ନୂଆଦିଲ୍ଲୀ,୧୧।୧୧:  ଦିଲ୍ଲୀରେ ପୁଣିଥରେ ଭୁକମ୍ପ ଝଟକା ଅନୁଭୂତ। ଶନିବାର ମଧ୍ୟାହ୍ନ ପ୍ରାୟ ୩ଟା ୩୬ ମିନିଟ୍‌ରେ ଉତ୍ତର ଦିଲ୍ଲୀରେ ଏହି ଝଟକା ଅନୁଭୂତ ହୋଇଛି। ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୨.୬ ମପାଯାଇଛି। ମଡେଲ ଟାଉନ୍, ନରେଲା, ଅଲିପୁର ସହିତ ଆଖପାଖର ବହୁ ଅଞ୍ଚଳରେ ଭୂକମ୍ପ ଝଟକା ଅନୁଭୂତ ହୋଇଥିଲା। ଭୂକମ୍ପ ଆସିବା ପରେ ଦୀପାବଳିର ପ୍ରସ୍ତୁତିରେ ଥିବା ଲୋକ ଏବେ ଭୟଭୀତ ହୋଇଯାଇଥିଲେ। ଭୟରେ ଘର ବାହାରକୁ ଚାଲି ଆସିଥିଲା। ବର୍ତ୍ତମାନ କୌଣସି ପ୍ରକାର ଧନ-ଜୀବନ କ୍ଷୟକ୍ଷତି ହୋଇଥିବାର ସୂଚନା ମିଳିନି।

ଉଲ୍ଲେଖନୀୟ ଯେ, ଏହା ପୂର୍ବରୁ ୬ ନଭେମ୍ବରରେ ଦିଲ୍ଲୀ-ଏନ୍‌ସିଆରରେ ଭୂକମ୍ପର ଝଟକା ଅନୁଭୂତ ହୋଇଥିଲା। ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୫.୬ ମପା ଯାଇଥିଲା। ଭୂକମ୍ପର କେନ୍ଦ୍ରସ୍ଥଳୀ ଥିଲା ନେପାଳ। ଦିଲ୍ଲୀ ବ୍ୟତୀତ ଉତ୍ତରାଖଣ୍ଡର ପିଥୋରାଗଡ ଜିଲ୍ଲାରେ ମଧ୍ୟ ଅନୁଭବ କରାଯାଇଛି।