ଭୁବନେଶ୍ୱର, ୯।୬: ରେଗୁଲାର୍ ଓ ଏକ୍ସ ରେଗୁଲାରଙ୍କ ପାଇଁ ଯୁକ୍ତ ୨ ପରୀକ୍ଷା ଅନଲାଇନ ଆବେଦନ ତାରିଖ ଘୁଞ୍ଚିଥିବା ଜଣାପଡ଼ିଛି । ଉଚ୍ଚ ଶିକ୍ଷା ବିଭାଗର ପରୀକ୍ଷା ନିୟନ୍ତ୍ରଣକାରୀ ଡ. ପ୍ରଶାନ୍ତ କୁମାର ପରିଡ଼ା ଏନେଇ ସୂଚନା ଦେଇଛନ୍ତି । ସୂଚନାନୁସାରେ, ଅନେକ ଅନୁଷ୍ଠାନର ପ୍ରସ୍ତାବ ଓ ଛାତ୍ରଛାତ୍ରୀଙ୍କ ପ୍ରତିନିଧିତ୍ୱକୁ ଯତ୍ନର ସହ ବିଚାର କରିବା ପରେ ଏହି ଅନଲାଇନ୍ ଆବେଦନ ତାରିଖରେ ବୃଦ୍ଧି କରାଯାଇଛି । ତେବେ ଛାତ୍ରଛାତ୍ରୀମାନେ ତା ୧୩.୬.୨୦୨୪ରିଖ ପର୍ଯ୍ୟନ୍ତ ଅନଲାଇନରେ ଆବେଦନ କରିପାରିବେ । 

ତେଣୁ ପ୍ରତ୍ୟେକ ଅନୁଷ୍ଠାନର କଳା, ବିଜ୍ଞାନ, ବାଣିଜ୍ୟ, ଧନ୍ଦାମୂଳକ ପାଠ୍ୟକ୍ରମର ରେଗୁଲାର୍ ଓ ଏକ୍ସ ରେଗୁଲାର ଛାତ୍ରଛାତ୍ରୀମାନଙ୍କୁ ଏନେଇ ସୂଚନା ଦିଆଯାଇଛି । ତେବେ ଉଚ୍ଚ ଶିକ୍ଷା ବିଭାଗ ଜାରି କରିଥିବା ଏହି ଅନଲାଇନ୍ ଆବେଦନ ତାରିଖକୁ ଅପରିବର୍ତ୍ତିତ ରଖିବ । ପରୀକ୍ଷାରେ ଫେଲ୍ ହୋଇଥିବା ଛାତ୍ରଛାତ୍ରୀମାନେ ପରୀକ୍ଷା ପାଇଁ ଫର୍ମ ପୂରଣ କରିବାର ଏହା ହେଉଛି ଶେଷ ସୁଯୋଗ । ଏହି ତାରିଖ ବ୍ୟତୀତ ଆଗକୁ ବିସ୍ତାରକୁ ଅନୁମତି ଦିଆଯିବନାହିଁ ବୋଲି ସୂଚନା ।