ନୂଆଦିଲ୍ଲୀ: କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କ ବିମାନ ଦୁଇ ଦିନ ପର୍ଯ୍ୟନ୍ତ ଅଟକି ରହିବା ପରେ ଆଜି (ମଙ୍ଗଳବାର) ଦିଲ୍ଲୀ ଛାଡିଥିଲା । ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ସକାଳେ ସୂଚନା ଦେଇଛି ଯେ ବିମାନକୁ ଉଡ଼ାଣ ପାଇଁ ଅନୁମତି ଦିଆଯାଇଛି ।
ବିବୃତ୍ତିରେ କୁହାଯାଇଛି ଯେ, ଉଡ଼ାଣରେ ବୈଷୟିକ ତ୍ରୁଟି ସୁଧାର କରାଯାଇଛି । ରବିବାର (ସେପ୍ଟେମ୍ବର ୧୦) ରେ ଶେଷ ହୋଇଥିବା ଜି -20 ଶିଖର ସମ୍ମିଳନୀ ପରେ ଟ୍ରୁଡୋ ଏବଂ ତାଙ୍କ ପ୍ରତିନିଧୀ ଦିଲ୍ଲୀରୁ ବିଦାୟ ନେବାକୁ ଯାଉଥିଲେ, କିନ୍ତୁ ବିମାନରେ ଯାନ୍ତ୍ରିକ ତ୍ରୁଟି ହେତୁ ଏଠାରେ ଅଟକି ଯାଇଥିଲେ ।
ଟ୍ରୁଡୋ ଭାରତ ଅଧ୍ୟକ୍ଷତାରେ ଅନୁଷ୍ଠିତ ଜି -20 ଶିଖର ସମ୍ମିଳନୀରେ ଭାଗ ନେବାକୁ ଶୁକ୍ରବାର (ସେପ୍ଟେମ୍ବର ୮) ଦିଲ୍ଲୀ ଆସିଥିଲେ । ଏହି ସମୟ ମଧ୍ୟରେ ଜି -20 ଶିଖର ସମ୍ମିଳନୀରେ ଅଂଶଗ୍ରହଣ କରିବା ସହିତ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ କାନାଡା ଏବଂ ଭାରତ ମଧ୍ୟରେ ସମ୍ପର୍କ ବିଷୟରେ ମଧ୍ୟ ଆଲୋଚନା କରିଥିଲେ ।
କେନ୍ଦ୍ର ମନ୍ତ୍ରୀ ରାଜୀବ ଚନ୍ଦ୍ରଶେଖର ସୋସିଆଲ ମିଡିଆ ଏକ୍ସରେ ଲେଖିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ମୋର ସହକର୍ମୀଙ୍କ ତରଫରୁ ମୁଁ କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କୁ ଧନ୍ୟବାଦ ପାଇଁ ବିମାନବନ୍ଦରରେ ପହଞ୍ଚିଥିଲି । ଜି -20 ରେ ତାଙ୍କ ଉପସ୍ଥିତି ଏବଂ ଘରକୁ ସୁରକ୍ଷିତ ଯାତ୍ରା ପାଇଁ ଟ୍ରୁଡୋଙ୍କୁ ଶୁଭେଚ୍ଛା ।
On behalf of PM @narendramodi Ji and my colleagues in govt, I was at the airport today to thank Mr. Justin Trudeau, Hon’ble Prime Minister of Canada @JustinTrudeau for his presence at the #G20Summit and wished him and his entourage a safe trip back home. 🇮🇳 🇨🇦 pic.twitter.com/8gEg694YCs
— Rajeev Chandrasekhar 🇮🇳 (@Rajeev_GoI) September 12, 2023
