ଭୁବନେଶ୍ଵର, ୨୪/୦୮ : ପୂର୍ବତନ ଭୁବନେଶ୍ୱର ମ୍ୟୁନିସିପାଲ ଇଞ୍ଜିନିୟରଙ୍କ ବାଜ୍ୟାପ୍ତି ହେବ ସମ୍ପତ୍ତି। ପୂର୍ବତନ ମ୍ୟୁନିସିପାଲ ଇଞ୍ଜିନିୟର ସୁବାଷ ଚନ୍ଦ୍ର ମିଶ୍ରଙ୍କ ୫ କୋଟି ୮୬ ଲକ୍ଷ ଟଙ୍କାର ସମ୍ପତ୍ତି ବାଜ୍ୟାପ୍ତି କରାଯିବ। ଟଙ୍କପାଣି ରୋଡରେ ଥିବା ଦୁଇ ମହଲା ଘର ଏବଂ ଭୀମପୁରରେ ଥିବା ଏକ ମହଲା ଘର, ଅଢେଇ କିଲୋ ସୁନା ଗହଣା, ବ୍ୟାଙ୍କ ଇନ୍ସୁରାନ୍ସ ବାଜ୍ୟାପ୍ତି କରିବା ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି। 

ସୂଚନାନୁଯାୟୀ, ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ୨୦୦୪ ମସିହାରେ ସୁବାଷ ଚନ୍ଦ୍ର ମିଶ୍ରଙ୍କ ଘରେ ଭିଜିଲାନ୍ସ ଚଢ଼ାଉ କରିଥିଲା। ସେହି ସମୟରେ ତାଙ୍କର ଆୟଠାରୁ ଯଥେଷ୍ଟ ଅଧିକ ସମ୍ପତ୍ତି ଜବତ କରାଯାଇଥିଲା । ସେତେବେଳେ ସୁବାଷ ଭୁବନେଶ୍ୱର ମ୍ୟୁନିସିପାଲ କର୍ପୋରେସନରେ ଇଞ୍ଜିନିୟର ଥିଲେ। କାର୍ଯ୍ୟକାଳ ସମୟରେ ତାଙ୍କ ନାଁରେ ଦୁର୍ନୀତି ନେଇ ଅଭିଯୋଗ ଆସିଥିଲା। ଦୀର୍ଘ ୨୨ ବର୍ଷ ପରେ ମାମଲାର ରାୟ ଆସିବା ସହ ସମ୍ପତ୍ତି ବାଜ୍ୟାପ୍ତି ନେଇ କୋର୍ଟ ନିର୍ଦ୍ଦେଶ ଦେଇଛନ୍ତି।