ଭୁବନେଶ୍ଵର, ୦୮/୧୧ : ବଢୁଥିବା ରକ୍ତଚାପ ଓ କୋଲେଷ୍ଟ୍ରରଲ୍କୁ ନିୟନ୍ତ୍ରିତ କରିବା ପାଇଁ ରୋଷେଇ ଘରେ ଅନେକ ଜିନିଷ ରହିଛି, ଯାହା ଖୁବ୍ ପ୍ରଭାବଶାଳୀ ମଧ୍ୟ । ଏମାନଙ୍କ ଭିତରୁ ଅନ୍ୟତମ ହେଉଛି ରସୁଣ ଓ ଖଜରା । ଏହାକୁ ଖାଇବାର ମଧ୍ୟ ଉଚିତ ଶୈଳୀ ଜାଣିବା ଆବଶ୍ୟକ । ଆଜିକାଲି ଉଚ୍ଚ ରକ୍ତଚାପ ପ୍ରାୟ ଲୋକଙ୍କର ପ୍ରମୁଖ ସମସ୍ୟା ହୋଇପଡିଲାଣି । ଦୀର୍ଘଦିନ ଯାଏ ରକ୍ତଚାପ ବଢି ରହିବା ଦ୍ୱାରା ଏହାର କୁପ୍ରଭାବ ହୃଦୟ ଉପରେ ଦେଖିବାକୁ ମିଳିଥାଏ । ରକ୍ତରେ ଖରାପ କୋଲେଷ୍ଟ୍ରରଲ୍ର ମାତ୍ରା ବଢିଚାଲେ । ତା’ ସହିତ ହୃଦ୍ଘାତର ଆଶଙ୍କା ମଧ୍ୟ । ଏଭଳି ସମସ୍ୟାରୁ ମୁକ୍ତି ପାଇବା ପାଇଁ ଉଚ୍ଚ ରକ୍ତଚାପ ଓ କୋଲେଷ୍ଟ୍ରରଲ୍କୁ ନିୟନ୍ତ୍ରଣରେ ରଖିବା ଜରୁରି । ଯଦି ହାଇପର୍-ଟେନସନ୍ କିମ୍ବା ଖରାପ କୋଲେଷ୍ଟ୍ରରଲ୍ ବଢୁଥାଏ । ତେବେ ଖାଦ୍ୟପାନୀୟରେ ନିୟନ୍ତ୍ରଣ ଆଣିବା ସହ ଡାକ୍ତର ପରାମର୍ଶ ମଧ୍ୟ ଜରୁରି । ଉଭୟ ରୋଗର ପ୍ରାରମ୍ଭିକ ପର୍ଯ୍ୟାୟରେ ଲୋକମାନେ ଅବହେଳା କରିଥାନ୍ତି । କିନ୍ତୁ ପ୍ରାଥମିକ ସ୍ତରରେ ଏହାର ଚିହ୍ନଟ ଓ ଚିକିତ୍ସା ଖୁବ୍ ଜରୁରି । ରୋଗର ଚିହ୍ନଟ ହେବା ପରେ କେତେକ ଘରୋଇ ଉପଚାର ବିଧି ଅନୁସାରେ ମଧ୍ୟ ରକ୍ତଚାପ ଓ କୋଲେଷ୍ଟ୍ରରଲ୍କୁ ନିୟନ୍ତ୍ରିତ କରାଯାଇପାରିବ ।
ଆୟୁର୍ବେଦ ବିଶେଷଜ୍ଞଙ୍କ ଅନୁସାରେ ରସୁଣ ଓ ଖଜରା ରକ୍ତଚାପ ଓ କୋଲେଷ୍ଟ୍ରରଲ୍କୁ ନିୟନ୍ତ୍ରିତ କରିପାରେ । ଖଜରାରେ ସୋଡିୟମ୍ର କମ୍ ଓ ପୋଟାସିୟମ୍ର ମାତ୍ରା ଅଧିକ ରହିଥାଏ । ଏହାକୁ ଡାଏଟ୍ରେ ସାମିଲ୍ କରିବା ଦ୍ୱାରା ରକ୍ତଚାପକୁ ନିୟନ୍ତ୍ରିତ କରାଯାଇପାରିବ । ପୋଟାସିୟମ୍ ଶରୀରରୁ ଅତିରିକ୍ତ ସୋଡିୟମ୍କୁ ହଟାଇବା ସହ ରକ୍ତଚାପକୁ ନିୟନ୍ତ୍ରିତ କରିବାରେ ସାହାଯ୍ୟ କରିଥାଏ । ସୋଡିୟମ୍ର ମାତ୍ରା କମ୍ ହେବା ଦ୍ୱାରା ହାଇପର୍-ଟେନସନ୍ର ଆଶଙ୍କା କମ୍ ରହିଥାଏ । ଏଥିରେ ଭରପୂର ମାତ୍ରାରେ ଫାଇବର ରହିଥାଏ, ଯାହା କୋଲେଷ୍ଟ୍ରରଲ୍ ସହ ମିଶି ରକ୍ତର ଅବଶୋଷଣ କ୍ଷମତାକୁ କମ୍ କରିଥାଏ । ଫଳରେ ହୃଦ୍ରୋଗର ଆଶଙ୍କା କମ୍ ରହିଥାଏ ।
ଖଜରାରେ ଥିବା ଆଣ୍ଟି-ଅକ୍ସିଡାଣ୍ଟ ଓ ଟ୍ରାଇଗ୍ଲିସେରାଇଜଡ୍କୁ କମ୍ କରିବାରେ ସହଯୋଗ କରିଥାଏ । ରସୁଣରେ ରକ୍ତଚାପକୁ କମ୍ କରିବାର ଗୁଣ ରହିଥାଏ । ସେହିପରି ଶରୀରରେ ଥିବା ବାତ-କଫକୁ କମ୍ କରିବା ସହ ଅଦରକାରୀ ପଦାର୍ଥକୁ ନିଷ୍କାସିତ କରିଥାଏ । ରସୁଣ ଖାଇବା ଦ୍ୱାରା ଗଣ୍ଠି ଯନ୍ତ୍ରଣା କମ୍ ହେବା ସହ ପାଚନ ତନ୍ତ୍ରରେ ସୁଧାର ଆସିଥାଏ । ସେହିପରି ରୋଗ ପ୍ରତିରୋଧକ ଶକ୍ତି ମଜଭୁତ ହେବା ସହ ଶର୍କରା ସ୍ତର ନିୟନ୍ତ୍ରିତ ରହିଥାଏ । ବିଶେଷଜ୍ଞଙ୍କ ମତରେ ଯଦି ରକ୍ତଚାପ ସହ କୋଲେଷ୍ଟ୍ରରଲ୍ ବଢି ରହିଥାଏ, ତେବେ ଏକ କୋଲ ରସୁଣ ସହ ଗୋଟିଏ ଖଜରା ମିଶାଇ ଖାଇବା ଉଚିତ୍ । ଏହାକୁ ସକାଳେ ଖାଲି ପେଟରେ କିମ୍ବା ଖାଇବାର ଅଧା ଘଣ୍ଟା ପୂର୍ବରୁ ଖାଇବା ଉଚିତ୍ । ଡାକ୍ତରଙ୍କ ପରାମର୍ଶ କ୍ରମେ ଔଷଧ ଖାଇବା ସହ ଜୀବନଶୈଳୀରେ ପରିବର୍ତ୍ତନ ଆଣିବା ଜରୁରି ।
