍ର ରାଉତ(୬୦) ନାମକ ଜଣେ ବ୍ୟକ୍ତିଙ୍କୁ ଗିରଫ କରିଛି ।  

ତାଙ୍କ ନିକଟରୁ ୧୦୯ଗ୍ରାମ ବ୍ରାଉନ ସୁଗର (ହେରୋଇନ )ଜବତ କରି ନିମାପଡ଼ା ଅବକାରୀ ଥାନା କେସ ନଂ ୧୨/୨୪ ରେ କୋର୍ଟ ଚାଲାଣ କରିଛି ।  ଜାମିନ ନାମଞ୍ଜୁର ହେବାରୁ ନିମାପଡ଼ା ଉପ-କlରାଗIରକୁ ପଠାଯାଇଛି । ଜବତ ବ୍ରାଉନ ସୁଗରର ମୂଲ୍ୟ ପ୍ରାୟ ୧୦,୯୦,୦୦୦ ଟଙ୍କାରୁ ଊର୍ଦ୍ଧ୍ବ ହେବ । ଏହି ଚଢଉରେ ଅବକାରୀ ଏଏସଆଇ ଜିତେନ୍ଦ୍ର କୁମାର ବେହେରାଙ୍କ ସମେତ ତପନ ପ୍ରଧାନ, ଶେଖ୍ ୱାରିସ୍, ସ୍ୱାଗତିକା ଘଡ଼େଇ, ଶରତଚନ୍ଦ୍ର ସାହୁ ପ୍ରମୁଖ ସାମିଲ ଥିଲେ ।