PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର : ଇଡକୋ ସହକାରୀ ନିର୍ଦ୍ଦେଶକଙ୍କ ଘରେ ଭିଜିଲାନ୍ସ ରେଡ୍, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଟିଟିଲାଗଡ଼ : ସମ୍ଵଲପୁରୀ ଗୀତର ତାଳେତାଳେ ଝୁମିଲେ ଟିଟିଲାଗଡ଼ ଉପ-ଜିଲ୍ଲାପାଳ, ପାଦରେ ପାଦ ମିଶାଇ ନାଚିଲେ ରଙ୍ଗବତୀ
  • ||
  • କଣ୍ଟାବାଞ୍ଜି : ମୋଟର ସାଇକେଲ୍ ଓ ବଳଦ ମୁହାଁମୁହିଁ ଧକ୍କା, ଯୁବକ ମୃତ
  • ||
  • କଟକ : ଆଠଗଡ଼କୁ ସ୍ଥାନାନ୍ତର ହେଲା ଜଗତପୁରରେ ଟ୍ରାଙ୍କୁଲାଇଜ୍ କରାଯାଇଥିବା ହାତୀ
  • ||
  • ପୁରୀ : ହୋଟେଲରୁ ମହିଳାଙ୍କ ମୃତଦେହ ଉଦ୍ଧାର
  • ||

ଚୀନର ଗୁମର ଖୋଲିବ ଏହି ପ୍ରମୁଖ ଦାବି : ଉହାନ୍‌ ଲ୍ୟାବ୍‌ରୁ ହିଁ ପ୍ରସ୍ତୁତ ହୋଇଛି ଭାଇରସ୍‌ , ସ୍ୱତନ୍ତ୍ର ଫିଙ୍ଗର ପ୍ରିଣ୍ଟ ବି ମିଳିଲା

www.livehindustan.com

ନୂଆଦିଲ୍ଲୀ : କରୋନା ଭାଇରସ୍‌ର ଉତ୍ପତ୍ତିକୁ ନେଇ ସନ୍ଦେହ ଘେରକୁ ଆସିଥିବା ଚୀନ୍‌ର ସତ ଖୁବ୍‌ ଶୀଘ୍ର ସାମନାକୁ ଆସିବାକୁ ଯାଉଛି । କରୋନାର ଉତ୍ପତ୍ତିର ନୂଆ ତାଜା ଯାଞ୍ଚକୁ ନେଇ ଆମେରିକା-ବ୍ରିଟେନ୍‌ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ଉପରେ ଚାପ ପକାଉଛନ୍ତି । ଏହି ଭିତରେ ଏକ ଏମିତି ସମ୍ୱେଦନଶୀଳ ଦାବି କରାଯାଉଛି , ଯାହା ଚୀନ୍‌ର ଗୁମରର ପର୍ଦାଫାସ୍‌ କରିବାକୁ ଯାଉଛି । ଏକ ନୂଆ ଅଧ୍ୟୟନରେ ଦାବି କରାଯାଉଛି କି କରୋନା ପ୍ରାକୃତିକ ରୂପେ ସୃଷ୍ଟି ହୋଇନାହିଁ , ଏହାକୁ ଉହାନ ଲ୍ୟାବ୍‌ରୁ ହିଁ ବୈଜ୍ଞାନିକଙ୍କ ଦ୍ୱାରା ପ୍ରସ୍ତୁତ କରାଯାଇଛି ।

ଡେଲି ମେଲ୍‌ର ଖବର ମୁତାବକ, ଏକ ନୂଆ ଷ୍ଟଡିରେ ଏହି ଦାବି କରାଯାଇଛି କି, ଚୀନ୍‌ ବୈଜ୍ଞାନିକମାନେ ଉହାନ ଲ୍ୟାବ୍‌ରେ ହିଁ କୋଭିଡ୍‌-୧୯କୁ ପ୍ରସ୍ତୁତ କରିଛନ୍ତି ଏବଂ ପୁଣି ଏହାପରେ ଏହି ଭାଇରସ୍‌କୁ ରିଭର୍ସ-ଇଂଜିନିୟରିଂ ଭର୍ସନରେ ଏହାକୁ କଭର କରିବାକୁ ଚେଷ୍ଟା କରିଛନ୍ତି , ଏଥିରୁ ଏହା ଲାଗୁଛି କି କରୋନା ଭାଇରସ୍‌ ବାଦୁଡ଼ି ଠାରୁ ପ୍ରାକୃତିକ ରୂପେ ବିକଶିତ ହୋଇଛି ।

କିଏ ଏହି ଦାବି କରୁଛନ୍ତି ଜାଣନ୍ତୁ …

ବ୍ରିଟିଶ୍ ପ୍ରଫେସର ଏଙ୍ଗସ୍‌ ଡଲଗଲିସ୍‌ ଓ ନରୱେର ବୈଜ୍ଞାନିକ ଡା ବିର୍ଗର ସୋରେନସେନ ଏକାଠି ମିଶି ଏହି ଅଧ୍ୟୟନ କରିଛନ୍ତି ।  ଉଭୟ ଏହି ଷ୍ଟଡିରେ କହିଛନ୍ତି କି ତାଙ୍କ ପାଖରେ ଏକ ବର୍ଷରୁ ଅଧିକ ସମୟ ହେବ ଚୀନରେ କରୋନା ଭାଇରସ୍‌ ଉପରେ ରେଟ୍ରୋ-ଇଂଜିନିୟରିଂର ପ୍ରମାଣ ଅଛି। ହେଲେ ତାଙ୍କର ଏହି ଷ୍ଟଡିକୁ ଅନେକ ଏକାଡେମିକ ଓ ପ୍ରମୁଖ ଜର୍ନଲ ଅଣଦେଖା କରିଦେଇଛନ୍ତି । ସୂଚନା ଯେ, ପ୍ରଫେସର ଡଲ୍‌ଗଲିସ୍‌ ଲଣ୍ଡନରେ ସେଣ୍ଟ ଜର୍ଜ ୟୁନିଭର୍ସିଟିରେ କ୍ୟାନସର ବାଜ୍ଞାନର ପ୍ରଫେସର ଅଛନ୍ତି ଏବଂ ତାଙ୍କୁ ଏଚ୍‌ଆଇଭି ଭାକ୍‌ସିନ୍‌ ତିଆରି କରିବାରେ ସମସ୍ତେ ଜାଣନ୍ତି । ନରୱେର  ବୈଜ୍ଞାନିକ  ଡା. ସୋରେନସେନନ ଜଣେ ମହାମାରୀ ବିଶେଷଜ୍ଞ ଏବଂ ଇମ୍ୟୁନର କମ୍ପାନୀର ଅଧ୍ୟକ୍ଷ, ଯିଏ କରୋନା ଭାକ୍‌ସିନ୍‌ ପ୍ରସ୍ତୁତ କରୁଛନ୍ତି ,ଏହାର ନାମ ବାୟୋଭେକ୍‌-୧୯ । ଉକ୍ତ କମ୍ପାନୀରେ ତାଙ୍କର ସେୟାର ବି ରହିଛି ।  

ଏହି ଷ୍ଟଡିରେ ଚୀନ୍‌ ଉପରେ ସମ୍ୱେଦନଶୀଳ  ଓ ଆଶ୍ଚର୍ଯ୍ୟ କରିବା ଭଳି ଅଭିଯୋଗ ହୋଇଛି । ଦାବି କରାଯାଇଛି କି ଚୀନ୍‌ର ଉହାନ ଲ୍ୟାବ୍‌ରେ ଜାଣିଶୁଣି ପ୍ରୟୋଗ ସହ ଜଡ଼ିତ ଡାଟାକୁ ନଷ୍ଟ କରାଯାଇଛି , ଲୁଚା ଯାଇଛି । ଆଉ ମଧ୍ୟ କୁହାଯାଇଛି , ଯେଉଁ ବୈଜ୍ଞାନିକମାନେ ଏହାକୁ ନେଇ ନିଜର ସ୍ୱର ଉଠାଇଛନ୍ତି , ତାଙ୍କୁ କମ୍ୟୁନିଷ୍ଟ ଦେଶ ଚୀନ୍‌ ଚୁପ୍‌ କରାଇ ଦେଇଛି ବା କେଉଁଠି ଲୁଚାଇ ଦେଇଛି । କୁହାଯାଉଛି ଆସନ୍ତା ଦିନରେ ଏହି ଅଧ୍ୟୟନକୁ ନିଶ୍ଚୟ ପ୍ରକାଶିତ କରାଯିବ ।