ଭୁବନେଶ୍ୱର,୧୩/୦୫: ମେ ୧୫ରୁ  ଆରମ୍ଭ ହେବ ଏକକ ବିଶ୍ୱବିଦ୍ୟାଳୟ ପ୍ରବେଶିକା ପରୀକ୍ଷା (ସିୟୁଇଟି) ୟୁଜି ।  ରବିବାରଠୁ ୱେବ୍‌ସାଇଟ୍‌ରେ ଉପଲବ୍ଧ  ହୋଇଛି ଆଡମିଟ୍‌ କାର୍ଡ । ଏନେଇ ନ୍ୟାସନାଲ୍‌ ଟେଷ୍ଟିଂ  ଏଜେନ୍ସି (ଏନ୍‌ଟିଏ) ପକ୍ଷରୁ  ସୂଚନା ମିଳିଛି । ଗତ ୬ ତାରିଖରେ ଏନ୍‌ଟିଏ ପକ୍ଷରୁ ସମ୍ପୂର୍ଣ୍ଣ  ପରୀକ୍ଷାସୂଚୀ ଜାରି କରାଯାଇଥିଲା ।  

ସୂଚନାଯୋଗ୍ୟ, ମେ ୧୫ରୁ ୨୪  ତାରିଖ ପର୍ଯ୍ୟନ୍ତ ସିୟୁଇଟି ୟୁଜି ପରୀକ୍ଷା  ହେବ । ତେବେ ୧୫, ୧୬, ୧୭ ଏବଂ  ୧୮ ତାରିଖରେ ପାଇଁ ପରୀକ୍ଷା କେନ୍ଦ୍ର ଜାରି  କରାଯାଇଛି । ଏହି ପରୀକ୍ଷା କେନ୍ଦ୍ରରେ  ପେନ୍‌ ଆଣ୍ଡ ପେପର ମୋଡ୍‌ରେ ପରୀକ୍ଷା  କରାଯିବ । ୨୧, ୨୨ ଏବଂ ୨୪ ତାରିଖରେ  କମ୍ପ୍ୟୁଟର ବେସଡ୍‌ ଟେଷ୍ଟ (ସିବିଟି) ହେବ ।  ୬୩ଟି ପେପର ପାଇଁ ପରୀକ୍ଷା  ହେବ । ଆକାଉଣ୍ଟାନ୍ସି, ଅର୍ଥନୀତି,  ଫିଜିକ୍ସ, କମ୍ପ୍ୟୁଟର ସାଇନ୍ସ,  ଇନଫର୍ମେସନ ପ୍ରାକ୍ଟିସେସ୍‌,  କେମେଷ୍ଟ୍ରି, ଗଣିତ ଏବଂ ଜେନେରାଲ  ଟେଷ୍ଟର ସମୟସୀମା ୬୦ ମିନିଟ୍‌ ରହିବ ।  ଅନ୍ୟ ବାକି ସମସ୍ତ ବିଷୟର ପରୀକ୍ଷା ୪୫  ମିନିଟ୍‌ ହେବ । ଏନ୍‌ଟିଏ ୱେବ୍‌ସାଇଟ୍‌ www.nta.ac.in ରେ ଆଡମିଟ୍‌  କାର୍ଡ ଡାଉନ୍‌ଲୋଡ୍‌ର ସୁଯୋଗ ମିଳୁଛି ।