ପ୍ରମୂଖ ଖବର
  • କାଲିମେଳା: ଲଗାଣ ବର୍ଷାରେ ବେହାଲ ଜନଜୀବନ, ପାହାଡ ଧସିବାରୁ ରାସ୍ତା ବନ୍ଦ
  • ||
  • ସପ୍ତଦଶ ବିଧାନସଭାର ବଜେଟ୍ ଅଧିବେଶ ଆରମ୍ଭ, ପ୍ରଥମ ଦିନରେ ଅଭିଭାଷଣ ରଖିଲେ ରାଜ୍ୟପାଳ ରଘୁବର ଦାସ
  • ||
  • ଯାଜପୁର : ଭାରସାମ୍ୟ ହରାଇ ଓଲଟିଲା ​କାଉଡିଆଙ୍କୁ ନେଇ ଯାଉଥିବା ବସ୍, ୫ରୁ ଉର୍ଦ୍ଧ୍ଵ ଆହତ
  • ||

ଛାଡ଼ପତ୍ରର ୧୫ ବର୍ଷ ପରେ ଫେରିଲେ ପତ୍ନୀ, ଅଦିନେ ପାଳିଲେ ସାବିତ୍ରୀ ବ୍ରତ: ଫାଣ୍ଡିରେ ଦ୍ୱିତୀୟପତ୍ନୀ

ସାଲେପୁର, ୦୪/୦୭: ସ୍ୱାମୀକୁ ଚକ୍‌ମା ଦେଇ ଅନ୍ୟତ୍ର ପଳାଇଥିଲେ । ପନ୍ଦର ବର୍ଷ ରହିବା ପରେ ପୁଣି ସ୍ୱାମୀ ପାଖକୁ ଫେରି ଆସିଲେ ପ୍ରଥମ ପତ୍ନୀ । ସ୍ୱାମୀଙ୍କୁ ପୂଜା କରି ଅଦିନରେ ସାବିତ୍ରୀ ବ୍ରତ ମଧ୍ୟ ପାଳିଲେ । ହଠାତ୍‌ ଏତେ ବର୍ଷ ପରେ ପ୍ରଥମ ପତ୍ନୀଙ୍କ ଅବିର୍ଭାବ ଯୋଗୁଁ ଚିନ୍ତାରେ ପଡ଼ିଗଲେ ଦ୍ୱିତୀୟ ପତ୍ନୀ । ଏନେଇ ପୁଲିସ୍‌  ନିକଟରେ ଅଭିଯୋଗ କଲେ । ଏପରି ଦୃଶ୍ୟ  ସାଲେପୁର ଥାନା ଅଧୀନ ଏଲମାପୁର ଗ୍ରାମରେ ଦେଖିବାକୁ ମିଳିଛି । 

ସୂଚନା ମୁତାବକ, ଏଲମାପୁର  ଗ୍ରାମର ଚତୁର୍ଭୁଜ ପଣ୍ଡା ୧୫ବର୍ଷ ତଳେ  ଦେବସ୍ମିତା ପଣ୍ଡାଙ୍କୁ ବିବାହ କରିଥିଲେ ।  କୌଣସି କାରଣରୁ ଉଭୟଙ୍କ ମଧ୍ୟରେ  ଛାଡ଼ପତ୍ର ହୋଇଥିଲା । ଏହାପରେ  ପ୍ରମୋଦିନୀ ପଣ୍ଡାଙ୍କୁ ଦ୍ୱିତୀୟ ବିବାହ  କରିଥିଲେ ଚତୁର୍ଭୁଜ । ଏବେ ପ୍ରମୋଦିନୀ  ଓ ଚତୁର୍ଭୁଜଙ୍କର ଗୋଟିଏ ପୁଅ ଓ ଗୋଟିଏ  ଝିଅ ଅଛନ୍ତି । ହେଲେ ୧୫ ବର୍ଷ ପରେ  ହଠାତ୍‌ ସ୍ୱାମୀ ଚତୁର୍ଭୁଜଙ୍କ ନିକଟକୁ ପ୍ରଥମ  ପତ୍ନୀ ଦେବସ୍ମିତା ଫେରିଆସିଥିଲେ । ରାଗ  ରୋଷ ଭୁଲି ସ୍ୱାମୀ ପ୍ରଥମ ସ୍ତ୍ରୀ ଦେବସ୍ମିତଙ୍କୁ  ଗ୍ରହଣ କରିନେଲେ । ସ୍ୱାମୀଙ୍କ ମନକୁ  ଜିଣିବା ପାଇଁ ଅଦିନରେ ସାବିତ୍ରୀ ବ୍ରତ  କଲେ ପ୍ରଥମ ସ୍ତ୍ରୀ । ହେଲେ ଏହାକୁ ଦ୍ୱିତୀୟ  ପତ୍ନୀ ପ୍ରମୋଦିନୀ ବିରୋଧ କରିବାରୁ  ପ୍ରଥମ ପତ୍ନୀ ତାଙ୍କୁ ମାରଧର କଲେ ।  ଏନେଇ ଜପକୁଦ ଫାଣ୍ଡିରେ ଅଭିଯୋଗ  କଲେ ଦ୍ୱିତୀୟ ପତ୍ନୀ । ଥାନାରେ ସ୍ଥାନୀୟ  ଭଦ୍ରବ୍ୟକ୍ତି ଓ ଉଭୟ ପକ୍ଷଙ୍କ ମଧ୍ୟରେ  ଆପୋଷ ସମାଧାନ କରାଗଲା ।  

ପ୍ରଥମ ପତ୍ନୀକୁ ସ୍ୱାମୀ ଚତୁର୍ଭୁଜ  ବାହାରେ ରଖିବା ସହ ଦ୍ୱିତୀୟ ପତ୍ନୀକୁ  ନିଜ ଘରେ ରଖିବେ ଓ କୌଣସି ନିର୍ଯାତନା  ଦେବେ ନାହିଁ ବୋଲି ପୁଲିସ୍‌ ଚେତାବନୀ  ଦେଲା । ଏପରକି ଦୁଇ ପିଲାଙ୍କୁ ମଧ୍ୟ  ପୂର୍ବପରି ବାପା ସ୍ନେହ ଶ୍ରଦ୍ଧା କରିବା ସହ  ସେମାନଙ୍କର ଯାବତୀୟ ଆବଶ୍ୟକତାକୁ  ପୂରଣ କରିବେ ବୋଲି ନିଷ୍ପତି ଶୁଣାଇଥିଲେ  ଭଦ୍ରଲୋକ । ଏ ସମ୍ପର୍କରେ ଜପକୁଦ  ଫାଣ୍ଡି ଅଧିକାରୀ ରତ୍ନାକର ପ୍ରଧାନଙ୍କୁ ପଚାରିବାରୁ, ଏନେଇ ଫାଣ୍ଡିରେ ଦ୍ୱିତୀୟ  ପତ୍ନୀ ଅଭିଯୋଗ କରିଥିଲେ । ଉଭୟପକ୍ଷ ଓ  ଭଦ୍ରବ୍ୟକ୍ତିମାନଙ୍କ ଉପସ୍ଥିତିରେ ସେମାନଙ୍କ  ମଧ୍ୟରେ ଆପୋଷ ସମାଧାନ କରାଯାଇଛି  ବୋଲି ସେ କହିଥିଲେ । ଏହି ଘଟଣା  ଏବେ ସାଲେପୁର ଅଞ୍ଚଳରେ ଚର୍ଚ୍ଚାର  ବିଷୟ ପାଲଟିଛି । ବିଶେଷ କରି ସ୍ୱାମୀଙ୍କୁ  ଧରି ପ୍ରଥମ ପତ୍ନୀ ଅଦିନରେ ସାବିତ୍ରୀ ବ୍ରତ  ପାଳନ କରୁଥିବା ସୋସିଆଲ୍‌ ମଡିଆରେ  ଭାଇରାଲ୍‌ ହେବାରେ ଲାଗିଛି

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.